Свет
Приватизацијата на „Фершпед“ мора да се поништи
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-8972.jpeg)
Приватизацијата на „Фершпед“ е целосно незаконска, а Управата за јавни приходи и јавното правобранителство ја кочат постапката за нејзино поништување, заклучи вчера Државната комисија за спречување корупција.
Емил Зафировски
Приватизацијата на „Фершпед“ е целосно незаконска, а Управата за јавни приходи и јавното правобранителство ја кочат постапката за нејзино поништување, заклучи вчера Државната комисија за спречување корупција.
Според Михајло Маневски, претседател на комисијата, со приватизацијата на „Фершпед“ грубо се прекршени законите и противзаконски бил присвоен државен капитал.
– Договорот за продажба на „Фершпед“ од 1995 е ништовен. Претпријатието е основано во 1989 година со 51 отсто државен капитал на ЖТП „Скопје“. Тој капитал не можел да биде предмет на приватизација. Ова е утврдено во два извештаи на Управата за јавни приходи од 1994 и од 2002 година. Утврдено е и дека спротивно на Законот за трансформација на претпријатијата со општествен капитал и на Законот за облигациски односи, затоа што лицата што го презеле претпријатието немале откупено најмалку 10 отсто од акциите, туку само 3,66 отсто – истакна Маневски на вчерашната прес-конференција.
Тој ги обвини УЈП и Јавното правобранителство дека непотребно ја кочат постапката за поништување на приватизацијата.
– Станува збор за факти и за аргументи што јасно покажуваат дека се прекршени законите. Но, во третиот извештај на УЈП од 2005 година тие факти не се земени предвид. Во јануари 2005 година јавниот правобранител не извести дека нема основано сомневање оти при приватизацијата имало битни законски повреди. УЈП и правобранителството го повредија начелото на совесно, одговорно, непристрасно вршење должност. Извештајот на УЈП е селективен и едностран, а правобранителството постапува спротивно од законските обврски да ги штити државниот имот и капитал – рече Маневски.
Комисијата и понатаму ќе бара од Владата и од нејзините институции да ја поништат приватизацијата на „Фершпед“, зашто станува збор за дело што не застарува.
Комисијата на последната седница расправала и за изборните закони и заклучила дека мора да се вгради механизам за контрола во финансирањето на партиите и на политичките кампањи.
– Обврска ни е да утврдуваме како и колку пари се трошат при кампањите и да бараме тоа да го прават и државните органи. Политичката корупција е генератор на целата корупција, и тоа преку финансирање од нелегитимни и непознати извори. Со сегашниот закон за финансирање на партиите проблемот не е решен. Затоа ние баравме да бидеме вклучени во расправата за предлогот за новиот изборен законик, но Владата ниту не повика ниту не запозна со предлогот – рече Слаѓана Тасева, членка на антикорупциската комисија.
Маневски: Сакаат да не инструментализираат за политички цели
Антикорупциската комисија вчера предупреди дека врз неа се врши силен притисок за да ја инструментализираат и да ја искористат за политички цели.
– Додека ние вчера заседаваме, пред вратата ни држеа прес-конференции. Тоа е обид комисијата да биде искористена во политички цели. Но, комисијата, како и досега, ќе остане отпорна на ваквите обиди и притисоци – рече Маневски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Нов сведок во случајот со убиството на Данка: по 5 месеци во полиција изјавил дека џогирал покрај ѓубриштето во моментот кога осомничените го фрлале телото на девојчето
![](https://makfax.com.mk/wp-content/uploads/2024/04/danka-ubijci.jpg)
Во Вишото јавно обвинителство во Заечар за 5 јули е закажано сослушување нови сведоци во истрагата за убиството на Данка Илиќ од Бор, која како што се сомнева, ја убиле работниците на ЈКП „Водовод“ од Бор, Дејан Драгијевиќ и Срѓан Јанковиќ. Како што објави Нова.рс, сослушувањето на еден од нив е од големо значење за истрагата.
