Свет
Русија ќе ја задржи својата база во сириското пристаниште Тартус
Русија има намера да ја задржи својата поморска логистика во сириското пристаниште Тартус, изјави во четвртокот командантот на Воената морнарица на Руската Федерација, вицеадмирал Виктор Чирков.
„Базата за логистика на руската морнарица во Сирија, Тартус – ќе биде задржана. Таа ни е неопходна за снабдување на нашите бродови и пловила, особено за исполнување на задачите од анти-пиратската мисија во Аденскиот залив“, изјави вицеадмиралот Виктор Чирков преку видеолинкот Санкт Петербург – Мурманск – Калининград, пренесува РИА Новости.
Тој додал дека Медитеранот е оперативна областа на Црноморската флота.
Воени бродови на Балтичката и Северната флота на руската воена морнарица во вторникот го минаа Гибралтарскиот теснец и впловија во Средоземното Море, каде што ќе се сретнат со бродовите на Црноморската флота. Бродовите од трите флоти ќе формираат меѓуфлотилска групација којашто во медитеранските води ќе изврши воени маневри.
Комбинираната флотила од Северната, Балтичката и Црноморската флота, има главна цел да одржи маневри за увежбување за дејствување под една команда, според руското министерство за одбрана.
Според министерството, бродовите од трите флоти имаат главна задача да дејствуваат во поддршка и команда на антиподморничкиот брод „Вицеадмирал Кулаков“, кој претходно учествуваше во меѓународните сили во обезбедување на поморската маршрута која минува низ Аденскиот залив од нападите на сомалиските пирати./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.