Свет
Абас го поднесе официјалното барање за прием на Палестина во ОН
Палестинскиот претседател Махмуд Абас во петокот доцна попладне му го предаде на Генералниот секретар на Обединетите нации, Бан Ки-Мун, писмото со официјалното барање за примање на државата Палестина во членството на светската организација
Палестинскиот претседател на Махмуд Абас во петокот доцна попладне му го предаде на Генералниот секретар на Обединетите нации, Бан Ки-Мун, писмото со официјалното барање за примање на државата Палестина во членството на светската организација, на што се спротиставуваат Израел и САД, соопшти портпаролот на ОН.Абас се состана со Ки-Мун во седиштето на ОН во Њујорк за да му го предаде официјалното барање за Советот за безбедност на ОН, кој според очекувањата во догледно време би требало да го разгледа.Палестинската национална администрација (самоуправа) досега имаше статус на етнитет набљудувач во Обединетите нации. Како што пренесуваат агенциите, со силен долготраен аплауз од присутните на Генералното собрание на ОН, било поздравено појавувањето на палестинскиот претседател Махмуд Абас, веднаш откако тој на Ки-Мун му ја предал аплицикацијата за прием на Палестина. Според постапката за прием на нови членки во ОН, Бан Ки-Мун во рок од неколку дена мора да го предаде палестинското барање во Советот за безбедност. Ако тоа биде одбиено или една од постојаните членки на Советот за безбедност стави вето, Генералното собрание може да гласаат за доделување на статус на Палестина „држава-набљудувач“, што ќе овозможи да учествува во многу меѓународни форуми и да покренува тужби против Израел пред Меѓународниот кривичен суд. САД, како постојан член на Советот за безбедност на ОН најави вложување вето на палестинското барање.Како што пренесуваат дописниците на руските агенции од Њујорк, претставникот на Русија, исто така постојана членка на Советот за безбедност, министерот за надворешни работи, Сергеј Лавров, за новинарите изјавил дека Палестинците се надеваат дека нивниот чекор ќе ја драматизира ситуацијата и ќе привлече внимание на итната потреба да се продолжат преговорите со Израел кои западнаа во ќорсокак. Абас одбива да се врати на директните преговори со Израел сé додека тие не се водат според принципот на две држави – Палестина и Израел – во рамките на границите кои постоеле пред арапско-израелската војна од 1967 година. Лидерот на ПЛО и на ПНА, исто така, бара еврејската држава итно да престане со изградбата на населбите на окупираниот Западен Брег и во Источен Ерусалим.
Израел, пак, одбива да се врати во границите од 1967 година и поделба на Ерусалим со Палестинците, кого го прогласи за своја „вечна и неподелена престолнина“./крај/ро/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Над 30 лица загинаа во поплавите во Бразил, 60 лица се водат како исчезнати
Повеќе од 30 лица загинаа во поплавите во јужен Бразил, 60 лица се водат како исчезнати, додека околу 15.000 жители се евакуирани.
Хидроелектрична брана во бразилската држава Рио Гранде до Сул се урна поради поплавите предизвикани од обилните дождови неколку дена, а најмалку 500.000 луѓе останаа без струја и чиста вода, јавува Би-би-си.
Во акцијата за пребарување и спасување беа вклучени и хеликоптери, а во некои населби жителите се качија на покривите на нивните поплавени домови.
Бразилскиот претседател Луис Инасио Лула да Силва го посети поплавениот регион и вети помош од Владата на Бразил.
Гувернерот на државата Рио Гранде до Сул, Едуардо Леите побара итна помош за луѓето во поплавените подрачја, а владата на таа држава прогласи вонредна состојба.
Метеоролозите најавија дека врнежите ќе продолжат во тој регион.
Повеќе од 30 луѓе загинаа минатата година во циклон во Рио Гранде до Сул.
Регион
(Видео) Една година од масакрот во училиштето во Белград, беа убиени девет ученици и чуварот
Помина точно една година од трагедијата во училиштето „Владислав Рибникар“ во Белград, кога Коста Кецмановиќ вооружен со пиштолот на татко му уби девет ученици и чуварот на училиштето, а рани уште неколку.
На местото на трагедијата пристигнуваат се повеќе луѓе за да им оддадат почит на жртвите. Први пристигнале членовите на семејствата на убиените деца, а глетката пред училишната зграда никого не остава рамнодушен, објавија српските медиуми.
На посебно плато пред училиштето, каде се поставени фотографиите и имињата на убиените деца и чуварот, се оставаат цвеќиња и се палат свеќи.
