Свет
Гувернерот на Токио повторно избран и покрај гафот за цунамито

Гувернерот на Токио, 78 годишниот, Шинтаро Ишихара денеска е повторно избран да ја води истоимената јапонска префектура и покрај гафот во изјавата за катастрофалниот земјотрес и цунами што земјата ја погоди на 11 март, покажуваат анкетите од биралиштата.
Гувернерот на Токио, 78 годишниот, Шинтаро Ишихара денеска е повторно избран да ја води истоимената јапонска префектура и покрај гафот во изјавата за катастрофалниот земјотрес и цунами што земјата ја погоди на 11 март, покажуваат анкетите од биралиштата.Ишихара предизвика јавен бес со својата изјава дека од земјотресот, чија јачина беше 9 степени по Рихтеровата скала велејќи дека биле „божја казна“ за „егоизмот на јапонскиот народ“, потсетува агенцијата Асошиејтед прес.Гувернерот на Токио подоцна се извини поради својот гаф, кој, судејќи по резултатите на денешните избори, немаше влијание на неговата популарност меѓу граѓаните на јапонскиот главен град.Во Јапонија денеска се одржува првата фаза од локалните избори во кој ќе бидат избрани гувернери во повеќе префектури, вклучувајќи го и Токио, како и градоналчалниците на Сапоро, Хирошима, Шизоки и Сегамихара. Одржувањето на изборите кој ќе бидат прв тест за премиерот Наото Кана по цунамито, одложени се во делови на земјата погодени од катастрофалниот земјотрес и нуклеарната хаварија во централата „Фукушима“./крај/блиц/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија сака да се повлече од конвенцијата за забрана на тортура

Рускиот премиер Михаил Мишустин вчера потпиша резолуција со која бара Москва да се повлече од Европската конвенција за спречување на тортура, пишува Kyiv Independent.
Иако Русија формално останува потписник на конвенцијата, воените злосторства и тортурата на Русија врз украински цивили и војници се документирани постојано, додава Kyiv Independent.
Резолуцијата го повикува рускиот претседател Владимир Путин да ја повлече Русија од деценискиот договор.
„До претседателот на Руската Федерација се поднесува предлог за раскинување на Европската конвенција за спречување на тортура и нечовечко или понижувачко постапување или казнување“, се наведува во текстот на резолуцијата.
Дејствијата на Русија на окупираните украински територии дополнително го потврдуваат нејзиното непочитување на меѓународните механизми за заштита, според украинските медиуми.
Свет
Австралија: Иран нарача најмалку два антисемитски напади во нашата земја

Австралија денес објави дека ќе го протера амбасадорот на Иран во Канбера, а премиерот Ентони Албанезе го обвини Техеран за извршување на два антисемитски напади во клучните градови Сиднеј и Мелбурн.
Од почетокот на војната меѓу Израел и Газа во октомври 2023 година, австралиските домови, училишта, синагоги и возила беа цел на антисемитски вандализам и палење, пишува „Ројтерс“.
„Австралиската безбедносна агенција собра веродостојни разузнавачки информации дека иранската влада наредила најмалку два напади“, изјави Албанезе на прес-конференција.
„Иран се обиде да го прикрие своето учество, но ASIO верува дека стои зад нападите врз „Луис Континентал Кујн“ во Сиднеј на 20 октомври минатата година и синагогата Адас Израел во Мелбурн на 6 декември“.
Австралиската безбедносно-разузнавачка организација додаде дека е веројатно дека Иран наредил дополнителни напади.
„Ова беа вонредни и опасни акти на агресија оркестрирани од странска држава на австралиска почва“, рече Албанезе. „Ова беа обиди за поткопување на социјалната кохезија и сеење раздор во нашата заедница“.
„Австралија ја суспендираше својата амбасада во Техеран и сите дипломати се безбедни во трета земја“, рече Албанезе, додавајќи дека неговата влада ќе ја прогласи Иранската револуционерна гарда за терористичка организација.
Свет
Трамп најавува преименување на Пентагон: „Веројатно, за околу една недела“

Претседателот на САД, Доналд Трамп, денес посочи дека неговата администрација веројатно ќе го промени името на Министерството за одбрана во Министерство за војна во наредните денови.
Трамп рече дека официјалните лица веројатно ќе го вратат Пентагон на неговото постаро, поагресивно име за околу една недела. И тој и министерот за одбрана Пит Хегсет, постојано се жалат на промената на името што се случи по Втората светска војна, објавува Politico.
Министерството за војна постоеше од 1789 до 1947 година, кога администрацијата на Труман го подели одделот на Армија и Воздухопловни сили и го спои со тогаш независната Морнарица. Поранешниот претседател Хари Труман ја именуваше новата агенција на ниво на кабинет Министерство за одбрана.
Труман имаше намера промената на името да му даде на шефот на Пентагон поцентрализирана власт над одделните гранки на војската, особено Морнарицата, која уживаше значителна независност до крајот на Втората светска војна.
Трамп постојано алудираше на можноста за враќање на старото име во последните недели, нарекувајќи го Хегсет свој „министер за војна“ на самитот на НАТО во јуни и сугерирајќи дека промената е резултат на политичка коректност.
„Ако ја погледнете старата зграда до Белата куќа, можете да видите каде порано беше Министерството за војна. Потоа станавме политички коректни и го нарековме Министерство за одбрана“, рече тој.
Трамп посочи дека ребрендирањето е неизбежно. Но, на Пентагон веројатно ќе му треба одобрение од Конгресот за каква било промена на името, бидејќи министерството е основано со закон стар неколку децении.
„Не сакам само одбрана. Сакаме напад“, рече Трамп во Овалната соба.