Европската комисија денеска ги објави предлозите за измените на Шенгенскиот кодекс за границите, според кој одлуката за привремено враќање на пасошките контроли на границите во рамките на Шенген-зоната во услови на закана за јавниот ред или домашната безбедност

Европската комисија денеска ги објави предлозите  за измените на Шенгенскиот кодекс за границите, според кој одлуката за привремено враќање на пасошките контроли на границите во рамките на Шенген-зоната во услови на закана за јавниот ред или домашната безбедност мора да биде усвоена на наднационално ниво. Лидерите на 27 земји членки на Европската унија побараа од Европската комисија да подготви и достави во септември оваа година, нацрт-предлог со прописи за исклучителни случаи на привремено продолжување на граничните контроли во Шенгенската зона. Во моментов, одлуката за ова прашање е исклучиво во надлежност на националните влади. „Во согласност со новиот режим, одлуката за востановување на внатрешните гранични контроли за време на планираните мерки ќе се применуваат на европско ниво врз основа на предлог на Комисијата, кој е поддржан од страна на ’квалификувано мнозинство’ од експерти од ЕУ“, изјави за новинарите во Брисел, европскиот комесар за внатрешни работи, Сесилија Малмстром. Основа за обновување на пасошка контрола во рок до 30 дена со можност за продолжување, како што е предложено од Брисел, ќе биде можно особено при закана од терористички напади за време на одржување средби на највисоки нивоа, за спортски манифестации, како и при неочекуван прилив на мигранти. Според сегашните правила, земјите од Шенген зоната можат да ги возобноват гранични проверки само за заштита на јавниот ред и за внатрешната безбедност, и само за одреден период, но не повеќе од 30 дена. Според Малстром, во екстремни случаи Европската комисија предлага да им се овозможи на земјите-членки да ја обноват пасошката контрола пасошка контрола – но за период не подолг од пет дена, по што тие мора да ги оправдаат своите постапки и да побараат дозвола од Брисел за нивната натамошна примена. „Во случај на сериозни недостатоци во примената на Шенгенските правила, на пример, ако државата-членка не е во состојба соодветно да заштити дел од надворешната граница на ЕУ, може да се земе за поддршка, вклучувајќи техничка и финансиска поддршка од Комисијата, земјите-членки (на Шенгенскиот договор), ФРОНТЕКС (Агенција за управување со надворешните граници на ЕУ) или други агенции, како што се Европол и Европската канцеларија за азил (EASO)“, се вели во  соопштението на Европската комисија. Во исчекување на објавувањето на предлозите на Еврокомисијата, Франција, Германија и Шпанија заеднички ја критикуваа можноста за поднесување до највисоките извршни власти на ЕУ прерогативите за донесувањето одлука за обновувањето на пасошките  контроли на границите во Шенген зоната. Како што изјави во овој контекст Малстром, таа има намера да ја брани неопходноста од примената на измените на Шенгенскиот кодекс предложени Европската комисија, како пред пратениците во Европарламентот, така и пред министрите за правда и за внатрешни работи во земјите членки на ЕУ коишто следната седмица ќе допатуваат во Брисел за редовен состанок. Од моментот на стапувањето во сила на Шенгенскиот кодекс за границите во 2006 година, пограничните контроли во границите на Шенген зоната во 2006 година, граничната контрола на границите во рамките на Шенген привремено беше администрирана 26 пати, што се должи главно на одржувањето големи спортски и политички настани. Потписнички на Шенгенскиот договор се 22 од 27-те земји членки на ЕУ. Велика Британија, Ирска и Кипар не се вклучени во Шенген зоната, како и Романија и Бугарија кои се очекува да се придружат наскоро/крај/рн/сн