Македонија
Подобро Закон за мировници отколку Правилник

Самостојниот синдикат на вработените во одбраната јавно го поддржа Законот за правата на учесниците во мировни операции надвор од Македонија и за членовите на нивните семејства, затоа што смета дека во моментов е квалитетно решение
“Законот за учесници во мировни операции прецизира многу претходни нејаснотии со кои се соочуваа припадниците на АРМ при упатувањето, за време на мисиите и по враќањето од мисија. Претходно имавме правилник, а сега имаме закон“, рече претседателот на ССВО, Ристо Ајтов, на денешната прес-конференција. Од Синдикатот најавуваат дека ќе ја следат неговата имплементација и оти доколку се појават одредени потешкотии и недоследности, ќе иницираат негова измена или дополнување.“Вака донесениот закон е подобар од никаков закон, бидејќи претходно немаше никаква регулатива. Откако Македонија почна да учествува во мисиите, правата и обврските на учесниците беа регулирани со правилници. Сметавме дека правилникот не е толку значаен правен акт како законот. Добро е и тоа што има посебен закон, што не е регулирано во Законот за служба во АРМ, бидејќи во мисиите има учесници и од Министерството за внатрешни работи“, рече Ајтов.Според него, ниедно семејство кое изгубило припадник на Армијата во некоја акција не може да биде материјално отштетено и дали надоместокот за нивна смрт или инвалидитет е доволен.“Наш став е дека животите на нашите припадници немаат цена. Ништо не може да го врати неговиот живот. Моето семејство нема да биде заштитено, бидејќи ниту едни материјални добра на овој свет нема да можат да му ја надоместат загубата. Така ниту на една фамилија никакво материјално добро, без разлика колкава е висината, дали се изразува во стан или палата, не може да му ја надомести загубата на негов член“, вели Ајтов.Во врска со барањата за остварувања на правата на бранителите од конфликтот во 2001 година, претседателот на Самостојниот синдикат на вработените во одбраната смета дека тие можат да се реализираат преку сличен закон, но не и ист на оној во Хрватска, бидејќи како што вели, таму имало класична војна, а кај нас внатрешен конфликт. Хрватскиот закон, според него, може да послужи како добра основа за македонскиот.Тој најави дека ќе се организираат и со останатите синдикати кои ги покриваат безбедносните структури и учениците во конфликтот во 2001 и ќе работат на донесување законско решение.“Ќе изградиме наша платформа за тип на закон кој ние би сметале дека може да биде имплементиран во Македонија. Се разбира нема да одиме на мегаломански, туку во согласност со она што може да го даде реално државата, бидејќи не сакаме да доведеме до нус појави кои би ги иритирале другите групации вработени во земјата“, рече Ајтов.За одредбата која овозможува по смртта на учесник во мисија неговото семејство да може да добие стан само ако тој немал имот во своја сопственост, а не и оној кој имал, Ајтов не се смета за правен експерт за да може да одговори, дали е добра или не, но вели дека законодавецот предвидел вид на помош да се ублажи болката на фамилиите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во Рашче има приведени поради пукање на свадба

Две лица беа приведени вчера во скопското село Рашче поради пукање на семејна веселба.
„Околу 22 часот во СВР Скопје е пријавено дека се слушаат истрели во селото, по што веднаш се преземени соодветни мерки и активности и утврдено е дека Е.К. и Б.К. со гасни пиштоли пукале на свадба“, соопшти МВР.
Тие се приведени во полициска станица и по целосно документирање на случајот ќе бидат поднесени соодветни поднесоци.
Македонија
ВМРО-ДПМНЕ и натаму бара оставка од обвинителот Коцевски

ВМРО-ДПМНЕ и денеска упати јавен повик до обвинителот, Љупчо Коцевски, да си поднесе оставка поради, како што велат, компромитирање на независноста на Обвинителството. Партијата го обвинува Коцевски дека ја претворил обвинителската функција во партиски сервис на СДСМ и ДУИ, со што, според нив, ја довел правдата во заложништво на политичките интереси.
Во соопштението од ВМРО-ДПМНЕ се наведува дека со негласањето на интерпелацијата во Собранието, СДСМ ја покажало својата поддршка за Коцевски како чувар на нивните функционери од кривична одговорност.
Партијата посочува дека довербата во обвинителот е падната под 2 проценти и дека тој, и покрај изгласаниот притисок и интерпелацијата, одбива да поднесе оставка.
Македонија
Царините на Трамп стапија во сила, стапката за Македонија е 15 отсто, како и за земјите од ЕУ

Царините на американскиот претседател Доналд Трамп за увоз од десетици земји, кои се движат од 10 до 50 проценти, стапија ВО сила и ја ставија на тест стратегијата на републиканците за намалување на трговскиот дефицит.
Царинската и граничната заштита на САД (CBP) започна со собирање повеќе царини во 00:01 часот по источно време, по недели неизвесност околу конечниот процент на мерките на Трамп и забрзаните преговори со земјите од целиот свет кои сакаа да ги намалат.
Основен процент од 10 проценти претходно беше воведен за увоз од многу земји откако Трамп ги паузираше повисоките царини објавени на почетокот на април. Но, американскиот претседател оттогаш често ги менуваше своите планови, па затоа воведе повисоки стапки за некои земји.
Ова вклучува 50 проценти увоз од Бразил, 39 проценти од Швајцарија, 35 проценти од Канада, Србија, и 25 проценти од Индија. Во среда, тој објави дополнителна царина од 25 проценти за увозот на руски енергетски производи од Индија, која ќе стапи во сила за 20 дена.
Во пресрет на стартот на царините, Трамп зборуваше за милијарди долари што ќе се влеат во САД, главно од земји за кои тврди дека ги искористиле САД.
Осум големи трговски партнери кои сочинуваат 40 проценти од трговијата со САД постигнаа рамковни договори со Вашингтон, вклучувајќи ја Европската Унија, Јапонија и Јужна Кореја. Тие обезбедија основна каматна стапка од 15 проценти. Велика Британија се согласи на 10 проценти, а Виетнам, Индонезија и Филипините помеѓу 19 и 20 проценти. Стапката за Македонија, како што претходно беше објавено, изнесува 15 проценти.