Свет
Ја разграбаа Македонија, а сега го сакаат и Бунарџик
Сојузот на стопански комори се спротивстави на иницијативата на Стопанската комора нејзини фирми-членки да ги користат бенефициите во слободната економска зона Бунарџик.
Сојузот на стопански комори се спротивстави на иницијативата на Стопанската комора нејзини фирми-членки да ги користат бенефициите во слободната економска зона Бунарџик. Според претседателот на ССК, Венко Глигоров, фирмите што биле наведени од Стопанската комора за учество во зоната имаат најмалку право да бараат еднакви услови со светските брендови.
– За време на транзицијата, тие по непазарни услови и со сомнителни трансакции ги презедоа фабриките и големите фирми и буквално ја разграбаа речиси цела Македонија – вели Глигоров.
Се прашуваме, велат од Сојузот, дали и тогаш бараа од Владата еднакви услови за внатрешните и за надворешните инвеститори.
Како што вели Глигоров, ССК ја поддржува Владата да дава повластени и еднакви услови за домашни и за странски инвеститори, но само ако постојат цврсти критериуми за инвестирање, а фирмите да поднесуваат цврсти докази дека повластувањата нема да бидат злоупотребени.
Фирмите, смета Глигоров, што имаат намера да инвестираат во Бунарџик треба да поднесат елаборат за тоа што ќе работат и дали нема да го прекршуваат Законот за конкуренција, потоа колку нови работни места ќе отворат и колку извоз ќе се прави.
За Владимир Тодоровиќ, член на раководството на ССК и сопственик на „Тинекс“, подобро би било кога Владата би им дала подобри услови на светските брендови.
– Тие ќе формираат финални производи наменети претежно за странскиот пазар, а нивните производи ни приближно нема да им бидат конкуренција на домашните. Интересни би можело да бидат телефонијата и автомобилската индустрија – вели Тодоровиќ.
Сојузот на стопански комори изрази загриженост по барањето на Стопанската комора, кое, како што се наведува во соопштението, „ свесно или несвесно може да ги одврати светските брендови за инвестирање во Македонија“.
Стопанската комора најави дека ќе достави иницијатива до Владата дел од слободната економска зона Бунарџик да користат „Мермерен комбинат“, „АМАК – СП“, „Леов компани“, „Гранит“, „Ренова“, „Фершпед“, „Витаминка“, „Топлификација“ и „ИГМ Треид“.
Од Владата велат дека се уште не ја добиле иницијативата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.