Спорт
Барса убедлива, АПОЕЛ на Тричковски изненади
Во дербите на мечевите од Лигата на шампионите во средата навечер Валенсија и Челзи на „Местаља“ одигра 1:1, актуелниот европски шампион Барселона рутински го декласираше белоруски БАТЕ Борисов со 5:0
Во дербите на мечевите од Лигата на шампионите во средата навечер Валенсија и Челзи на „Местаља“ одигра 1:1, актуелниот европски шампион Барселона рутински го декласираше белоруски БАТЕ Борисов со 5:0, а А0ПОЕЛ благодарејќи на македонскиот интернационалец Ива Тричковски извади бод на гостувањето кај фаворизираниот Шахтјор. Англискиот претставник Челзи кај Валенсија поведе со голот на Франк Лампард во 56 минута, а по пропуштените одлични шанси за зголемување на водството, но одлучниот голман на домаќините Диего Алвеш со осум интервенции спречи катастрофа на „лилјаците“ . Валенсија изедначи со голот на Роберто Солдадо во 87 минута, по несфатливата грешка на Калу кој без никаква потреба одигра со рака во својот шеснаесетник. Во ситата Група Е од Лигата на шампионите, Баер на домашен терен во Леверкузен го совлада Расинг Генк со 2:0, со головите на на Ларс Бендер во 20 и Миахаел Балак во судиското дополнување.Во Групата Е по двете кола води Челзи со 4, Баер има 3, Валенсија 2 а Генк 1 бод. Во следното коло кое се игра на 19-ти октомври се среќаваат Челзи – Расинг Генк и Баер Леверкузен – Валенсија.Во Групата Ф, лондонски Арсенал на „Емирати “ со 2:1 го совлада грчки Олимпијакос, „Топчиите“ поведоа преки Алекс Оксладе-Чембрлејн во 8 и Андреа Сантош во 20 минута, но во 27 минута намали Давид Фустлер, што беше и конечен резултат на мечот. Во вториот меч од оваа група Олимпик Марсеј на својот „Велодром“ беше сигурен со 3:0 против актуелниот германски шампион Борусија Дотрмунд. Стрелци беа Андре Ајев во 20 и 69 од пенал, и Лоа Реми во 62 минута. Во оваа група во водство е Олимпик Марсеј со максимални 6 бодови, следи Арсенал со 4, Борусија има 1 бода додека Олимпијакос е без бодови. На 19-ти октомври се игра дербито Олимпик -Марсеј – Арсенал а во вториот меч се среќаваат Олимпијакос – Борусија Дортмунд. Во Групата Г, кипарскиот АПОЕЛ предизвика фаворитот Шахтјор по поразот во првото коло од Порто да доживее уште едно големо разочарување. Во Доњецк кипарскиот претставник поведе во 61 минута со убавиот гол на Иван Тричковски, а во 64 минута домашните изедначија преки Жадсон. Во вториот меч од истата група Зенит во Санк Петербург го декласираше Порто со 3:1., иако Португалците поведоа уште во 10 минута преку Родригез. Меѓутоа, Русите преку Шороков во 19 и 62 и Дани во 71 минута направија целосен пресврт, во што им помогна и исклучувањето на Фусил во последната минута од првото полувреме. Во оваа група во водство е изненадувањето АПОЕЛ со 4 бодови, Зенит и Пото имаат по 3 а Шахтјор само 1 бод. На 19-ти октомври се среќаваат Шахјор – Зенит и Порто – АПОЕЛ Никозија. Групата Х синоќа не се случија изненадувања. Барселона со 5:0 на гостувањето го совлада БАТЕ Борисов, додека Милан со доволни 2:0 беше сигурен во Милано против Викторија Плзен. За Барса головите ги постигнаа Володко автогол во 19, Педро во 22, Меси во 38 и 55 и Виља во 89 минута. На „Сан Сиро“ росонерите дури во второто полувреме во 53 минута од пенал преки Златан Ибрахимовиќ и во 67 минута преку Антонио Касано успеаја да ги разбијат гостите од Плзен. Во Групата Х во водство се Барселона и Милан со по 4 бодови, додека Викторија и БАТЕ Борисов имаат по 1 бод. На 19-ти октомври играат Барселона – Викторија Плзен и Милан – БАТЕ Борисов./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.