Европа
Микл-Лајтнер: Грција треба да ја штити европската граница
Основно е Грција да ја штити надворешната граница на ЕУ и мора што е можно поскоро да стори сѐ што може за да ги зајакне ресурсите за вистинска заштита на границата, смета австриската министерка за внатрешни работи Јохана Микл-Лајтер.
„Уверена сум дека е потребно да се воспостави заедничка гранична и морска контрола. Овој предлог е на маса и денеска ќе биде тежиште на состанокот“, најави Микл-Лајнер, пред седницата на Советот на министри за внатрешни работи на ЕУ во Амстердам.
Таа оцени дека е мит дека грчко-турската граница не може да се обезбеди.
„Треба да имаме на ум дека морнарицата на Грција има доволно капацитет да ја заштити границата. На една од најголемите морнарици во Европа и е потребна цивилна команда за да воспостави контрола над границата“, смета Микл-Латнер.
Според неа, ЕУ може повторно да биде делотворна дури откако ќе бидат обезбедени европски надворешни граници.
Австриската министерка предупреди дека доколку ништо не се промени во обезбедувањето на централната граница на ЕУ, шенгенската меѓа ќе се помести кон централна Европа.
Таа, пред Советот на министри им порача на колегите дека останува одлуката на Владата на Австрија за ограничување на бројот на азиланти кои ќе бидат примени. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.