Свет
Британската полиција сака да открие новински извори за скандал
Британската полиција бара судски налог без преседан досега за да го принуди весникот Guardian кој беше водечки во скандалот со прислушувањето со што проблем имаше News Corp на медиумскиот магнат Руперт Мардок, да ги каже своите извори.
Британската полиција бара судски налог без преседан досега за да го принуди весникот Guardian кој беше водечки во скандалот со прислушувањето со што проблем имаше News Corp на медиумскиот магнат Руперт Мардок, да ги каже своите извори.Лево ориентираниот Guardian во своето електронско издание пишува дека лондонската полиција настојува да го искористи законот за службени тајни за да присили двајца негови репортери да ги откријат своите доверливи извори.Овој закон инаку беше донесен за да се заштитат тајните информации и вообичаено се применува во случаи поврзани со националната безбедност и шпионажа.Весникот пишува дека полицијата сака да го употреби законот за да дојде до изворот на информациите кои довеле во јули да биде откриено дека телефонот на убиеното девојче Мили Доулер бил хакиран. Новинарите на таблоидот News of the World ги хакирале пораките од мобилниот телефон на 13-годишната Доулер која беше грабната во 2002 година и пронајдена мртва шест месеци подоцна, со што ја навеле полициската истрага во погрешна насока, но и семејството на девојчето. И полицијата и семејството поради пораките сметаат дека Мили е сé уште жива. Поради скандалот кој досегаше и до политичката елита, таблоидот беше згаснат, некои политичари и полициски функционери мораа да си поднесат оставки, а самиот сопственик Руперт Мардок јавно се извини, но неговата компанија претрпе големи загуби.„Со сите сили ќе дадеме отпор на ова невообичаено барање“, изјави за интернет изданието на Guardian, уредникот Алан Расбриџер.Полицијата ги истражува наводите за хакирањето на телефони и веќе уапси 16 лица, меѓу кои се и Ребека Брукс, главната директорка на News International, британскиот дел од News Corp, и Ендрју Коулсон, поранешниот уредник на News of the World, кој по скандалот стана директор за комуникации во кабинетот на британскиот премиер Дејвид Камерон./крај/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.
Свет
Бајден: Барањето за апсење на Нетанјаху е изедначување на Израел и Хамас
Барањето на обвинителот на Меѓународниот кривичен суд да се издаде налог за апсење на израелските лидери е безобразно и САД не се согласуваат со споредбата меѓу Израел и Хамас, изјави американскиот претседател, Џо Бајден.
„Да бидам јасен, што и да се обидува да имплицира овој обвинител, нема изедначување на Израел и Хамас“, рече Џо Бајден.
Државниот секретар на САД, Ентони Блинкен, пак, предупреди дека таква одлука може да ги загрози напорите за постигнување договор за прекин на огнот, договор за заложниците и за зголемување на хуманитарната помош во Газа.
„Го отфрламе обидот на обвинителот да го изедначи Израел со Хамас“, нагласи Блинкен.
Главниот обвинител на судот, Карим Кан, претходно денеска изјави дека се поднесени налози за апсење против Нетанјаху и министерот за одбрана Јоав Галант под обвинение за „поттикнување истребување, поттикнување глад како метод на војна, вклучително и задржување на хуманитарна помош и намерно таргетирање на цивили во конфликтот“.
Покрај тоа, денеска судот побара апсење на лидерите на Хамас – Јахја Синвар, Мохамед Деиф и Исмаил Ханије, кои се обвинети за „истребување, убиство, земање заложници, силување и сексуални напади“.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.