Македонија
Кекеши: Дискусиите да се водат внатре во институциите
Унгарскиот амбасадор, Ференц Кекеши порача дека политичкиот дијалог во земјата треба да се одвива внатре во институциите. Ова е основната порака што тој денеска ја пренесе на средбата со претседателот на Нова Демократија, Имер Селмани
„Подвлеков дека сакаме да видиме политички дискусии внатре во парламентот и основните прашања да се решаваат во демократските институции. Ми беа објаснети позициите на Нова Демократија, зошто се надвор од парламентот. Мојот заклучок е дека е многу интересно што политичарите, без разлика на која страна се, позиција или опозиција, понекогаш имаат исти цели и затоа би било препорачливо да се направат консултации пред да се носат одлуки, бидејќи тоа ќе биде интерес на земјата и на политичките партии“, рече Кекеши.Селмани, пак, од своја страна, ги образложил причините за напуштањето на парламентот од страна на неговата партија. Смета дека решението е во предвремени парламентарни избори.„Ценам дека она што е став на Нова Демократија околу пописот, околу Уставот и Бадентер, околу Охридскиот рамковен договор и околу сите проекти поврзани со енциклопедијата и проектот „Скопје 2014-та“ е дека тоа се тотално погрешни политики на власта кои што и прават големи штети на иднината на оваа државата и на сегашноста. Затоа што побрзо да одиме на предвремени избори, а пред тоа да се направат сите неопходни подготовки за фер и слободни парламентарни избори. Тоа е единственото решение за излегување од ќорсокакот во којшто е навлезена државата“, рече Селмани по денешната средба со амбасадорот Кекеши.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.
Македонија
Сиљановска Давкова на Самитот на иднината во Њујорк
Претседателката Гордана Сиљановска Давкова, која ја предводи македонската делегација на 79. Генерално собрание на ОН, денеска треба да се обрати на Самитот на иднината на тема „Мултилатерални решенија за подобро утре“ со учество на шефови на држави и влади.
Целта на Самитот на иднината е државите членки да ја зголемат меѓусебната соработка која, како што се нагласува, е се поважна за човековиот опстанок, но е тешко да се постигне во атмосфера на недоверба, користејќи застарени структури кои повеќе не ги одразуваат денешните политички и економски реалности.
Во фокусот на Нацрт-пактот се човековите права, родот и одржливиот развој во сите поглавја. Содржи поглавја за одржлив развој и финансирање за развој, меѓународен мир и безбедност, наука, технологија и иновации и дигитална соработка, младите и идните генерации и трансформирање на глобалното владеење. Меѓудругото, се бара земјите членки да се согласат и за реформи што се однесуваат на Советот за безбедност, но тоа најверојатно нема да се случи.
На Самитот треба да бидат усвоени и Декларација за идните генерации и Глобален Дигитален договор.