„Станува збор за двајца соседи од Бањско Поље, од кои не се очекува ништо пресудно. Но, маж од Бор, кој е трет сведок, контактирал со надлежните и рекол дека џогирал точно во моментот кога осомничените биле на буништето и наводно го фрлиле телото“, вели изворот и додава:
„Што точно видел, зошто дури сега се јави, ќе се знае во петок. Постои можност неговото сведочење да докаже дека навистина го фрлиле убиеното дете на ѓубриште…“
Инаку, осомничениот Дејан Драгијевиќ, кој на рочиштето во обвинителството по апсењето го призна делото и детално го опиша, побара обвинителството повторно да го сослуша.
Адвокатката Вања Живковиќ рече дека до денес не добила потврден или негативен одговор дали обвинителството ќе го прифати повторното испитување на нејзиниот клиент Дејан Драгијевиќ.
Инаку, Драгијевиќ во образложението зошто сака дополнително рочиште вели „за да се расветлат околностите и изнесените факти кои ги ставил на записник на рочиштето на 5 април 2024 година“.
За потсетување, осомничени за убиството на Данка Илиќ се Срѓан Јанковиќ од село Лука и Дејан Драгијевиќ од селото Злот кај Бор, кој го признал делото велејќи дека го удриле девојчето со возило на „Водовод“ Бор, по што со голи раце ја задавил. Тој откри и дека неговиот татко Радослав и сега починатиот брат Далибор му помогнале да го сокрие телото на девојчето, кој, неколку часа по апсењето почина во полициската управа Бор.
Свет
Напнато во кабинетот на Бајден, советниците се борат тој да остане претседателски кандидат: „Замената би била збунувачка и непрактична“
![](https://makfax.com.mk/wp-content/uploads/2023/11/bajden.jpg)
Советниците на американскиот претседател Џозеф Бајден во текот на викендот се обидоа да се спротивстават на сугестиите, актуелниот демократски претседателски кандидат да се повлече од трката, при што менаџерот на кампањата на Бајден предупреди дека менувањето кандидати во оваа фаза од кампањата е „збунувачки и непрактично“.
За време на тензичниот разговор со група од околу 40 најголеми финансиери на Бајден, менаџерот на кампањата на Бајден, Џулијан Чавез Родригез, објасни што може, а што не може да се направи со инфраструктурата на кампањата доколку Бајден одлучи да се повлече, нагласувајќи дека нема намера да го стори тоа. пренесува Ен-би-си Њуз.
„Поголемиот дел од собраните средства ќе одат за потпретседателката Камала Харис, а само мал дел од парите ќе останат кај Демократскиот национален комитет“, рече Чавез Родригез.
Додека некои донатори разгледуваа различни сценарија за замена на Бајден, демократскиот сенатор Крис Кунс од Делавер истакна дека таквиот процес би бил „хаос“. Тој процени дека на крајот ќе биде номинирана Камала Харис.
Европа
Шумски пожар во популарно турско одморалиште: „Продолжуваме со воздушна и копнена интервенција“
![](https://makfax.com.mk/wp-content/uploads/2024/07/pozarnikari-shuma1.jpg)
Шумски пожар избувна во неделата во областа Лара во турското летувалиште Анталија, каде што се наоѓа хотелски комплекс, соопшти градоначалникот на градот, Мухитин Бејек.
„Продолжуваме со воздушната и копнената интервенција за гаснење на пожарот што избувна во шумската област во регионот Лара“, изјави тој на социјалната мрежа Икс.
Бејек додаде дека властите се во состојба на готовност поради зголемениот ризик од шумски пожари, истакнувајќи дека моменталната температура во Анталија е 36 степени. Претходно денеска беше објавено дека големи шумски пожари ги зафатија турските провинции Чанаккале, Измир и Ајдин.
Во провинцијата Чанаккале, пожар зафати земјоделско земјиште во регионот Езине. Спасувачите морале да ги евакуираат жителите на неколку села. Шумски пожари ги зафатија областите во близина на градовите Бурса, Едрене, Баликесир, Караман и Караманмарас.