Свет
Полномошникот на Димов ја обвинува УЈП дека не е испочитувана процедурата
Управата за јавни приходи не ја испочитувала процедурата при изготвувањето
на решението за поранешниот министер за здравство, Владо Димов, кој се товари
за затајување данок во вкупна вредност од околу 780 илјади евра
Управата за јавни приходи не ја испочитувала процедурата при изготвувањето
на решението за поранешниот министер за здравство, Владо Димов, кој се товари
за затајување данок во вкупна вредност од околу 780 илјади евра. Правниот
полномошник на Димов, познатиот адвокат Јово Трпеноски, кој во минатиот состав
на Антикорупциската комисија беше нејзин член, а своевремено и јавен обвинител,
вели дека УЈП не им го врачила решението за плаќање данок, како и дека поканата
за распит сопругата на Димов ја примила со еден ден задоцнување од закажаниот
термин. Од УЈП нагласуваат дека на нивните решенија, Димов, како и секоја друга
странка, има право на жалба, а доколку не се задоволни од одлуките на
даночниците, можат да се жалат и до Второстепената комисија при Министерството
за финансии. Иако не е јасно како ќе може да се упати жалба на решение што не е
примено.
Трпеноски вели дека на Димов му се заканува одземање на имотот без да се
испочитуваат правните процедури, како и дека има докази за изворите на приходи
на неговиот штитеник. Тој објаснува дека Димов, како и секој функционер, треба
да пополни анкетен лист за неговата имотна состојба и за неговото потесно
семејство и, доколку има измена, таа треба да се пријави во рок од 30 дена. Во
случајот со Димов немало промени во двата анкетни листа што се поднесуваат на
почетокот и по завршување на функцијата. „Овие податоци ги испитува
Антикорупциската комисија, која доколку констатира неправилности, пред да го
пријави случајот во УЈП, треба да го повика подносителот на пријавата на
распит. Тоа не е сторено“, вели Трпеноски, додавајќи дека, наместо покана за
распит, веднаш се носи решение со казнени мерки. Според Трпеноски, поканата за
распит била испратена по пошта, а сопругата на Димов ја примила на 5 јуни,
додека распитот бил закажан еден ден претходно, односно на 4 јуни. На поканата
било посочено дека во случај на отсуство или доколку повиканиот не може да
дојде, треба да се пријави тоа на одреден телефон. Полномошникот Трпеновски се
јавувал три дена едноподруго на посочениот телефон за да ги извести надлежните
дека Димов има платено отсуство од една година, што тече од септември 2006
година, за што од Клиниката за дигестивна хирургија има решение. Меѓутоа, на
телефонот никој не одговарал, па Трпеноски на 7 јуни лично го доставил
известувањето до УЈП со укажување ако треба комуникација со Димов, таа ќе се
одвива преку него како полномошник. Не им била дадена никаква можност да се
презентираат документите, туку веднаш било изготвено решение, за кое во
јавноста се шири дека е доставено, што, според Трпеноски, не е точно. Затоа,
смета Трпеноски, ова е атака врз личноста на Димов.
Од УЈП појаснуваат дека износот за кој се товари Димов, даночниците го
пресметале врз основа на проверката на поднесената годишна даночна пријава за
персонален данок на доход. Според постојната практика, откако ќе се испрати
решението, се оставаат три дена рок за негово примање, а потоа течат 15 дена за
одговор. УЈП првично отвори шеесетина постапки за неплатен данок, но, како што
појаснуваат од оваа институција, секој од овие предмети отворил нови три или
четири случаи кои биле поврзани со постојните. Данок од 140 илјади евра плати
кардиологот Борче Петровски. УЈП побарува данок и од судијката Снежана
Попчевска и од градоначалничката Виолета Аларова, кои поднеле жалби, но тие не
биле прифатени.
Имотната состојба на Димов уште пред две недели беше јавно објавена во
Собранието, кога пратеникот Влатко Ѓорчев од ВМРО-ДПМНЕ ја процени на два
милиона евра. Ѓорчев праша дали е точно тоа дека Димов има депозит од околу 400
илјади евра во Ситибанк во Грција, 33 илјади долари во банка во Виена и 18
илјади евра во Комерцијална банка. Од пратеничкото прашање произлегува дека
Димов располага со имот од 6.790 квадратни метри во Нерези, проценет на 135
илјади евра, четири стана во Скопје,.удел во фирмата „Бусамак“ ДОО од 168
илјади евра, како и побарувања од едно физичко и едно правно лице од вкупно 190
илјади евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Зеленски на важен состанок во Европа: „За 11 дена започнува ново поглавје“
На нивниот последен состанок пред Доналд Трамп да влезе во Белата куќа, претставниците на земјите што ја поддржуваат Украина во американската воена база во Рамштајн, Германија, денеска ветија 500 милиони долари помош за Киев.
