Спорт
Свечено отворен јубилејниот 40- Златен гонг
Во Салата Борис Трајковски во свечена атмосфера беше отворен Јубилејниот 40-ти Златен гонг
Пред почетокот на вечерните борби пред построените учесници на турнирот поздравен говор одржа градоначалникот на Скопје Коце Трајановски, а турнирот го отвори директорот на Агенцијата за спорт и млади Диме Спасов.На првиот победник на Златниот гонг од 1969 година, прославениот југословенски боксерски ас, сега 68 годишниот Звонко Вуин Спасов му додели златна плакета.Во денешните борби од македонските боксери победа со 6:5 во поени избори Горан Антиќ (-64 кг) против Бугаринот Антон Павлов. Ибраим Мустафи (-60 кг) загуби од Чехот Меран Алекозјан со 1:8, а Жута Фатлум (-75 кг) загуби од Црногорецот Бојан Пешиќ со 2:4.Најдобар впечаток денеска покажаа Кубанците. Карлос Бантеур Суарез (-69 кг) со технички нокаут во првата рунда го победи Чехот Дени Калоус, а Хулио Ле Круз Пераза (-81 кг) исто така со ТКО го победи чехот Станислав Старек во втората рунда. Најефектен беше нокаутот кој го постигна Албанецот Астмер Билали откако по еден страотен десен директ речиси го извади од кондури Бугаринот Евгениј Петрињачев, па неговиот тренер веднаш фрли крпа во рингот за да спречи потешки последици за својот боксер.Во останатите мечеви се постигнати следните резултати: (-60 кг) Колин Мавродиев (Буг.) – Елтон Чанај (Алб.) 13:5, (- 64 кг.) Дарио Вангели (Ит.) – Џемал Фетаховиќ (БиХ) 1:1 победа на италијанскиот боксер, (-64 кг.) Сергеј Хигајев (Рус.) – Миодраг Смиљаниќ (Срб.) 9:3, (-75 кг.) Максим Сазизов (Рус.) – Сачвазоре Грибко (Ит.) 2:0, (- 75 кг.) Камил Зеремета (Пол.) – Емилио Кореа Бајо (Куб.) 2:1, (- 75) Албан Бермета (Алб.) – Томаш Безвода (Чеш.) 4:0, Велибор Видиќ (БиХ) – Апинтилиеса Адриан Чатали (Ром.) 9:3.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ги избра најдобрите 11 и најдобриот играч во Лигата на шампионите
Реал ја победи Борусија Дортмунд со 2:0 на стадионот „Вембли“ и ја освои Лигата на шампионите. За Реал ова е 15-та европска титула во историјата, додека Борусија остана на една, освоена во 1997 година. Стрелци беа Дани Карвахал во 74. минута и Винисиус Жуниор во 83. минута.
УЕФА денеска го објави тимот на сезоната во Лигата на шампионите. Во него има по четворица играчи од Реал Мадрид и Борусија Дортмунд, а играчот на Реал Винисиус Жуниор е прогласен за најдобар играч, додека неговиот соиграч Џуд Белингем е прогласен за најдобар млад играч во Лигата на шампионите.
Тим на сезоната во Лигата на шампионите:
Грегор Кобел (Борусија Дортмунд);
Дани Карвахал (Реал Мадрид), Антонио Рудигер (Реал Мадрид), Матс Хумелс (Борусија Дортмунд), Јан Маатсен (Борусија Дортмунд);
Марсел Сабицер (Борусија Дортмунд), Витиња (ПСЖ), Џуд Белингем (Реал Мадрид);
Фил Фоден (Манчестер Сити), Хари Кејн (Баерн), Винисиус Жуниор (Реал Мадрид)
Спорт
Зелено светло од УЕФА за Јунајтед, Сити, Ница и Џирона
УЕФА ќе им дозволи на Ница и Џирона, наредната сезоната да учествуваат во нејзините натпреварувања. Ница ќе игра во Лига Европа, а Џирона во Лигата на шампионите.
Манчестер јунајтед и Ница се во сопственост на „Инеос“ и нејзиниот шеф Џим Ретклиф. Двата клуба изборија пласман во Лига Европа, Англичаните со освојување на ФА Купот, а Ница како петтопласирана во Лига 1.
УЕФА во март потврди дека доколку два клуба со ист сопственик се квалификуваат за исто натпреварување, само еден ќе може да учествува.
Нормално, тоа би било случај со тимот што заврши подобро во националниот шампионат, што во овој случај е Ница, бидејќи Манчестер јунајтед беше осми. Сепак, Јунајтед го освои ФА Купот што им дава директен влез во натпреварувањето.
„Тајмс“, пренесува дека УЕФА му дала зелено светло на Јунајтед да игра во Лига Европа. Дозвола добила и Ница но под одредени околности.
Весникот пишува дека на Ница ќе работи под целосен надзор на панел формиран од УЕФА. Тој модел сезонава беше применет во случајот на Милан и Тулуз и нивниот сопственик од САД, компанијата „Red Bird Capital“.
Исто така, на клубовите им беше кажано дека сезоната ќе се смета за преодна и дека нема да има слични исклучоци во иднина.
Тоа практично значи дека и на Манчестер сити и Џирона ќе им биде дозволено да играат во Лигата на шампионите.
Џирона, како Ница, исто така ќе мора да биде контролирана од панелот на УЕФА.
Најголемото изнедување во Шпанија оваа сезона е дел од „Сити групата“.
Спорт
Секој недела најголемиот погоден коефициент на „Спорт лајф“ носи 100.000 денари
Новата акција на обложувалниците „Sport Life“ – „Играј за повеќе“, ќе се одвива од 1-ви јуни сè до 14 јули, во шест неделни етапи, со премија од 100.000 денари за секоја етапа. Премијата ќе ја освои играчот со највисок погоден коефициент на добитен тикет, уплатен со приложување на СЛ клуб картичката.
За пресметка во неделните етапи влегуваат тикетите кои што се уплатени во периодот од почетокот на етапата 09:00 заклучно со последниот ден од етапата до 23:59 часот, при што сите натпревари на тикетот треба да бидат со саатница во рамките на етапата.
Во обработка за акциската кампања влегуваат само несистемските тикети, со една комбинација.Тикетите уплатени од понудата за „живо“ и микс-тикетите исто така влегуваат во пресметка за акциската кампања.
Со акцијата „Играј за повеќе“, играчите членови на СЛ клубот ги очекуваат интересни мечеви и можности за поголеми добивки, особено со мечевите на Европското фудбалско првенство – УЕФА ЕУРО 2024, кое ќе се одвива од 14 јуни до 14 јули оваа година.
Сите детали за правилата за новата акција „Играј за повеќе“ како и табелата со приказ на неделните етапи можат да се најдат на официјалната веб страница на Sportlife.com.mk.
(ПР)