Европа
Евробарометар: Корупцијата годишно ја чини ЕУ 120 млрд евра
Корупцијата е сериозен предизвик за сите општества, при што исклучок не се ниту Европската унија и нејзините членки коишто годишно ги чини околу 120 милијарди евра, покажува извештајот на Евробарометар објавен во средата по повод одбележувањето на 13-от Меѓународен ден на борбата против корупцијата.
„Корупцијата е сериозен предизвик за сите општества и ЕУ не е исклучок, Иако видот на корупцијата варира, кумулативниот ефект на корупцијата врз ЕУ како целина е значаен, а целата корупција за ЕУ и нејзините земји членки на годишно ниво изнесува 120 милијарди евра, само незначително помалку од годишниот буџет на Унијата“, се истакнува во извештајот на Евробарометар кој го објави Европската комисија.
Истражувањето било насочено на нивото на корупција кое го искусиле работодавачите кои вработуваат едно или повеќе лица во шест клучни стопански сектори: енергетика, рударство, нафтата и гасот, хемиската индустрија, здравството и фармацевтската индустрија, инженерството и електрониката, производството на моторни возила, градежништвото, телекомуникациите и ИТ технологиите, финансиските услуги, банкарството и вложувањата.
Со истражувањето е опфатена цела низа области, како што се зачестеноста на коруптивната практика, особено на тендерите и постапките за јавни набавки, митото и корупцијата во политичките партии и поткупувањата високи функционери, како и начините на коишто поедини земји се справуваат со корупцијата и како ја казнуваат.
Кога станува збор за проблемите во работењето, четири од десет компании – или 40 отсто, тврдат дека корупцијата им претставува проблем при работењето во својата земја, но не и главниот.
„Најчестиот проблем кој го споменуваат компаниите при работењето се даночните стапки (67 отсто), постојаното менување на законите и политиките на работење (64 отсто) како и сложеноста на административната процедура (62 отсто)“, се наведува уште во извештајот. Тие проблеми, меѓутоа, се помалку изразени отколку во извештајот од февруари 2014 година, кој се однесуваше на проблемот на корупцијата во ЕУ во текот на претходната година, Најмногу со споменатите проблеми во работењето се среќаваат компаниите во градежништвото и енергетиката.
Непотизмот и патронатот е најголем проблем во работењето за дури околу 70 отсто од компаниите во Романија, Грција и Бугарија, додека следи Хрватска каде со тој проблем се среќаваат 50 отсто компаниите. За разлика од овие земји, во Данска со непотизам се соочуваат 4 проценти од компаниите, а Во Велика Британија – 5 отсто.
Во десет земји членки на ЕУ, најмалку половината од компаниите ја наведуваат корупцијата како еден од проблемите во своето работење, а предничат компаниите во Романија и Грција (со 74 отсто), Бугарија (61 отсто), Италија (60). Најмалку на корупцијата се жалат компаниите во Данска (2 отсто), Велика Британија (8 отсто), Шведска (11 отсто), Естонија и Финска (16 отсто) и во Ирска – 17 отсто.
Во однос на минатиот извештај, состојбата се поправила во Чешка и во Португалија, а се влошила во Бугарија и во Италија.
Кога станува збор за раширеноста на корупцијата во сопствените земји, 71 отсто од компаниите тврдат дека корупцијата е широко распространета, додека 24 отсто од нив сметаат дека е ретка појава. Во Данска 11 отсто од компаниите тврдат дека корупцијата е раширена во тамошната власт, за разлика на пример од Италија каде што тоа го тврдат дури 98 отсто од компаниите. Во Хрватска 90 отсто до компаниите ја наведуваат раширената корупција како проблем во работењето, и оваа држава е во групата со Кипар, Бугарија, Грција, Романија и Шпанија.
На прашањето за најчестите коруптивни активности, компаниите најмногу го наведуваат фаворизирањето на членови на семејствата и пријателите, затајувањето на даноците и неплаќањето на ДД, фаворизирањето на семејството и пријателите во јавните институции и финансирањето на политичките партии во замена за договори за работа и политичко влијание.
Во 18 земји членки на ЕУ, половината од компаниите наведуваат барем три коруптивни практики како многу раширени, а најмногу такви компании има во Шпанија (82 отсто), Франција (65 отсто), Малта (61 отсто), и во Хрватска и Австрија (по 60 отсто).
Апсолутно мнозинство компании во 22 земји од ЕУ, што значи од 75 отсто на нагоре, сметаат дека се многу раширени митото и злоупотребата на власта меѓу функционерите на национално ниво.
