Свет
Функционерите немаат абер да се иселат од државните станови
Седумдесет поранешни функционери, се уште не ги враќаат државните станови што ги добиле на користење додека работеле во владините служби и министерства.
Мирче Котевски
Седумдесет поранешни функционери, се уште не ги враќаат државните станови што ги добиле на користење додека работеле во владините служби и министерства. Министри, заменик-министри, поранешни вработени во Агенцијата за спорт и млади, советници, пратеници чија функција завршила пред три години требало да се иселат најдоцна за 30 дена откако Владата ги разрешила, велат во Јавното претпријатие за стопанисување станбен и деловен простор (ЈПССДП).
„Време“ ја има листата на поранешните владини службеници што се уште живеат во државни станови. Тие, во зависност од квадратурата на станот, плаќаат најмногу по 3.000 денари месечна кирија. Некои од закупците се уште ги користат становите, а има и такви што ги издаваат под кирија, по цена двојно повисока од онаа што тие ја плаќале додека ги користеле.
Владината комисија за станбени прашања пред првомајските празници поништила 70 договори на закупците и ја задолжила скопската подружница на Јавното станбено претпријатие да ги искористи своите ингеренции и да ги испразни вселените станови.
Не знаејќи што да прави, Подружницата побарала помош од централата на претпријатието, која предметот го испратила кај јавниот правобранител.
Од ЈПССДП информираат дека ги известиле сите корисници да се иселат во рок од 10 дена, но ниту еден од нив не го почитувал тоа. Иако е сопственик на становите, Јавното претпријатие нема сознанија кој живее во становите, па за овие податоци побарале помош од Министерството за внатрешни работи.
На листата подготвена од скопската подружница на ЈПССДП, државните станови се уште ги користат доскорашниот министер за земјоделство, шумарство и водостопанство Славко Петров од ЛДП, поранешниот заменик-министер за здравство Муарем Неџипи од ДПА, бившиот министер за заштита на животна средина Марјан Додовски и сегашен советник во Собранието на Град Скопје од ВМРО-народна. Од становите се уште не се иселиле Рефет Елмази, некогашен заменик-министер во МВР и Ѓорѓи Трендафилов, актуелен пратеник од ВМРО-народна.
Од јавното претпријатие се жалат дека нема каде да ги вдомат актуелните владини функционери кои доаѓаат од внатрешноста на земјава на работа во Скопје. За нив државата морала да плаќа кирија по 500 евра месечно сместувајќи ги по приватни станови.
Половината од бившите функционери што државата сака да ги исели живеат во таканаречената функционерска зграда кај Железничката станица.
– Не е точно дека станува збор за објект во кој престојуваат само владини функционери. Таму се сместени и обични граѓани, спортисти и новинари кои плаќаат закуп, но тие не и пречат на Владата. Киријата си ја плаќаме редовно. Становите со свои пари ги адаптиравме за живеење, а сега без образложение сакаат да не избркаат од нив – вели Марјан Додовски, бившиот министер за животна средина во Владата на Љубчо Георгиевски. Иако од надлежното претпријатие тврдат дека оваа зграда е само за владини службеници, дознаваме дека и јавниот обвинител Александар Прчевски е закупец таму. Од Владата вчера не сакаа да коментираат за случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Јас сум претседател-медијатор, сакам да решавам војни
Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина
Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети
Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.
Трета жртва од тешката сообраќајка во Сремска Митровица – почина за време на операцијата
Уште едно лице загинало по сообраќајната несреќа што се случи денес во Сремска Митровица, кога автобус се преврте и излета...
Трамп: Царината од 100 отсто за кинеска стока не е одржлива, но бев принуден на тоа
Американскиот претседател Доналд Трамп изјави дека неговата најавена царина од 100 проценти на кинеска стока не е одржлива, но дека...
Контролорите за летање нема да штрајкуваат, но обвинуваат за незаконска одлука и лоши услови за работа без вода и систем за греење
Струковиот синдикат на контролори на летање на Македонија соопшти дека ќе ја почитува одлуката на Граѓанскиот суд во Скопје со...
Одобрено обвинението против сопственикот на фирмата за обезбедување на „Пулс“
Кривичниот суд информира дека е одобрено и второто обвинение за пожарот во дискотеката „Пулс“ во Кочани, со што предметот преминува...
Штитеници во установа за згрижување деца имале сексуален однос пред 12-годишно дете
Вчера во 16:45 часот во СВР Скопје е пријавено дека во август 2025 година во соба во установа за згрижување...
Пукање во Ѓорче Петров, жител пријавил дека му е скршен прозорецот од дневната соба, а во куќата нашол две зрна од оружје
Доцна синоќа во 03:00 часот во СВР Скопје, М.Ј.(39) од Скопје пријавил дека околу 02:50 часот, додека бил во неговиот...
Се гледаме во вториот круг, рече Шукова и повика недела да биде празник на демократијата и на слободата на одлучување
Кандидатката за градоначалничка на Скопје од СДСМ, Каја Шукова, ја заокружи кампањата за првиот изборен круг со повик до граѓаните...
Секој изгубен ден во политички престрелки е изгубена можност за Скопје, в недела масовно да излеземе, повика Ѓорѓиевски
На последниот ден од изборната кампања за првиот круг на локалните избори, кандидатот за градоначалник на Скопје од ВМРО- ДПМНЕ,...
Андоновски: Македонија добива современ и сеопфатен план за дигитален развој
Министерот за дигитална трансформација, Стефан Андоновски, денеска ја претстави новата Национална стратегија за информатичко-комуникациски технологии – „СМАРТ/МК 2030“, со што,...
Нема моќно оружје за Украина: Трамп ја менува приказната по разговорите со Путин
Американскиот претседател Доналд Трамп денес ќе го угости украинскиот претседател Володимир Зеленски во Белата куќа, но има сè повеќе знаци...
(Фото) Министерот за здравство се вакцинира против грип: Апелирам граѓаните навреме да се заштитат
Министерот за здравство Азир Алиу денеска го посети одделението за епидемиологија во Гостивар, каде и тој прими вакцина против сезонскиот...
(Видео) Русија: Нападнавме украински аеродром, каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп – Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади „томахавки“ на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин ја споменал можноста Украина...
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“
Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење...
Дописник на Би-би-си: Заборавете на „томахавките“, состанокот Трамп – Путин е ладен туш за Украинците
Доналд Трамп повторно се обидува да ги комбинира дипломатијата и политиката на моќ – овој пат помеѓу Москва и Киев....
Шукова: Време е за резултати, уреден Бутел, нови паркови, подобар превоз и вода за сите
Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека...
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
