Европа
Победа на владејачкиот десен центар на изборите во Португалија

Владејачката во Португалија коалиција на десниот центар победи на општите избори во неделата со освоени меѓу 36,4 и 43 отсто гласови, покажуваа излезните анкети кои на опозициските социјалисти им даваа меѓу 29,5 и 35 отсто од гласовите.
Двете излезни анкети, на Универзитетот Католика за телевизијата RTP и на Интеркампус за телевизијата TVI покажаа дека владејачката десна коалиција на премиерот Педру Пасуш Куељо во 230-члениот парламент може да освои меѓу 108 и 118 мандати, што значи дека има шанси да оствари апсолутно парламентарно мнозинство,
Португалците во неделата гласаа по четирите години строго штедење, за да одлучат дали мандатот повторно ќе ѝ го дадат на владејачката коалиција на Социјалдемократската партија (PSD) од десниот центар и десницата CDS, која е гарант за спроведување буџетска дисциплина, или ќе одберат умерена промена која ја најавуваа опозициските социјалисти кои ги води 54-годишниот градоначалник на престолнината Лисабон Антониу Кошта.
Меѓутоа, доколку се покажат точни резултатите од испитувањата на јавното мнение и ниеден од двата табора не освои апсолутно мнозинство во парламентот, постои опасност од политичка блокада, што би можело да ѝ донесе штети на оваа членка на Европската унија која мината 2014 година излезе од програмата за финансиска помош.
По строгите штедења в Португалија се создадоа услови за економско закрепнување. Тоа беше и адутот во кампањата на Педру Пасуш Куељо, либерален центрист, кој истакнуваше дека ја извлекол земјата од најтешката криза во нејзината историја. Тој на власт дојде во 2011 година, откако неговиот претходник социјалистот Жозе Сократеш веќе побара помош во износ од 78 милијарди евра од Европската унија и Меѓународниот монетарен фонд.
Португалците беа принудени на дотогаш невидени мерки на зголемување на даноците и кастрење на платите, по што земјата успеа да го покрене растот и да ја намали невработеноста на 12 отсто во однос на 17,5 проценти на почетокот од 2013 година. Но благодатите од овие економски движење не ги почувствува просечниот Португалец, бидејќи секој петти живее под прагот на сиромаштијата, со помалку од 5.000 евра годишни./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.