Регион
Јорданец се заканувал дека ќе ја отвори вратата на авион за Белград
Јордански државјанин со американски пасош се обидел да упадне во кабината на пилотите во авионот на „Луфтханза“ кој летал од Франкфурт во Белград, но бил совладан од патниците и персоналот, јавуваат српските медиуми.
Авионот безбедно слетал во Белград, а полицијата патникот го пренесла во Полициската управа во Белград, каде е во тек негово сослушување.
Драмата започнала над небото на Австрија, кога Јорданецот се заканил дека ќе ја отвори вратата на авионот. Тој најпрвин тропал на вратата на кабината на пилотите, викајќи „Ќе ја отворам вратата на авионот“.
Сепак патниците успеале да го совладаат, па авионот безбедно слетал во Белград попладнево во 12.45 часот.
Според првичните информации, екипажот на авионот не го пријавил инцидентот на контролата за летање. По полетувањето полицијата влегла во авионот и го извела патникот по име Лакен од авионот.
Српски „Курир“ пишува дека во авионот биле и играчите на ракометниот клуб „Војводина“.
„Лакен сакаше да ја отвори вратата и да предизвика хаос. Цело време зборуваше да го изгубил разумот и дека сака сите да одиме кај Алах. Ситуацијата беше напната. Лакена го обезбедуваа играчи на ракометниот клуб „Војводина“ и авионот безбедно слета во Белград“, изјавил извор за „Курир“.
Останатите патници не знаеле што се случува и дознале за инцидентот откако тоа им го соопштила полицијата на аеродромот. Ракометарите се враќале од гостување во Порто, каде во саботата играа натпревар во Лигата на шампиони./крај/мф/ффс
Извор: Танјуг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.