Економија
Студентите може многу да научат од економската криза
Светската економска криза, која ги зафати сите делови од светот, вклучително и Македонија, може да им послужи на студентите за изработка на магистерски или докторски труд.
Светската економска криза, која ги зафати сите делови од светот, вклучително и Македонија, може да им послужи на студентите за изработка на магистерски или докторски труд.
Ова во четвртокот во Скопје го порача Анри Боне директор на Фондацијата „Конрад Аденауер“, која за студентите од економскиот факултет организираше панел дискусија на тема „Пазарни економии во криза кон закрепнување“.
Настанот е организран со цел да им се даде можност на студентите, да слушнат мислење од експерти, но и од луѓе со искуството во пракса, рече Боне.
Претставникот на Меѓународниот монетарен фонд, Александер Тиман истакна дека Македонија полесно ја почувствувала светската економска криза, во споредба со многу други земји, но додаде дека посотојат многу предизвици.
Според него, посебен предизвик ќе биде подмирувањето на дефицитот на тековната сметка во платниот промет, во време на намален прилив на средства од странство и намалена активност на странски инвестиции.
Тиман, сепак изрази оптимизам дека во наредната година ќе има услови за економски раст и за закрепнување.
Македонската берза силно ги почувствува последицита од светската економска криза, што најмногу се одарзи врз падот на прометот и акциите, истакна Евита Иванова од Македонска берза.
Таа појасни дека најнапред берзата доживеа бум откако странските инвеститори и фондови почна да инвестираат во акции на македонски компании, а кризата настана откако истите тие фондови почна да се повлекуваат од берзата, што предизвика реакција и кај домашните вложувачи.
Иванова изнесе и статистички податоци, според кој во 2007 година просечниот промет на берзата изнесувал 127 милиони денари со 575 трансакции, додека во 2009 година дневниот промет изнесува 17,3 милиони денари, со 143 трансакции.
Извршниот директор на Евролинк осигурување Александра Наќева-Ружин информираше дека вкупниот пиход на 12-те осигурителни компании во Македонија е помал од прометот на една од трите водечки банки.
Пред студентите се обратија и поранешните министри за финансии Таки Фити и Трајко Славески, кои воедно се и професори на факултетот.
Професорот Фити посочи дека невработеноста е еден од најголемите проблеми на Македонија и таа на долг рок може да се надмине само со континуиран економски раст од над пет отсто годишно.
Според него актуелниот буџетски дефицит од 2,8 отсто е нормален за услови на рецесија и секоја одговорна влада би се одлучила на таков чекор.
Проблемот не е во висината на буџетскиот дефицит, туку во структурата на трошоците, што во Македонија е проблем на сите досегашни влади, рече Фити.
Професорот Славески на студентите им раскажа неколку искуства со кои бил соочен на позицијата министер за финансии, во време кога започна кризата.
Тој рече дека имало и неколку конфликтни ситуации со раководсни луѓе на државни институции, кои имале апетитити за непродуктивни трошоци, и покрај тоа што буџетот бил веќе притиснат од светската криза.Славески се пофали дека со успешно реализираната еврообврзница во јуни, во голема мерка се стабилизирала состојбата со буџетот. /крај//ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Од полноќ нови цени на горивата
Регулаторната комисија за енергетика донесе oдлука со која се врши зголемување на малопродажните цени на нафтените деривати во просек за 1,70 % во однос на одлуката од 18.11.2024 година.
Од 26.11.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 77,00 (денари/литар)
Моторен бензин ЕУРОСУПЕР БС – 98 79,00 (денари/литар)
Дизел гориво ЕУРОДИЗЕЛ БС (Д-Е V) 72,00 (денари/литар)
Масло за горење Екстра лесно 1 (ЕЛ-1) 70,50 (денари/литар)
Мазут М-1 НС 44,737 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1) се зголемуваат за 1,00 ден/лит.
Малопродажната цена на ЕУРОДИЗЕЛ (Д-Е V) се зголемува за 1,50 ден/лит и сега ќе изнесува 72,00 ден/лит.
