Спорт
Жестоки дуели во кошаркарската Евролига
Гостинските екипи го возвратија ударот во вторите натпревари од четврфиналната серија во кошаркарската Евролига
Панатинаикос во најпривлечната четвртфинална серија во Барселона, со извонредна игра во вториот дел го победи актуелниот европски шампион со 75:71. Барселона во еден дел од мечот имаше и 16 поени предност, но во третата четвртина Сато и Дијамантидис, со серија тројки ја анулираа предноста на домаќините. Ромејн Сато натпреварот го заврши со 18, Димитрис Дијамантидис со 17, а Мајк Батист со 14 поени. По срамот што си го приреди во вторникот, Монтепаски целосно се врати во серијата со Олимпијакос, откако а вториот меч победи со убедливи 82:65. Херисон со 19 поени и 11 скокови беше најекспонираниот играч на Монтепаски. Македонскиот репрезентативец во редовите на италијанскиот шампион, Лестер Бо Мекејлеб, на паркетот мина само две минути без да се запише меѓу стрелците. Валенсија забележа победа во Мадрид 81:75 пред се благодарение на извонредниот Омак Кук. Натурализираниот црногорец во клучните моменти постигна две тројки, мечот го заврши со 20 поени, погодувајќи ги петте удари за три поени. Макаби во Виторија, во исклучително неизвесен натпревар, со 83:81 забележа победа над Каха Лаборал. Џенаро Парго, поранешен играч на неколку НБА екипи, во последната секунда го постигна победничкиот кош за израелскиот првак, мечот тој го заврши со 13 поени. Скорцианидис со 22 и Блутентал со 18 поени беа предводници на Макаби, Каха Лаборал ја предводеа Батиста и Сан Еметерио со 17 поени. Натпреварите број три од четвртфиналните серии ќе се одиграат во вторник на 29 март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.