Регион
Илјадници жители избегаа од турски Силван поради судирите
Неколку илјади жители на градот Силван во југоисточната турска покраина Дијарбекир претежно со курдско население, биле принудени да ги напуштат своите домови поради судирите меѓу турските безбедносни сили и герилците на забранетата Работничка партија на Курдистан (PKK), пренесува весник Hurriyet.
Во Силван во последните десет дена турските безбедносни служби спроведуваат антерористичка операција и на сила стапи полициски час.„Како што изјавија претседателот и премиерот, борбата против терористичката организација (PKK е ставена на листата терористички организации и на САД и на ЕУ – з.р.) ќе продолжи. Операцијата во три кварта на Силван ќе се спроведува сé додека тие не бидат целосно заштитени од припадниците на терористичката организација“, изјави турскиот министер за внатрешни работи Селам Алтинок.Безбедносните сили се обидуваат да ги отстранат барикадите и да ги затрупаат рововите со чија помош борците на PKK им го попречуваат влезот во градот на полициските и воените сили. На улиците постојано се слушаат истрели, пренесуваат медиуми. Според претседателот на Турското здружение на занаетчиите Мухтин Кан, градот го напуштиле околу 10.000 жители, чиишто домови претрпеле оштетувања во текот на судирите., пренесува агенцијата Dogan.„Ситуацијата овде е речиси како воена. Во операцијата се вклучени оклопни возила и хеликоптери. Квартот, во кој се наоѓаат тројца наши партиски колеги, од средата е под интензивен оган. Успеавме со нив да имаме само еден кус телефонски разговор… Тие говорат дека во судирите има убиени и ранети. Тоа силно нé вознемирува…“, изјавил Идрис Балукен, турски парламентарец од прокурдската Народна демократска партија (HDP).Според локалните власти, еден војник и еден полицаец биле убиени во средата во судирите меѓу турските безбедносни сили и курдските бунтовници, а ранети се уште четворица војници и еден полицаец. Во борбите загинале и петмина припадници на PKK.Безбедносната ситуација во Турција се влоши по 20-ти јули кога Исламската држава во градот Суруч во близина на границата со Сирија изведе самоубиствен терористички напад во кој загинаа повеќе од 30 прокурдски активисти.и по убиството на двајца полицајци во југоисточните области за што одговорноста ја презема PKK. Само во последните три месеца курдските герилци убија повеќе од 160 турски полицајци и војници, додека според официјална Анкара убиени се неколку илјади припадници на PKK.. Од 24-ти јули турските воздушни сили вршат напади врз цели на PKK во југоисточна Турција и во северен Ирак./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.