Свет
Се ожени Ким Јонг-ун
Севернокорејските државни медиуми во среда за прв пат потврдија дека лидерот на државата Ким Јонг-ун се оженил.
Во медиумските извештаи се наведува дека тој присуствувал на отворањето на забавниот парк со сопругата, другарката Ри-Сол-ју.
Во последните недели се појавија шпекулации за неговиот приватен живот откако беа прикажани фотографии од неидентификувана жена во негово друштво, пренесува „ BBC“.
Ким Јонг-ун го презеде водството на земјата по смртта на својот татко Ким Јонг-ил во декември минатата година.
Осмоминутниот извештај на севернокорејското радио во кој е спомната Ри Сол-ју емитуван е во 20 часот по локално време во среда.
Аналитичарите го набљудуваат Ким и неговиот најтесен круг на соработници за да дознаат во кој правец би можел да ја води својата изолирана земја.
Минатата недела властите извршија смена во војската што аналитичарите го протолкуваа како обид да се зацврсти авторитетот на лидерот над моќната севернокорејска војска./крај/bbc/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.