Венецуелскиот претседател Уго Чавез се чувствува добро и е во стабилна состојба по операцијата на туморот во Куба, изјави потпретседателот на државата Елиас Хауа во вторникот навечер.

Венецуелскиот претседател Уго Чавез се чувствува добро и е во стабилна состојба по операцијата на туморот во Куба, изјави потпретседателот на државата Елиас Хауа во вторникот навечер.„Претседателот Чавез е во добра физичка состојба“, изјавил потпретседателот пред пратениците во Каракас, коишто веста ја поздравиле со повиците „Чавез нема да си замине“, пренесува ReutersХауа рекол и дека немало компликации во текот на операцијата и дека претседателот Уго Чавез добро се опоравува. Тој не зинел други детали за здравствената состојба на претседателот, ниту рекол кога се очекува неговото враќање.Педесет и седумгодишниот Чавез, којшто потврди дека ќе се кандидира на претседателските избори на 7-ми октомври за уште еден шест годишен мандат, пред заминувањето за Хавана на своите поддржувачи им вети дека ќе ја надмине „и оваа ова тешкотија“.Чавез претходно во четвртокот изјави дека новиот тумор кој пред две седмици му беше дијагностициран на преглед во Хавана, најверојатно е „малиген“, иако конечно ова не е потврдено.Минатата година на Куба Чавез беше опериран и прими четири циклуси хемотерапија, откако му беше откриен тумор во пределот на карлицата.Неговата изјава ја турна венецуелската политика во нов период на неизвесност, бидејќи социјалистичкиот лидер планираше повторно да се кандидира за претседател, во надеж дека по 13 години владеење ќе помине уште шест години на власт, колку што трае претседателскиот мандат.Опозицијата во Венецуела на внатрешните предизбори пред две седмици го избра Енрике Каприљес, адвокат и гувернер на сојузната држава Миранда, втората по бројот на население и најбогата федеративна единица на Венецуела,  за свој единствен кандидат кој ќе се соочи со актуелниот претседател Уго Чавез на претседателските избори во октомври годинава. Сепак, и покрај здравствените проблеми, големиот фаворит на претседателските избори во Венецуела, Чавез изјави дека нему му е сеедно дали ќе се соочи со еден или со повеќе противници додавајќи дека тој има намера да остане на власт до 2031 година./крај/мф/сн