„Војната на Украина против окупаторските руски сили не засега сите нас“, рече американскиот секретар за одбрана Лојд Остин на состанокот. Тој рече дека задача на целата меѓународна заедница е да ги „запре автократите во нивните империјални амбиции“.
За Остин, кој го иницираше овој формат веднаш по руската инвазија на Украина во февруари 2022 година, ова е негово последно учество на состанокот пред администрацијата на Доналд Трамп да ја преземе функцијата во САД на 20 јануари.
Украинскиот претседател Володимир Зеленски претходно изјави дека транзицијата на власта во Вашингтон, со оглед на тоа што се уште не е познато дали САД ќе продолжат да и помагаат на Украина под претседателот Трамп, ќе означи „ново поглавје“.
„Апсолутно е јасно дека за Европа и за целиот свет за 11 дена започнува нов период во кој ќе треба уште повеќе да соработуваме“, рече Зеленски на состанокот во Рамштајн. Тој рече дека целта на меѓународната заедница мора да продолжи за да се најдат „што е можно повеќе инструменти“ за да се принуди Русија да постигне мир.
Германскиот министер за одбрана Борис Писториус му се заблагодари на Остин за досегашната координација на помошта за Украина и рече дека е неопходно да се продолжи т.н. Рамштајн формат, заклучувајќи дека резултатите од овој формат се „инспирација да се продолжи со истиот интензитет“.
Писториус вети дека ќе испорача ракети земја-воздух во Украина.
„Украина сè уште може да се потпре на Германија“, рече Писториус, кој со оглед на тоа што во Германија се одржуваат парламентарни избори на крајот на февруари, може да биде и неговото последно учество на состанок од ваков формат.
Регион
13-та жртва на масакрот во Цетиње: во болница во Подгорица денеска почина еден од ранетите на 1 јануари
Дејан Кокотовиќ почина денеска во Клиничкиот центар во Подгорица од тешките повреди со кои се здоби на 1 јануари при пукање во кафулето Велестово во центарот на Цетиње, пишува црногорски „Вијести“. Ова е 13-та жртва на нападот на Ацо Мартиновиќ.
Во нападот Кокотовиќ бил ранет во пределот на стомакот, градниот кош и главата. Истата вечер бил опериран во Клиничкиот центар. Тој изминатава недела се бореше за живот, но на крајот напорите на лекарите се покажаа залудни.
Убиецот Ацо Мартиновиќ починал при транспорт во Клиничкиот центар на Црна Гора откако си пукал во глава.
Свет
Канадскиот министер за енергија го предупреди Трамп на трговска војна за нафтата
Канадскиот министер за енергија Џонатан Вилкинсон денеска ги отфрли тврдењата на новоизбраниот американски претседател Доналд Трамп дека на САД не им треба ништо од Канада и предупреди на потенцијални одмазднички трговски мерки од Отава, вклучително и извозни даноци на нафта.
Одговарајќи на изјавите на Трамп дека постои можност за зголемување на царините до 25 отсто, Вилкинсон рече дека САД немаат лесно достапна алтернатива за канадската сурова нафта, ураниум, поташа и други критични минерали, пишува „Блумберг“.
„Поголемиот дел од суровата нафта произведена во САД е лесно слатко масло. Рафинериите во средниот запад (САД) се формирани за тешка сурова нафта и немаат алтернатива за користење на канадските ресурси – тоа не е економично. Дури и алтернативата што постои за некои од заливските рафинерии за тешка нафта е Венецуела“, заклучи Вилкинсон, еден од кандидатите да го замени премиерот во заминување, Џастин Трудо.
Најотворана веб страница во Мала Речица е таа на Стејт департментот, секое утро проверуваат да не имаат некој член на црна листа, велат од ВЛЕН
„ДУИ е прва партија на Албанците која ги оддалечува Албанците од нивните западни стратешки партнери, заради својот криминал и корупција....
Министерството за надворешни работи со осуда: Злонамерните изјави на официјални личности од бугарската политичка сцена се директен напад на суверенитетот, интегритетот и независноста на нашата држава
Министерството за надворешни работи и надворешна трговија на Република Северна Македонија силно ја осудува објавата на лидерот на бугарска политичка...
