Македонија
„Борка“ организира марш под мотото „Напред розово 2010“
Со симболичен марш низ улиците на Скопје, под мотото „Напред розово 2010“ денеска и Македонија ќе потсети дека е дел од големото семејство на борци против ракот на дојката.
Со симболичен марш низ улиците на Скопје, под мотото „Напред розово 2010“ денеска и Македонија ќе потсети дека е дел од големото семејство на борци против ракот на дојката. „Заедничката борба може да придонесе да ја победиме оваа болест и затоа ги повикувам сите граѓани да дојдат на маршот и да купат розови маици кои чинат 200 денари со што ќе донираат за луѓето кои се соочени со ракот на дојка,“ на прес конференција апелираше пред два дена Биба Додева, претседател на здружението „Борка“. Локалната самоуправа исто така учествува во акцијата со организирање автобуси кои ќе ги донесат и граѓаните од другите градови низ државата (Струмица, Штип, Охрид, Куманово, Прилеп, Кавадарци и други) кои сакаат да учествуваат во големиот марш. Рајан Рејнолдс од Американската амбасада во Скопје, ги потсетува граѓаните кои можат да донираат 200 ден, да го направат тоа, бидејќи според него ова се само 3 макијата. „Секој ден гледам многу луѓе низ целиот град, на плоштадот, на кејот, како ги полнат кафе баровите и затоа ве повикувам наместо таму, во недела да дојдете со нас и да донирате 200 ден и заедно да се здружиме за една добра кауза,“ рече тој. Маршот ќе започне денеска кај Школка во Градскиот парк Скопје, а по него ќе следи хуманитарен концерт на кој ќе присуствуваат повеќе ѕвезди од македонската естрада како: Кристина Арнаудова, Ламбе, Дани, Александар Митевски, Бени, Игор Узунов и многу други. Ракот на дојка не избира раса, возраст или пол кај луѓето и најмладата пациентка со оваа дијагноза има само 18 години, велат од здружението „Борка“. Според нив, секоја година во Македонија се дијагностицираат околу 700 нови случаи од кои еден отсто или 7 случаи се регистрирани кај мажите. /крај/ко/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Апасиев: Македонската платформа е единствениот спас од опасноста за федерализација на државата
Мотивацијата по првиот круг од претседателските избори е зголемена, соопшти претседателот на Левица и Носител на ИЕ1, Димитар Апасиев.
,,Мотивацијата е зголемена, затоа што ова беше наше огнено крштевање – првпат имавме претседателски кандидат и тоа е одлично искуство. Партијата продолжува напред. Отворивме над триесетина канцеларии во меѓувреме, во овие две последни години, така што мотивацијата е најмалку да го дуплираме скорот којшто го донесе професорката Ванковска”, вели претседателот на Левица, Апасиев.
Левица очекува поголем број пратеници на Парламентарните избори, за да може уште посилно да се бори против штетните политики и да ги застапува интересите на граѓаните, остварувајќи ја својата изборна програма.
,,Поголем број пратеници од Левица во Собрание би значело брана против сите штетни политики на косоваризација и бугаризација на државата. Ние со два пратеника успеавме да спречиме многу штетни политики: успеавме да спречиме етничка припадност во лични карти, приватизација на Брза помош, ги намаливме цените на болниците во време на ковид-криза, така што кога со двајца тоа го постигнавме, можете да замислите со 8 – 12 пратеници!”
Оттука Апасиев порача дека гласот даден за Левица не е фрлен глас.
,,Гласот за Левица е глас даден за една искрена, чиста опција којашто е единствена на левата политичка сцена. Бидејќи сега се остварува нашата прогноза за пасокизација на СДС, гласот за Левица е глас насочен кон правата левичарска опција во Македонија.”
Левица има најрадикална – во смисла на добра радикална политичка програма.
,,Ние предвидуваме шестчасовно работно време, затоа што тоа ќе ја зголеми продуктивноста. Понатаму – двосменска администрација, а имаме најголема антикорупциска платформа и, да не ја заборавиме, Македонската платформа како основа за преговарање за секоја идна влада – тоа значи запирање на уцените кои постојано, од година во година, доаѓаат од страна на необалистичките партии на албанското малцинство”, додава Апасиев.
За Македонската платформа, Левица зборува веќе 2 години.
,,Македонската платформа е искрена Платформа, којашто ние ја вергламе веќе две години наназад и мислиме дека тоа е единствениот спас од опасноста на федерализација на државата, така што очекуваме во текот на преговорите, постизборно, сите македонски или промакедонски партии да ја прифатат оваа Платформа, бидејќи е едноставна – во пет точки и не бара ништо што е надвор од Уставот”, истакнува Апасиев за единствената промакедонска платформа во Македонија, предложена, искреирана и иницирана од Левица.
Македонија
Митрески: Заедно и сплотени да ги надминеме сите предизвици
Претседателот на Собранието на Република Северна Македонија, Јован Митрески, во име на пратениците и во лично име, упати честитка по повод големиот христијански празник Велигден до поглаварот на Македонската православна црква – Охридска архиепископија, архиепископ охридски-македонски г.г. Стефан и до сите православни верници, посакувајќи празничните денови да поминат во добро здравје, неизмерна радост и среќа, исполнети со духовен мир и хармонија.
-Христовото страдање за човештвото и неговото воскреснување треба да ни помогне заедно и сплотени да ги надминеме сите предизвици. Да се спротивставиме на сите непогоди, да ги победиме искушенијата, да бидеме солидарни едни кон други и да ги отвориме нашите срца за безусловна љубов, сочувство и заедништво, истакнува спикерот Митрески.
На овој Велигден, се нагласува во честитката, да ги искористиме празничните моменти и да споделиме радост и среќа во семејството, помеѓу нашите најблиски, пријателите, познаниците, но и сите оние на кои им е потребна помош и поддршка.
-Да споделуваме, да пружиме рака, да шириме добра мисла и љубов и да му се радуваме на животот. Велигден, како празник на надежта, нека донесе благосостојба и сплотеност во нашите срца за сите, независно на која вероисповед припаѓаат. Заедно да посакаме подобар свет, повеќе емпатија и разбирање, свет без конфликти, со тенденција сите недоразбирања да се решаваат со дијалог и компромис, стои во честитката од претседателот на Собранието Митрески до поглаварот г.г. Стефан и до православните верници.
Македонија
Мицкоски: Поучени од христијанските начела, да си ја сакаме државата, ближниот и да направиме се утре да биде подобро од денес
Претседателот на ВМРО-ДПМНЕ Христијан Мицкоски од негово лично име и од име на партијата упати честитка до сите верници по повод големиот христијански празник, Христово Воскресение – Велигден.
-Христовото Воскресение му покажа на човекот колку Бог го сака, и дека беше спремен да биде распнат за спасението на човештвото. Љубовта на Бога кон човека е неизмерна, се наведува во честитката.
Воскресението, се наведува понатаму, е потврда дека надежта секогаш ќе победи, човековата волја, љубов и верба можат да придонесат за поубав свет.
-Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес. Промените кои доаѓаат да ги запечатиме со силна победа, за догодина да славиме Велигден со многу поголеми насмевки на задоволство како нација. Христос Воскресе! За многу години Велигден!, стои во честитката од претсдеателот на ВМРО-ДПМНЕ Христијан Мицкоски.