Спорт
Јувентус шампион без пораз
![](https://makfax.com.mk/wp-content/uploads/2016/11/c2b71efb-cd60-4f78-9183-56a892eb5c13.jpeg)
Во средбата од последното 38-коло на италијанското фудбалско првенство, торински Јувентус пред своите гледачи ја совлада Аталанта со 3:1 освојувајќи го Скудетото без ниеден првенствен пораз.
Торинската „Стара дама“ го заврши првенството со 23 победи и 15 нерешени мечеви со гол разлика од 68:20. Со тоа Јувентус стана вториот клуб во Италија, по Милан од сезоната 1991/92 кога „росонерите“ ја освоија титулата со 22 победи и 12 нерешени исходи.
Уште една италијанска екипа ја завршила сезоната без пораз, Перуџа којашто во 1979 година имаше 11 победи и 19 нерешени натпревари, но беше само втора, зад Милан кој имаше три пораза но ја освои тутулата со три бода предност.
Во победата на Јуве во неделата против Аталанта, головите ги постигнаа Мароне во 10, Алекс Делпјеро во 28 и Барзаљи од пенал во првата минута од судиското продолжение, додека во 83 минута Лихтштајнер ја затресе сопствената мрежа.
Второто место го освои Милан кој на свој терен со пресврт дојде до победата против Новара којашто од поодамна ги загуби шансите за опстанок во Серија А. Головите за миланезите ги постигнаа Фламини во 55 и Инзаги во 82, додека гостите поведоа во првото полувреме со голот на Гарсија во 20 минута.
Фиорентина во пладневната програма од последното годинешно коло на Серија А одигра само 0:0 со Каљари, во средба на два тима коишто одамна обезбедија опстанок но немаа никакви претензии за горниот дел од табелата.
Вечерва се играат натпреварите Чезена – Рома, Наполи – Сиена, Киево – Лече, Лацио – Интер, Џенова – Палермо и Катанија – Удинезе, а дури четири клубови претендираат на третото место – Удинезе кој има 61 бод, Лацио со 59 и Наполи и Интер коишто имаат по 58 бодови./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Англиските Ирци и пресудија на Република Ирска
![](https://makfax.com.mk/wp-content/uploads/2024/09/1725726879-GettyImages-2170696921.jpg)
Англија со победа над Ирска во Даблин ги започна натпреварите во Б дивизијата во Лигата на нации. Победата на Англија и ја донесоа Ирците, кои решија во сениорска конкуренцијата да го носат дресот на „гордиот албион“.
Деклан Рајс и Џек Грилиш во Дабил беа пречекани со транспарент кој ги споредува со змии. Двајцата постигнаа по еден гол, Рајс не го прослави за разлика од Грилиш.
🐍"YILANLAR GERİ DÖNDÜ"
İrlandalı taraftarların İngiltere maçında Declan Rice ve Jack Grealish'e gösterdiği tepki ters tepti.
🔔DEVRE: İrlanda 0-2 İngiltere
⚽11' Declan Rice
⚽26' Jack Grealish 🅰 Declan Rice pic.twitter.com/fayUiaY0HG— Sporx Ekstra (@sporxekstra_) September 7, 2024
Рајс, пред да дебитира за Англија во 2019 година, одигра три натпревари за Ирска. Сега постигна гол на стадионот на кој во 2018 година играше во дресот на Ирска против САД. Грилиш играше за младинските селекции, У18 и У21 на Ирска. Неговата мајка е од Ирска, но тој реши го прифати повикот од Англија.
Спорт
Анчелоти за помошник донесе тренер од англиската Трета лига
Карло Анчелоти (65), според англиските медиуми, повлече шокантен потег. Искусниот Италијанец во својот стручен штаб го донесе помошникот тренер во англискиот третолигаш Стокпорт Каунти.
Станува збор за 38-годишниот Енди Менген, кој беше член на стручниот штаб на над 300 натпревари во третото, четвртото и петтото ниво на англискиот фудбал.
Менген е поранешен напаѓач, кој ја заврши својата кариера во 2018 година. Настапуваше за десет клубови, а во кариерата одигра 425 натпревари и постигна 118 гола.
Никогаш во кариерата не играч на повисоко ниво од Третата лига.
Англиските медиуми пренесуваат дека Менген е близок пријател со Давиде Анчелоти (35), синот на Карло Анчелоти, кој исто така е дел од стручниот штаб на Реал Мадрид.
Тие двајца заедно ги земаа тренерските лиценци, па освен што се пријатели се и поранешни школски другари. Кога Менген ќе ја добие работната дозвола за Шпанија, ќе му се приклучи на стручниот тим на Реал.
Спорт
Гризман. Бевме ужасни против Италија
![](https://makfax.com.mk/wp-content/uploads/2024/09/Untitled-1-17.jpg)
Французите се разочарани од играта што ја прикажаа нивните најдобри играчи на натпреварот против Италија на стартот од Лигата на нации.
„Аѕурите“ сосема неочекувано победија со 3:1 во Париз.
Триколорите поведоа веќе во 14. секунда со голот на Баркола, но во преостанатиот дел од натпреварот Димарко, Фратеси и Распадори целосно го свртеа резултатот.
Еден од најискусните репрезентативци на Франција, 33-годишниот Антоан Гризман заигра по 136-ти пат во дресот на „триколорите“ и не памети вакво лошо издание.
„Ништо не беше во ред. Како репрезентација мора да продолжиме да работиме напорно и да го анализираме овој натпревар. Не бевме добри ниту во напад, ниту во пресинг, ниту во одбрана. Им честитам на Италијанците, овојпат беа подобри“, изјави Антоан Гризман за француските медиуми.
Во следниот натпревар, во понеделник на 9 септември Франција ја пречекува Белгија во Лион, додека истиот ден Италија гостува во Будимпешта против Израел.