За тесната поврзаност на политиката и деловниот сектор, во сите земји членки на ЕУ, со исклучок на Данска, најмалку половината од компаниите сметаат дека постои преголема поврзаност меѓу политиката и бизнисот, чијшто краен исход е корупцијата. Во тоа се убедени по 92 отсто од компаниите во Грција и во Италија, и по 90 отсто од компаниите во Хрватска, Шпанија и Бугарија. Дека фаворизирањето и корупцијата се пречката за деловната конкурентност сметаат дури 86 отсто од компаниите во Хрватска, а пред нив е само компаниите од Португалија со 90 отсто.
Во однос на казнувањата за помали корупциски дела, на ниво на Европската унија половина од компаниите сметаат дека корупцијата примерно се казнува, додека другата половина тврди дека не се казнува доволно./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грабеж во Лувр, најпознатиот музеј во светот е затворен
Француската министерка за култура Рашида Дати потврди дека се случил грабеж во музејот Лувр во Париз – еден од најпознатите музеи во светот.
Таа објави на социјалните мрежи:
– Нема повредени. Јас сум на лице место со музејските екипи и полицијата. Истрагата е во тек, рече таа.
Un braquage a eu lieu ce matin à l’ouverture du @MuseeLouvre. Pas de blessés à déplorer. Je suis sur place aux cotés des équipes du musée et de la police. Constatations en cours.
— Rachida Dati ن (@datirachida) October 19, 2025
Инцидентот се случил наутро, по отворањето на музејот. Сè уште не е објавено што точно е украдено, а Лувр е затворен за јавноста цел ден поради „вонредни причини“. Според достапните информации од официјални извори, нема пријавени повредени.
Полицијата и надлежните служби ги истражуваат околностите на грабежот и работат на утврдување на сите детали, а безбедносните мерки се зголемени.
Оваа вест привлече големо внимание на јавноста, бидејќи станува збор за една од клучните културни институции во светот.
фото: принтскрин
Европа
(Видео) Поранешен сојузник на Путин: Рускиот претседател му даде сигнал на Трамп дека е подготвен да ја заврши војната
Протераниот руски олигарх, Михаил Ходорковски изјави дека Владимир Путин му сигнализира на Доналд Трамп дека е подготвен да постигне договор за Украина, но предупредува дека цената на таков мир може да биде отстапување територија на Русија, објави Скај њуз.
Појавувајќи се во емисијата „Sunday Morning with Trevor Phillips“, Ходорковски рече дека верува оти секој договор може да вклучува отстапување територија на Русија.
Exiled Russian oligarch Mikhail Khodorksky tells Sky's @TrevorPTweets he believes Putin has signalled to Trump he's ready for Ukraine deal.
Watch the full interview on Sunday Morning with Trevor Phillips at 8:30am
📺https://t.co/ScTAmfw8BG
Read more: https://t.co/61I7PcdgKb pic.twitter.com/HUgn57m7iG— Sky News (@SkyNews) October 19, 2025
„Имам впечаток дека Путин му испратил сигнал на Трамп дека е подготвен за договор“, рече тој.
„Путин сака да го добие целиот Донбас, оние делови што сè уште не ги окупирал“, рече тој, но исто така предупреди дека рускиот претседател можеби сака да обезбеди територијални придобивки во источна Украина со цел да „дестабилизира ситуацијата“ во остатокот од земјата.
„Веќе почнав да се сомневам во Путин, но…“
Ходорковски, исто така, изрази сомнежи за способноста целосно да се разберат стратегиите на американските и руските лидери, среде шпекулациите за претстојната средба меѓу Трамп и Путин во Унгарија.
„Веќе почнав да се сомневам во разбирањето на Путин и што тој навистина сака“, рече тој, додавајќи дека „никогаш немал поим“ за Трамп, ниту се обидел да го разбере.
Ходорковски, поранешен шеф на нафтениот гигант Јукос, кој помина повеќе од една деценија во руски затвор, а сега живее во Лондон, исто така упати остра критика за дипломатската способност на Велика Британија да одговори на маневрите на Кремљ.
Тој тврдеше дека Министерството за надворешни работи ја изгубило својата длабока експертиза за Русија, оставајќи ја Велика Британија неспособна да влијае врз Москва или да ја поддржи руската опозиција.
