Свет
Откриен храм-тврдина во Синај
Археолозите, кои истражувале во близина на воен пат во Синај, откопале четири нови храмови меѓу 3 илјади години стари остатоци од антички град – тврдина, што служеле да ги импресионираат странските делегации кои го посетувале Египет
Меѓу откритијата се наоѓа и храм изграден од цигли од кал, на површина од околу 70 на 80 метри околу кој има ѕид изграден од цигли од кал, висок околу 30 метри, што претставува тврдина околу храмот, вели Захи Хавас, шеф на Египетскиот висок совет за антиквитети.Откритието се наоѓа во Квантра, четири километри источно од Суецкиот канал. Овие храмови се последното откритие на археолозите кои копаат на остатоци од стар град, на воен пат наречен Патот на Хорус. Хорус е бог со глава на сокол, кој ги претставувал најголемите космички сили за античките Египќани. Патот некогаш ги поврзувал Египет и Палестина и е во близина на денешниот Рафа, кој се граничи со палестинската територија Газа. Археологот, Мохамед Абдел-Максуд, шеф на ископувачкиот тим, вели дека големиот циглен храм потенцијално може да ја промени историската и воената значајност на Синај за античките Египќани Храмот содржи четири ходници, три камени пехари за прочистување и живописни натписи за Рамзес Први и Рамзес Втори. Големината на храмот можно е да служела за импресионирање на армиите и странските делегации кои го посетувале Египет, велат надлежните.Ископувањето е извршено како комплексен проект на Министерството за култура на Египет што почнува во 1986 година за да се пронајдат тврдините покрај воениот пат. Хавас вели дека поранешните студии сугерирале дека таму може да има град – тврдина, каде бил сместен највисокиот воен штаб и команда од Новото кралство (1569 – 1081 пред нашата ера), до птоломејската ера, што претставува период од околу 1.500 години.Лани, колекција на рељефи, што му припаѓале на Рамзес Втори и на Сети Први (1314-1304 п.н.е.), исто така биле ископани, заедно во остатоци од магацини, кои ги користела египетската армија за време на ерата на Новото кралство, за складирање брашно и оружје.Абдел – Максуд вели дека утврдениот град одговара на нацртите на Патот на Хорус пронајдени на ѕидовите на храмот Карнак во Луксор, каде се илустрирани 11 воени тврдини што ги штителе источните граници на Египет. До сега, само пет од нив се откриени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.
Свет
Хамас: Нападот на Израел ги загрозува животите на стотици илјади цивили во Рафах
Израелската окупација на преминот Рафах во јужниот дел на Појасот Газа е опасна ескалација што ги загрозува животите на стотици илјади раселени цивили во Рафа, како и објекти под заштита на меѓународното право, објави палестинската милитантна група Хамас.
Во соопштението се додава дека нападот на израелската армија ќе ја влоши хуманитарната ситуација во Газа и ќе го спречи протокот на толку потребната итна помош за цивилите, пренесува Ал Џезира.
„Ова злосторство, кое доаѓа веднаш откако Хамас објави дека го прифаќа предлогот на посредникот за прекин на огнот, ја потврдува намерата на окупаторите да ги нарушат напорите за посредување за прекин на огнот и враќање на затворениците“, се вели во соопштението, повикувајќи ги САД и меѓународната заедница да изврши притисок врз Израел да ја запре ескалацијата.