Обдукцијата на телото на пејачката Витни Хјустон, која во неделата беше пронајдена мртва во када, покажа дека пејачката имала вода во белите дробови.

Обдукцијата на телото на пејачката Витни Хјустон, која во неделата беше пронајдена мртва во када, покажа дека пејачката имала вода во белите дробови.

Полициските службеници веруваат дека пејачката заспала или се онесвестила во кадата, но сè уште не можат ништо официјално да потврдат.

Токсиколошките резултати ќе бидат готови за четири до шест седмици  и ќе се знае што довело до давање.

Извори блиски на порталот TMZ тврдат дека Витни користела „Ксанакс“, лек против паника и депресија. Лекот го зела и пред настапот во четврток за да ја разбие тремата.

Со оглед на тоа дека пејачката пиела алкохол вечерта пред смртта, се шпекулира дека токму алкохолот, во комбинација со „Ксанакс“ за пејачката била кобна.

Според извори на порталот TMZ, во собата во моментот на нејзината смрт бил нејзиниот стилист, фризерката и двајца телохранители.

Пејачката се средувала за забавата која ја организирал нејзиниот пријател Клив Дејвис по повод доделувањето на Греми наградите.

Откако Витни долго се задржала во купатилото подолго од еден час, нејзините пријатели се загрижиле.

Тропнале на вратата од купатилото, но никој не одговорил. Фризерката влегла и вриснала кога ја видела Витни под вода. Главата и била под вода, а нозете подигнати.

Еден од телохранителите, кога го слушнал врисокот, влегол во бањата и го извадил телото од кадата. Веднаш се обидел да ја реанимира со вештачко дишење и масирање на срцето, но безуспешно. Веднаш го повикале хотелското обезбедување и набрзо дошла и екипа на Итна помош која ја констатирала смртта на Витни во 15.55 часот.

Витни Хјустон почина ненадејно во нејзината 49-та година во саботата во собата на четвртиот кат од хотелот „Beverly Hilton“ на Беверли Хилс, ден пред 54-то доделување на наградите Греми, на кое во неделата ќе и’ биде оддадена почест на пејачката, а ќе биде враќање на сцената на новата ѕвезда Адел по операцијата на гласните жици и на легендарните Бич Бојс.

Дуетот што го отпеа со една од годинешниве фаворитки за Греми, Кели Прајс, во еден холивудски ноќен клуб претходно седмицава. останува нејзиниот последен настап. Витни во клубот била со нејзината ќерка и добро се забавувала, велат нејзините пријатели.

Витни Хјустон ќе остане запаметена по многуте хитови коишто ја одбележија историјата на соул и поп музиката, меѓу кои се хитовите „How Will I Know“, „Saving all My Love for Youu“ или „I Will Always Love You“, продавајќи околу 170 милиони носачи на звук.