Спорт
Приведени 15 навивачи на Ливерпул и Манчестер јунајтед
Многу одамна славните фудбалски хулигани беа избркани од англиските стадиони, но во неделата по мечот меѓу Манчестер јунајтед и Ливерпул на „Олд Трафорд“ полицијата мораше да интервенира и да притвори 15 агресивни фанатици.Англиската полиција потврди дека уапсила вкупно 15 навивачи заради нарушување на мирот. Полицијата во Манчестер го обезбедуваше овој меч со засилени единици, имајќи предвид дека дуелот меѓу двата најтрофејни клуба секогаш носи зголемени емоции. Покрај тоа безбедноста беше зголемена и поради тоа што навивачите на Ливерпул подготвуваа спектакуларен пречек на клупската легенда Кени Далглиш кој првпат се јави како тренер на „редсите“ .Во официјалното соопштени на полицијата се додава дека биле спречени безредија од поголеми размери.Една од причините за незадоволството кај гостинските навивачи се бара во нивното несогласување со одлуката на судијата Хауард Веб да досуди најстрога казна уште во 3. минута од мечот по стартот на Даниел Агер врз Димитар Бербатов во својот казнен простор. Како што подоцна излезе, тоа беше и решавачкиот момент на мечот, како и половина час подоцна кога капитенот Стивен Џерард доби црвен картон заради остриот старт воз Михаел Карик. Англиската фудбалска федерација исто така најави дека ќе го казни фудбалерот на Ливепул, Рајан Бабел кој на својот Твитер профил објавил обработена фотографија на арбитерот Веб во дрес на Манчестер јунајтед со зајадлив коментар./крај/би-би-си спорт/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Видео на денот – Марко Ројс како водач на навивачите
Борусија Дортмунд ја пишува приказната на сезоната во Европа, а во центарот на вниманието е клупската легенда Марко Ројс.
Во пресрет на реваншот со Пари Сен Жермен, Ројс официјално објави дека го напушта саканиот клуб на крајот на сезоната, по истекот на договорот.
Не можеше да замисли подобро збогување од финалето на Лигата на шампионите на „Вембли“, каде што беше актер и во 2013 година во поразот од Баерн Минхен.
Токму затоа ова е видеото на денот, Марко Ројс го предводи навивањето по победата над „светците“ во Париз.
Борусија славеше со голот на уште еден ветеран, Матс Хумелс и со вкупен резултат 2:0 се пласира во финалето.
🇩🇪 Marco Reus celebrating with the Dortmund fans last night… 🫂🗣️
𝙄𝙣𝙘𝙧𝙚𝙙𝙞𝙗𝙡𝙚. ⚫️🟡 pic.twitter.com/laOKT95VvJ
— PurelyFootball ℗ (@PurelyFootball) May 8, 2024
Спорт
Реал и Баерн на „Сантијаго Бернабеу“ за пласман во финалето
Вечерва во Мадрид ќе биде познат вториот финалист во Лигата на шампионите.
На стадионот „Сантијаго Бернабеу“ ќе се сретнат Реал Мадрид и Баерн Минхен во реваншот од полуфиналето на Лигата на шампионите.
Првиот натпревар одигран на Алијанц Арената заврши со резултат 2:2.
„Кралскиот клуб“ ќе влезе покомплетен во натпреварот со оглед на тоа што надвор од терените ќе биде само Давид Алаба.
Од друга страна, Томас Тухел нема да може да смета на Рафаел Гереиро и Кингсли Коман, додека знак прашалник ќе биде Дајот Упамекано.
Мадриѓаните сигурно ќе влезат во натпреварот како фаворити, но Баерн покажа дека има доволно квалитет да ги изненади своите ривали и да се обиде да стигне до своето прво финале по 2020 година.
Баерн и Реал досега имаат одиграно 27 натпревари во Лигата на шампионите, што го прави нивното ривалство најголемо во историјата на ова натпреварување.
Во претходните полуфинални натпревари Баерн беше поуспешен и во четири наврати одеше понатаму, додека Реал три пати стигна до финалето кога Баварците му биле противник во полуфиналето. Реал ги доби последните две меѓусебни соочувања во полуфиналето.
Реал е за нијанса подобар во вкупниот скор со 12 победи, додека Баерн има 11, четири натпревари завршиле нерешено.
Победникот на 1. јуни во Лондон на „Вембли“ стадионот, против Борсија Дортмунд ќе игра за европската круна.
Спорт
Гобер повторно е најдобар дефанзивец во НБА
Руди Гобер (31) по четврти пат во кариерата, а првпат во дресот на Минесота Тимбервулвс, е избран за најдобар одбранбен кошаркар во НБА.
Французинот се израмни со Дикембе Мутомба и Бен Валас на вечната листа. Доколку уште еднаш ја добие престижната индивидуална награда, ќе стане апсолутен рекордер.
Како и досега, мислењата и овојпат беа поделени околу тоа дали центарот на Минесота ја заслужил наградата. Недолго откако НБА ја објави оваа вест, се појавија статистички споредби, според кои помладиот соиграч на Гобер од француската репрезентација и прв пик од минатогодишниот драфт, Виктор Вембањама, сезонава е подобар во сите релевантни статистички категории кои ги дефинираат дефанзивните перформанси, но младиот ас на Сан Антонио Спарс ќе мора оваа сезона да се здоволи само со наградата дебитант на годината.
Во својата втора сезона откако беше трејдуван од Јута Џез, Гобер им помогна на Тимбервулфс да станат најдобриот одбранбен тим во лигата, дозволувајќи им на противниците најмалку поени и најниските проценти на шут во НБА.
Гобер, регуларниот дел од сезоната го заврши со просек од 14 поени (66,1% шут), 12,9 скока и 2,1 блокади по натпревар.