Регион
Двајца војници загинаа во експлозија на бомба во Турција
Двајца војници на турската армија загинаа а четворица се ранети во експлозија на автомобил бомба во курдскиот југоисточен дел од Турција, откако забранетата Работничката партија на Курдистан (PKK) објави дека нема да го почитува примирјето прогласено пред две години, по воздушните напади на турската авијација врз нејзините позиции во северен Ирак, пренесуваат медиумите.
„Двајца наши луѓе се убиени во ужасниот напад, четворица беа ранети“, се вели во соопштението на турските власти додавајќи дека е покрената голема операција да се пронајдат сторителите. Засега никој не ја презема одговорноста за овој напад.
Инцидентот се случил кога конвој на вооружените сили се движел в округот Личе, во покраината Дијарбекир, чиј истоимен административен центар се смета за главен град на турски Курдистан.
Турските медиуми пренесуваат дека откако Анкара ги започна воените операции против Исламската дражва и Работничката партија на Курдистан при што се преземаат артилериски и воздушни напади врз нивните бази во соседните Сирија и Ирак, PKK се закани дека повеќе нема да го почитува примирјето.
PKK во саботата објави дека нема да може да го почитува прекинот на огнот, по најтешкиот напад на турските воздухопловни сили врз нејзините позиции во северен Ирак, односно автономниот регион ирачки Курдистан по август 2011 година.
Турските сили ги напаѓаа од воздух и од копно во саботата позициите на Курдите во областите Зап, Метин, Гара Авашин, Синат, Хафтанин, Хакурк, Канди.
По децениите борба за курдска автономија во Турција и десетиците илјади загинати во пролетта 2013 година започна мировниот процес меѓу Анкара и PKK со делумно разоружување на бунтовничките сили, кое беше прекинато откако беше обвинета турската влада дека не ги спроведува мерките во поглед на подобрувањето на статусот на курдското малцинство./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.