„Она што денес ѝ недостасува на Велика Британија е експертизата за Русија што ја поседуваше пред околу 30 години“, рече тој. „Би имало смисла Велика Британија да се вклучи и во дијалог со луѓе кои имаат знаење и експертиза и кои се природни сојузници на британската влада“. Тој ја повика министерката за надворешни работи Ивет Купер да ја зајакне улогата на Велика Британија не само во поддршката на Украина, туку и во активното ангажирање со руските дисиденти како стратешка лост против Путин.
На прашањето колку долго рускиот претседател би можел да остане на власт, Ходорковски одговори: „Мислам дека со вршење психолошки притисок врз Путин, со создавање низа проблеми што Путин мора сам да ги реши… а консолидацијата на опозицијата е еден од тие проблеми – сето ова е всушност можност да се изврши притисок врз клучната точка на овој конфликт. А клучната точка е самиот Путин.“
Ходорковски рече дека ризикува доживотен затвор ако се врати во Русија, додавајќи дека Кремљ неодамна поднесе дополнително обвинение против него, за кое верува дека „може да значи и насилство употребено против мене надвор од Русија“.
И покрај ризиците, тој останува фокусиран на прекинување на војната во Украина. „Запирањето на оваа војна… би било многу поважно отколку да се чека уште неколку години Путин да ја напушти сцената“, заклучи тој.
фото: принтскрин
Европа
Прв поранешен претседател на земја од ЕУ зад решетки: Саркози ќе оди во затвор за два дена
Поранешниот француски претседател Никола Саркози треба да оди во затвор во вторник поради неговиот заговор за обезбедување либиско финансирање за неговата претседателска кампања во 2007 година, што го прави првиот поранешен шеф на земја од ЕУ што отслужува казна затвор.
Саркози, десничарски претседател на Франција од 2007 до 2012 година, беше осуден кон крајот на септември за заговор за финансирање на неговата изборна кампања со покојниот либиски диктатор Моамер Гадафи.
Поранешниот државник, кој се жалеше на пресудата и ја осуди „неправдата“, ќе биде задржан во парискиот затвор Ла Санте.
„Ако сакаат да спијам во затвор, ќе спијам во затвор – но со крената глава“, им рече тој на новинарите по изрекувањето на пресудата на 25 септември.
Саркози ќе биде првиот француски лидер затворен по Филип Петен, нацистичкиот колаборационистички шеф на државата, кој беше затворен по Втората светска војна.
Веројатно ќе биде сместен во една од ќелиите од девет квадратни метри во крилото за самица, изјавија за АФП вработените во затворот.
Ова би го спречило Саркози да комуницира со други затвореници или некој да го фотографира славниот затвореник со еден од многуте мобилни телефони што се шверцуваат внатре, рекоа тие, барајќи анонимност бидејќи не им е дозволено да разговараат со новинарите.
Во самица, на затворениците им е дозволено да ги напуштат своите ќелии на една прошетка дневно во двор со површина од неколку квадратни метри.
Не е јасно колку долго Саркози ќе остане во затвор.
Претседателката на судот, Натали Гаварино, за време на изрекувањето на пресудата на Саркози изјави дека злосторствата се „од исклучителна тежина“ и затоа наредила тој да биде затворен дури и ако се жали.
Сепак, се очекува адвокатите на Саркози да побараат негово ослободување штом ќе стапне во затвор, процес што би траел околу два месеци.
Судот може да одлучи против ослободувањето на поранешниот претседател од затвор ако, на пример, смета дека тоа е единствениот начин да се спречи фалсификување докази или заплашување сведоци.
Ако не, може да нареди негово ослободување под судски надзор или домашен притвор со електронска нараквица.
Додека судот не ја донесе својата одлука, се очекува Саркози да поминува време претежно сам.
фото: принтскрин
Орце не бегај од дебата, од вечерва Левица е вистински лидер на опозицијата, порача Апасиев
Вечерва објавуваме дека Левица станува лидер на опозицијата во Македонија, објави на прес-конференција Димитар Апасиев, лидерот на оваа партија. „За...
Победивме убедливо во првиот круг во Струмица, дваесет години чекавме на овој ден, рече Мицкоски и кажа дека Орце Ѓорѓиевски оди во втор круг
Историски резултати се бележат на овие избори и според премиерот и претседател на ВМРО – ДПМНЕ, Христијан Мицкоски. Тој доцна...
СДСМ победи во три општини во првиот круг, Филипче рече дека резултатот не е каков што посакувале сите, но не е лош
Првиот човек на СДСМ, Венко Филипче, соопшти дека партијата на локалните избори победила во три општини во првиот круг –...