И претседателот на Србија, Александар Вучиќ, утрово положи цвеќе во ОУ „Владислав Рибникар“.
„Помина една година од невидената трагедија која остави неизбришлива лузна на душата на целата земја, но болката, неверувањето и неизмерната тага не поминаа“, рече Вучиќ.
На 3 мај минатата година Коста дошол вооружен во училиштето и од влезната врата го започнал својот крвав поход, во кој животот го загубија девет деца и чуварот.
Откако го извршил масакрот повикал полиција и пријавил што направил.
Веднаш по трагедијата се одржа вонредна конференција на српското Министерство за внатрешни работи, на која беа соопштени деталите за она што се случи во училиштето „Владислав Рибникар“.
„Повикот дојде во 8 часот и 42 минути наутро, две минути по пријавувањето на случајот во полиција од страна на заменик директорот на ова училиште“, изјави началникот на белградската полиција Веселин Милиќ.
На таа конференција Милиќ изјави и дека К.К. еден месец го планирал злосторството. Тој го покажа и списокот што полицијата го пронашла во станот на момчето убиец, на кој биле испишани имињата на учениците кои планирал да ги убие.
Дополнително, како што тогаш беше кажано од највисоките функционери на српската полиција, К.К. имал и прецизен план на училиштето, со означен влез и излез.
Поради делото, Коста е во болница, а против татко му и мајка му, Владимир и Миљана Кецмановиќ во меѓувреме е покренато обвинение, со оглед на тоа што момчето-убиец во моментот на делото имало 13 години и затоа не е кривично одговорен.
Вишото јавно обвинителство во Белград соопшти дека обвинетиот Владимир Кецмановиќ во периодот пред трагедијата го научил својот син да пука во цели во форма на концентрични кругови и силуети на луѓе, да стои и да дише кога користи огнено оружје.
Против семејството Кецмановиќ се водат три граѓански постапки, а поднесени се вкупно пет тужби, меѓу кои и една кривична.
Европа
Украински разузнавач: На крајот ќе мора да преговараме со Русија
Украина ќе мора да стапи во преговори со Русија во одреден момент за да стави крај на нивната повеќе од двегодишна војна, изјави висок украински разузнавач во интервју објавено во четвртокот.
Украинскиот претседател Володимир Зеленски ги отфрли разговорите со Кремљ, а декретот што го издаде откако Русија официјално анектираше четири украински региони во 2022 година, ги оцени преговорите за „невозможни“.
Генерал-мајор Вадим Скибицки, заменик-шеф на украинската воена разузнавачка агенција ХУР, сепак, изјави за магазинот Економист дека разговорите на крајот ќе бидат неопходни, како што би било случај со секоја војна.
„Генералот Скибицки вели дека не гледа начин Украина сама да ја добие војната на бојното поле. Дури и ако успее да ги потисне руските сили назад до границите – што е сè подалечна перспектива – тоа нема да ја заврши војната“, пишува Економист.
„Таквите војни можат да завршат само со договори“, вели тој. Во моментов и двете страни се борат за најповолна позиција пред потенцијалните преговори. Но, значајните преговори може да започнат најрано во втората половина на 2025 година, шпекулира тој.
Зеленски и други официјални лица рекоа дека Русија не е поканета на „мировниот самит“ планиран за Швајцарија во јуни, бидејќи нема гаранција дека Москва ќе разговара со добра волја.
Министерот за надворешни работи, Дмитро Кулеба, се појави да го повтори размислувањето на Скибицки во одделно интервју за магазинот Форин полиси оваа недела, велејќи дека јунскиот самит имал за цел „да ги обедини земјите кои споделуваат принципи и пристапи врз кои ќе градат понатамошни активности“.
„Потоа може да има комуникација со Русија и Русија може да биде дел од разговорот. Затоа што сте во право: на крајот, не можете да ја завршите војната без двете страни“.
Рускиот претседател Владимир Путин и други високи функционери велат дека Украина го блокира секој обид за решение.
Портпаролот на Кремљ, Дмитриј Песков, во четвртокот изјави дека средбата во јуни не може да биде „сериозна конференција со сериозни очекувања за некаков резултат“ без присуство на Русија.
Во своето видео обраќање доцна во четвртокот, Зеленски ја опиша средбата во јуни како „практично првата вистинска можност да се започне повторно воспоставување праведен мир“.
„Сите наши позиции, на бојното поле, во дипломатијата и во информатичката сфера, сега мора да бидат подеднакво силни“, рече тој. „Нашата сила, нашите способности, нашите оружја, единството со партнерите – сето тоа мора да работи заедно. И ќе функционира“.