Македонија
Судски совет – судиите да не потклекнуваат на закани
Од таму информираат дека Судскиот Совет, како гарант на нивната независност и самостојност, ги повикува сите судии своите одлуки да ги засноваат врз Уставот и законите и меѓународните договори ратификувани согласно со Уставот на РМ.
Судскиот совет на Република Македонија по добиените сознанија за анонимни закани до Претседателот на Основниот суд Скопје 1 – Скопје, Лидија Неделкова и истражниот судија на тој суд на Одделот за организиран криминал, Владимир Туфегџиќ, одржал седница на која се донело одлука за остра осуда на ваквите напади. Од таму информираат дека Судскиот Совет, како гарант на нивната независност и самостојност, ги повикува сите судии своите одлуки да ги засноваат врз Уставот и законите и меѓународните договори ратификувани согласно со Уставот на РМ. Притоа оцени дека има место да се произнесе со јасна порака до сите судии во РМ да не потклекнуваат на било какви притисоци и било какви закани во вршењето на нивната судиска функција.Судскиот совет на РМ ги повикува надлежните органи засилено да работат во откривањето на лицата кои се закануваат на одредени судии со единствена цел одстранување на вакви појави кои го нарушуваат начелото на независност и самостојност како уставни и темелни вредности, а со кои се поткопува, правниот систем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски во посета на Единицата за безбедност на сообраќајот на патиштата и Единицата за увид на место на настан и анализа: во фокусот проблемите на вработените
Министерот за внатрешни работи Панче Тошковски денес оствари работни посети на Единицата за безбедност на сообраќајот на патиштата и Единицата за увид на место на настан и анализа при Секторот за внатрешни работи Скопје каде одржа состаноци со раководствата.
„ЕБПС се соочува со голем недостаток на човечки ресурси и недостиг на возила и материјално-технички средства кои им се основна алатка за постапување и одржување на високо ниво на безбедност во патниот сообраќај. Исто така, беше посочено дека потребни се промени во законската и подзаконската регулатива со цел допрецизирање на одредбите кои ја регулираат оваа материја, а се со цел побезбеден сообраќај и помалку жртви.
ЕУМНА е една од круцијалните организациски единици кога се работи за ефикасно работење во делот на кривичната материја имајќи ја предвид природата на нивната работа. И во оваа Единица има голем недостаток на човечки ресурси, но и соодветни обуки кои ќе го подигнат нивото на квалитет на нивната работа, како и инвестирање во нова, пософистицирана опрема согласно најсовремените технологии и практики“ издвои Тошковски.
Македонија
Пендаровски: Давкова си закажала дебата сама со себе на МТВ
После јавната бламажа на трите досегашни ТВ дуели, Гордана Силјановска Давкова сфати дека единствен начин да излезе како победник во тие јавни соочувања е да организира разговор со „празно столче“ во договор со јавниот сервис чии генерален директор со месеци е ангажиран во партиска кампања на ВМРО-ДПМНЕ, вели престедателскиот кандидат Стево Пендаровски отклако претходно неговата против кандидатка Гордана Силјановска Давкова објави коментар дека Пендаровски не се појавил на дебатата на националниот сервис МТВ.
„Инаку, терминот за дебатата на МТВ никогаш не беше договорен меѓу двата кандидати. Дебатата во понеделник на 6ти мај, на телевизија Канал 5, е последна која е потврдена од двете страни.
И покрај ниските морални и етички стандарди кои ги поставија до сега во кампањата, ова е ново дно кое ВМРО-ДПМНЕ и Гордана Силјановска Давкова го достигнаа, што може да ги изненади само оние кои не го познаваат начинот на делување на ВМРО-ДПМНЕ и на нивната партиска кандидатка“, реагира Пендаровски на прозивките на Давкова.
Македонија
Сиљановска-Давкова до Пендаровски: Ќе дебатирам со празно столче, последната дебата е закажана за понеделник
Кандидатката за претседателка на ВМРО-ДПМНЕ, Гордана Сиљановска-Давкова со свој коментар на социјалната мрежа X, по повод отсуството на противкандидатот Стево Пендаровски на тв-дебата на Македонската телевизија.
“Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче“, напиша таа.
Не разбирам, вели Сиљановска-Давкова, зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови.
„Би сакала да го потсетам господинот Стево Пендаровски дека последната дебата е закажана за понеделник, па го повикувам да се одважи и да се појави пред мене и пред граѓаните на Македонија.
Основна задача на шефот на државата е да гради консензус преку дијалог со сите“, пишува Сиљановска-Давкова на социјалните мрежи.
Доби и одговор од нејзиниот против кандидат Стево Пендаровски.
„Давкова си закажала дебата сама со себе на МТВ“, реагира Пендаровски на социјалните мрежи.