Таравари нема информација оти некој рендген не работи, а матичните од Скопје два дена немаат каде да ги испратат на снимање пациентите
Министерот за здравство Арбен Таравари не знае за проблемите со кои се соочија матичните лекари оваа недела кога ординациите им...
Докторите немаат никаква грешка за смртта на седуммесечното бебе на Детската клиника, Таравари го доби извештајот од стручната комисија
Лекарите на Детската клиника не направиле грешка при лекувањето на седуммесечното бебе, кое почина на клиниката на почетокот на минатиот...
Измамници се претставуваат како банки и институции, МВР апелира граѓаните да не споделуваат лични податоци
Секторот за компјутерски криминал при Министерството за внатрешни работи активно презема мерки за истрага и справување со телефонските измами кои...
Бугарската агенција за патишта има делумна вина за несреќата на автобусот на „Беса транс“
Агенцијата за патна инфраструктура на Бугарија (АПИ) има делумна вина за трагичната несреќа на автобусот на „Беса транс“ во 2021...
Лидерот на Преродба побара присоединување на Македонија кон Бугарија
Лидерот на крајнодесничарската бугарска партија Преродба, Костадин Костадинов, ја повика владата во Софија официјално да излезе со претензии за присоединување...
Сателитски снимки го покажуваат обемoт на катастрофата во Лос Анџелес
Петте активни пожари во Лос Анџелес, двата најголеми – Итон и Палисадес – сè уште се целосно надвор од контрола....
(Видео) Знакот „Холивуд“ во опасност, пожарот им се заканува на повеќе знаменитости
Последниот пожар што го зафати врвот на познатиот Холивуд Хилс ги принудува жителите да се евакуираат, а луѓето во близина...
ВМРО-ДПМНЕ: Гасната централа ќе обезбеди топлинска енергија со драстично намалување на загаденоста
Загадениот воздух во градовите во државата е сериозен проблем, кој бара системски и долгорочен пристап за негово решавање. И првите...
(Видео) Исцрпени пожарникари, недостиг од вода, штетата во пожарите во Лос Анџелес се проценува на повеќе од 50 милиони долари
Деструктивните шумски пожари, кои го опкружуваат Лос Анџелес, се проширија на Холивуд Хилс, откога во другите пожари во областа загинаа...
Бајден: Можев да го победам Трамп на изборите
Американскиот претседател Џо Бајден изјави дека верува оти ќе го победел Доналд Трамп на ноемвриските избори, објави Би-би-си. Бајден (82)...
(Видео) „Имавме неколку часа да се спасуваме и да заминеме“ – опожарени цели блокови во Пасадена
Уште една куќа гори втора ноќ по ред во Пацифик Палисадес, а пожарникарите признаваат дека немаат доволно вода за да...
Во ек на сезона на пневмонии и грипови, нема рентген на државно – матичен лекар ја критикува состојбата на клиниките
Матичен лекар укажа на проблеми со упатите на клиниките во Скопје, додека амбулантите се преполни со пациенти болни од грип....
Бајден го прошири опсегот на санкции за Западен Балкан пред крајот на неговиот мандат
Американскиот претседател Џо Бајден ги прошири категориите на поединци кои подлежат на американски санкции поради оспорување на суверенитетот и територијалниот...
Груби доби отказ од тетовскиот универзитет кадешто предаваше новинарство
Поранешниот вицепремиер, Артан Груби доби отказ од тетовскиот универзитет поради тоа што не се појавил на работа. Груби на универзитетот...
Чулев обвинува за сериозни злоупотреби од претходната власт во разузнавачкиот систем, го повика Обвинителството да отвори истраги
Поранешниот министер за внатрешни работи, Наќе Чулев, обвини за сериозни злоупотреби во безбедносно-разузнавачкиот систем, за време на претходната власт предводена...
(Видео) СДСМ нема да ги поддржи интереплациите на ДУИ: „Не се потребни нови етнички поделби“
Портпаролката на СДСМ, Богданка Кузеска кажа дека партијата нема да ги поддржи и нема да гласа за интерпелациите што се...
Кривична против поранешен началник на Одделот за воздухопловни единици, го оштетил Буџетот на МВР за над 926 илјади денари
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
Во мај Мицкоски ќе соопшти 90 отсто од имињата на кандидатите за градоначалници, партиските анкети почнуваат месецов
Општинските комитети веќе ги доставиле предлозите за кандидати за градоначалници на претстојните локални избори, рече денес премиерот и лидер на...