„Времето на Ахмети заврши“: „Вреди“ прогласи победа во повеќе општини
Со слободен глас и чиста совест граѓаните ставија крај на ерата на една измама и страв отворајќи го патот за...
Левица: Се’ поизвесно е дека Амар Мециновиќ влегува во втор круг за градоначалник на Скопје
Се’ поизвесно станува дека нашиот кандидат за градоначалник на Скопје, Амар Мециновиќ влегува во втор круг, објави Левица на прес-конференција....
Во повеќето општини низ Македонија во водство се кандидатите за градоначалници од ВМРО-ДПМНЕ, според податоците на ДИК
Во повеќето општини низ Македонија, во моментот во водство се кандидатите за градоначалници од ВМРО-ДПМНЕ, според податоците објавени на страната...
Очекуваме историска победа за Орце, ВМРО-ДПМНЕ со градоначалници во поголем број општини, СДСМ сака да си го оправда изборниот дебакл, порача Мисајловски
ВМРО-ДПМНЕ е на прагот на огромна победа, кажа вечерва потпретседателот на партијата, Владо Мисајловски. „Разликата е некаде три спрема еден...
Убедлива е победата во Чаир и Тетово, на ДУИ им ја честитам победата во Пласница, рече Меџити
На ДУИ и Ахмети кои се залагаа за легитимитет да им ја честитам победата во Пласница, рече во шега Изет...
СДСМ објави водство во неколку општини меѓу кои Центар, но обвини и за повеќе нерегуларности
Генералниот секретар на СДСМ, Александар Саша Димитријевиќ, на прес-конференција изјави дека изборниот ден поминал генерално мирно, но констатирале бројни прекршувања...
11 лица приведени, за Тошковски денешните избори се најмирните и најбезбедните во поновата историја на државата
Македонија уште еднаш покажа демократска зрелост и политичка култура. Денешните избори поминаа како едни од најмирните и најбезбедните во поновата...
Се испитува поткуп на гласачи во Крива Паланка, Велес Крушево, Охрид и фотографирани гласачки ливчиња во Гази Баба и Тетово
Како мирен го оцени изборниот ден Џелал Бајрами, претседател на привремената комисија на Јавното обвинителство за следење на постапувањето по...
„Вреди“ почна да слави победа за Чаир
„Вреди“ очекува убедлива победа уште во првиот круг на Изет Меџити во Чаир, над опонентот од ДУИ, Бујар Османи. Пред изборниот...
46, 65 проценти е одзивот на гласачи до 18:30 часот, соопшти ДИК
Државната изборна комисија ја соопшти излезноста до 18:30 часот на првиот круг на локалните избори во Македонија. „Последниот одзив е...
(Видео) Муцунски: Очекуваме повеќе гласови и градоначалници од локалните избори во 2021 година
Потпретседателот на ВМРО-ДПМНЕ, Тимчо Муцунски, изјави дека партијата е на праг на голема победа и очекува да освои повеќе гласови...
„Вреди“: Фер и мирен процес, очекуваме добри резултати и победа во секоја општина
Процесот на гласање на Локалните избори се одвиваше мирно и уредно во сите општини. Според информациите од теренот процесот беше...
Сиљановска – Давкова: Посакувам она што денеска го видов: една досадна граѓанска изборна слика, да се повтори и во вториот круг
Претседателката Гордана Сиљановска – Давкова денеска гласаше на локалните избори. Во објава на социјалните мрежи таа напиша дека посакува она...
До 17 часот гласале 39,61 отсто од гласачите
Од податоците добиени од 3.221 избирачки места, односно 92,72 отсто од вкупниот број, до 17 часот и 20 минути часот...
На новинарка сакале да ѝ го земат телефонот, интервенирала и полицијата
Здружението на новинарите на Македонија (ЗНМ) апелира до Државната изборна комисија (ДИК), општинските изборни комисии, и Министерството за внатрешни работи...
Погрешно испечатени ливчиња во Ново Село и наводи за поткуп во Велес, Прилеп, Крива Паланка и Свети Николе
Денешното гласање до сега поминува мирно без поголеми нарушувања на изборниот процес, соопшти Јавното обвинителство. „Од почетокот на гласањето утрово,...
Регистрирани се 20 пријави за нарушување на изборниот молк
За време на предизборниот молк, во текот на 18.10.2025 до 07:00 часот на 19.10.2025, односно до отворање на избирачките места,...
