Македонија
Државниот врв останува на ставот за името

Во пресрет на средбата со медијаторот Нимиц, претседателот Ѓорге Иванов изјави дека државниот врв има утврдено државна стратегија од која не планира да отстапи
Македонскиот државен врв е во постојана координација во врска со ставот за името и тој став му е соопштен на амбасадорот во САД и на македонскиот преговарач во спорот за името, Зоран Јолевски.Ова денеска го изјави македонскиот претседател Ѓорге Иванов запрашан дали македонските власти имаат усогласен став непосредно пред доаѓањето на медијаторот Метју Нимиц кој ќе пристигне во земјава на 23 февруари.„Не можеме да предвидиме дали и со каков предлог ќе дојде медијаторот Нимиц но очекуваме дека ќе дојде со некое укажување бидејќи е добро запознаен со позициите и на македонската и на грчката страна“, вели Иванов.Тој уште еднаш потврди дека државниот врв има утврдено државна стратегија од која не планира да отстапи.Како што потврдија денеска македонското Министерство за внатрешни работи, Медијаторот Нимиц на 23 февруари ќе допатува во Скопје по покана на македонските власти.Засега се’ уште е неизвесно дали медијаторот ќе одржи заедничка или одделна средба со претставниците на државниот врв. Се уште не се знае датумот на пристигнувањето на Нимиц во Атина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.