Малопродажната цена на Мазутот М-1 НС се зголемува за 1,029 ден/кг и сега ќе изнесува 44,737 ден/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 2,489%, кај дизелот за 3,554%, кај екстра лесното масло за 2,215% и кај мазутот намалувањето е за 2,312%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,7524%.
Економија
Мицкоски: Грчевито се бориме да нема покачување на струјата, но ако мора, еве нека биде во третиот и четвртиот блок
Владата ќе се бори да не дојде до покачување на струјата, ниту за најавените до три проценти по Нова година. Премиерот Христијан Мицкоски денес на поставувањето камен-темелник за нова градинка во Расадник, Кисела Вода, одговарајќи на новинарски прашање, рече дека доколку мора, покачување ќе има, но само во поскапите блокови.
„Ќе направиме сè за да ја оптимизираме и да нема покачување на цената на електричната енергија, ниту до тие три проценти. Ако мора, еве да се покачи во некој од блоковите, оние повисоките, третиот и четвртиот. Можеби таму би имало некакво интервенирање. Тоа го правиме затоа што навистина сакаме на граѓаните да не им го отежнуваме и онака тешкиот живот. Замислете ние ако постапуваме неодговорно и не се бориме и да ги покачиме сметките 20-30 проценти, сè ќе поскапи. Замислете каков шок ќе биде тоа во делот на инфлацијата. Ќе се бориме до последно да ги нема и тие три проценти. Тоа е максимумот што може да се случи во третиот и четвртиот блок, а во првиот и вториот да нема никакво покачување, каде што се најголемиот број од потрошувачите“, рече премиерот Мицкоски.
Објасни дека е изводливо да нема поскапување на струјата оти успеале да ги намалат трошоците за 15-20 проценти на старите долгови оти побарале и добиле попуст, а новите тендери биле 15-20 проценти поевтини од оние порано, со што успеале да ги оптимизираат и производното и приходното портфолио. Каде оделе тие 15-20 проценти досега, премиерот Мицкоски вели дека точно се знае, а набргу и јавноста ќе дознае.
„Тоа што го наследивме во енергетиката е апокалиптична ситуација. Колку што сум информиран, и Финансиската полиција и МВР и други институции се занимаваат со тоа што се правело во годините претходно. Многу бргу од денеска ќе се излезе со јасни информации“, рече премиерот Мицкоски.
Драматичен пораст на цената на струјата не очекува ниту претседателот на Регулаторната комисија за енергетика, Марко Бислимовски, оти цената на електричната енергија е стабилизирана.
Економија
Промоција на станбениот кредит од Халкбанк
Со цел да им обезбеди на клиентите уште поатрактивни услови за реализација на нивните станбени планови, Халкбанк АД Скопје воведе дополнителна промоција на својот станбен кредит кој е со фиксна каматна стапка почнувајќи од само 3,0 отсто за првите 5 години, односно 3,4 проценти за првите 10 години, и променлива за останатиот период на отплата.
Со почеток од 20 ноември, па се до 31 декември 2024 година, станбениот кредит на Халкбанк ќе се издава БЕЗ нотарски трошоци, БЕЗ надомест за полисата за осигурување за првата година и БЕЗ трошок за проценка на недвижниот имот. А фиксниот надоместок за обработка на апликацијата изнесува 3.000 денари.
Максимален износ на средства кои можат да се добијат е до 300.000 евра, со максимален рок на отплата до 30 години, а постои можност и за добивање грејс период во отплатата од 12 месеци. Кредитот може да се користи за купување на стан, купување на куќа, како и за рефинансирање на изложености во други банки по основ на станбен кредит.
Искористете ја атрактивната понуда која трае до крајот на годинава и нека Халкбанк стане вашиот партнер на патот кон обезбедување сопствен дом.
За повеќе информации за условите и аплицирањето за станбениот кредит, посетете ја веб страната на банката или најблиската филијала.
(ПР)