Спорт
Денес почнува 19то Светско првенство во фудбал
По 80 години исчекување Мундијалот пристигна во Африка. Црниот континент ја доби шансата, а најјужната африканска држава ќе биде центарот не само на фудбалското, не само на спортското, туку на светското внимание
Од денеска, па во наредните 31 ден најважната споредна работа на светот станува најважната работа на планетата. Речиси три години беа потребно да се одберат кои се најдобрите 32 репрезентации кои ќе се борат за најпосакуваниот трофеј во светот. Светските квалификации започнаа уште во август 2007 г., а дури 204 од вкупно 208 земји членки на светската фудбалска федерација (ФИФА) се пријавија да се борат за место меѓу најдобрите. Овој број на земји кои се најдоа во квалификациите е поголем за 12 земји од бројот на државите кои се дел од Обединетите Нации.
Квалификациите за СП 2010 завршија на 18 ноември 2009 г., односно две години и три месеци по одигрувањето на првиот меч. На крајот се одиграа вкупно 848 меча во сите квалификациони зони, а беа постигнати вкупно 2.337 голови, за да се најдат најдобрите 32 репрезентации кои доаѓаат од шест континенти на светот.Безбедноста ќе биде главниот проблем со кој ќе треба да се соочи домаќинот. Земјата во која стапката на криминалот е на високо ниво, во која на помалку од една минута има по едно силување и голем број на убиства. За безбедноста на првенството ќе се грижат дури 41.000 полицајци, од кои 31.000 се во редовна служба, а 10.000 се од резервистите. Покрај големиот број на полицајци, беа инвестирани и над 150 милиони долари за купување на најнова техника и технологија. Беа купени нови хеликоптери, водени топови за бркање на разгневена толпа, 100 БМВ возила за патролирање и најмодерна опрема.По 63 одиграни меча, на 11 јули во Јоханезбург ќе останат двете најдобри селекции, а победникот ќе ја има честа да го крене најпосакуваниот, највредниот и најзначајниот трофеј во историјата на фудбалот, „богињата“. Тој што ќе го освои овој трофеј во следните четири години ќе биде светски фудбалски владетел.
Фудбалот може да почне!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.