Спорт
ОИ хронологија: Барселона 1992
Донесуваме краток преглед на настаните од 25-те олимписки игри, одржани во Барселона, во периодот од 25.јули до 9. август 1992 година (според официјалните податоци на МОК).
– број на учесници: 9356 (2704 жени и 6652 мажи)- земји учеснички: 169- број на спортови: 28- број на дисциплини: 257Олимписките игри во Барселона, свечено ги отворил шпанскиот крал Хуан Карлос, олимпискиот оган го запалил параолимпиецот Антонио Робело. На ОИ во Барселона македонските спортисти настапија со статус- независни учесници бидејќи Македонскиот олимписки комитет се уште не беше примен во членство во ИОК. Македонските спортисти беа дел од 58-члената екипа која се натпреваруваше под знамето на Интернационалниот олимписки комитет. Петчлена македонска експедиција која настапи во Барселона беше составена од Лазар Поповски, Наташа Мешковска, Кире Филиповски, Елизабета Павловска и Зоран Шоров. На Игрите во каталонската престолнина урнати се рекордите за бројот на спортисти, земји учеснички и акредитирани новинари. На Игрите во 1992 година со право на настап се стекнале и кошаркарите од НБА лигата, „Дрим Тим“ составен од Џордан, Меџик Џонсон и Брд надмоќно го освои златниот медал. Во индивидуалните спортови се истакнаа белорускиот гимнастичар Виталиј Шчербо и пливачката од Унгарија Кристина Егерсеги. Шчербо како дел од репрезентацијата на Заедницата на независни држави освоил шест златни медали, од кои четири освоил во еден ден. Егерсеги се закити со три златни медали, на 100 и 200 метри грбно и 400 метри мешано. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сака ќе потпише нов договор со Арсенал
Букајо Сака и Арсенал нема намера да го напушти Арсенал. Фудбалерот и клубот се договориле за нов, подобрен петгодишен договор.
Еден од најдобрите играчи на Арсенал ќе остане во клубот до летото 2031 година. Финансиските детали од новиот договор не се објавени.
Актуелниот договор на Сака исекуваше во 2027 година.
Foto/ freerangestock
Спорт
Фиорентина доби засилување од Аталанта
Марко Брешанини е новото засилување на Фиорентина за вториот дел од сезоната.
Тимот кој собра само 13 бода од почетокот на сезоната и кој, според сите очекувања, ќе се бори за опстанок, мора да се засили и да биде таму каде што му диктира репутацијата – во горниот дел од табелата.
Виола е далеку од тоа, но Брешанини е делот што недостасува за клубот, а тренерот Паоло Ваноли веќе разговарал со него и се чини дека би можел да добие вреден играч во средниот ред.
Брешанини веќе тренираше со тимот, а договорот е до крајот на сезоната, станува збор за позајмица со право на откуп, што ќе се дискутира на крајот од сезоната.
Брешанини одигра само осум натпревари за Аталанта оваа сезона.
Foto/ freerangestock
Спорт
Алдегер се здобил со фрактура на бутната коска
Тимот на Гресини Рејсинг потврди дека младиот шпански возач Фермин Алдегер доживеал фрактура на бутната коска на левата нога за време на тренингот во Валенсија, само неколку недели пред почетокот на предсезонските тестирања.
20-годишниот Алдегер го имаше своето деби во Мото ГП шампионатот минатата година со тимот на Гресини, возејќи Дукати со спецификација од 2024 година, и ја круниса сезоната со титулата најдобар почетник, со историска прва победа на Големата награда на Индонезија. Оваа година требаше да се натпреварува со Дукати со спецификација од 2025 година, но неговите подготовки сериозно се нарушени од поредата.
Како што објави тимот, Алдегер ја претрпел фрактурата за време на тренингот во четврток во Валенсија, а операцијата е закажана за денес во Барселона.
Деталите за инцидентот не се откриени.
Повредата доаѓа во незгодно време, точно еден месец пред првиот предсезонски тест за сезоната 2026, кој е закажан за 3-5 февруари во Малезија. Официјалната презентација на тимот е закажана за 31 јануари во Куала Лумпур, додека тестирањето ќе продолжи на 21 и 22 февруари во Бурирам.
Сезоната започнува една недела подоцна со Големата награда на Тајланд.
Foto/ freerangestock

