Свет
Во напади врз Алепо 18 лица го загубија животот
Сириската влада денеска продолжи со интензивните напади од воздух на подрачјата кои се под контрола на бунтовниците во градот Алепо на северот од земјата, при што во серија авионски напади убиени се најмалку 18 лица, меѓу кои и пет деца.
Военото воздухопловство на сирискиот претседател Башар ал Асад изведува напади врз овој поделен град од средината на месец декември 2013 година, а во неделата на мета бил источниот дел на Алепо, кој е под контрола на бунтовниците, при што беа убиени 40 луѓе.
Според Сириската опсерваторија за човекови права, која има седиште во Британија, во нападите во понеделникот била бомбардирана областа Ханано, Кеди Аскар и Моувасалат.
Оваа група која ги следи дејствијата во конфликтот преку мрежа активисти кои собираат информации од терен, соопштила дека од хеликоптер биле исфрлани „сурови бомби“ – буриња наполнети со експлозив, гориво и парчиња метал, кои предизвикале огромни штети.
Сириската влада не го намалила интензитетот на бомбардирање брз подрачјата под контрола на бунтовниците во Алепо откако ја започнала кампањата, а само за време на две недели во декември, според информациите на активистите, во авионските напади убиени се повеќе од 500 лица.
Сириската опозиција смета дека воздушните напади на Асад покажуваат оти претседателот на Сирија не сака мир, во пресрет на преговорите на делегациите во Швајцарија и организацијата на ОН, чија цел е прекин на огнот и крај на војната која трае скоро три години.
По првата рунда преговори не беше остварен никаков значаен напредок, туку беше договорено состанокот да продолжи кон крајот на овој месец.
Опсерваторијата соопшти дека само во текот на јануари оваа година забележан е најголем број жртви од почетокот на конфликтот во март 2011 година.
Неодамна беа евидентирани 5.794 мртви, на што се додаваат нови 1.000 за кои се знае дека се мртви но не се познати нивните имиња, ниту постојат нивни фотографии или снимки кои би го потврдиле нивниот идентитет./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.