Компании
Газпром ја зголеми добивката, разгледува задолжување во кинеска валута
Рускиот државен енергетски гигант „Газпром“ извести во средата дека неговата нето добивка во второто тримесечја од 2014 година се зголемила за 13 отсто, благодарејќи на поволното влијание на валутните курсеви, а најави и дека разгледува можноста за издавање обврзници во кинеската валута јуан.
Рускиот државен енергетски гигант „Газпром“ извести во средата дека неговата нето добивка во второто тримесечја од 2014 година се зголемила за 13 отсто, благодарејќи на поволното влијание на валутните курсеви, а најави и дека разгледува можноста за издавање обврзници во кинеската валута јуан.
Водечкиот производител на природен гас во светот забележал во вториот квартал од 2014 година нето добивка од 227,6 милијарди рубљи, или 5,6 милијарди американски долари, наведува Reuters. Приходите му се зголемиле за 18,9 отсто, на 1.320 милијарди рубљи (долар = 40,77 рубљи). Од „Газпром“ притоа напомнуваат дека во првите шест месеци од годинава резервирале 215,8 милијарди рубљи поради неплатените украински долгови.
Во првата половина нето долгот е намален за 19,4 отсто во однос на истиот лански период, и изнесувал на крајот од јуни 894,55 милијарди рубљи.
Во „Газпром“ напомнуваат дека и натаму ги анализираат последиците од санкциите, коишто по нивната моментална процена не би требало позначително да влијаат врз финансиската позиција односно работењето.
Во првата половина од годинава нето продажбата на гасот во странство е зголемена за 7 отсто во однос на истиот период во 2103 година, а во ист процентен удел е зголемена и продажбата на домашниот руски пазар.
Претходно во вторникот „Газпром“ објави дека со Индустриската и комерцијална банка на Кина (ICBS) се водат разговори за издавање обврзници во кинески јуани. Соопштението беше објавено веднаш по состанокот на извршниот директор на компанијата Алексеј Милер со челникот на кинеската банка, Џианг Џиангчинг. На средбата биле разгледани и можностите за финансирање на трговијата и работењето, се наведува во соопштението.
Руската агенција Итар-Тасс во средата потсети дека заменикот на извршниот директор на „Газпром“ и челник на финансискиот и економски оддел Андреј Кругљов уше во 2011 година го сигнализираше интересот на гасниот гигант за задолжување во кинеска валута. Потоа во јуни 2014-та, Кругљов објави дека „Газпром“ преговара за ставање на акциите во котацијата на Хонгконшката берза, а разгледуваат и можноста за издавање обврзница во јуани или во сингапурски долари.
Издавањето на обврзници во јуани би се вклопило во засилената економска соработка меѓу Москва и Пекинг, откако во вторникот централните банки на двете земји објавија дека договориле отворање на свап-линии во јуани и рубљи, поради дополнителна промоција на билатералната трговија и инвестициите, забележува агенцијата. „Руско-кинескиот договор ќе отвори, по потреба и можност прибирање капитал на меѓународни ниво. Затоа ќе има дополнителен инструмент за осигурување на финансиската стабилност“, се истакнува во заедничкото соопштение на централните банки на Русија и на Кина./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
БРАКО ќе промовира ново електрично возило на саем во Минхен
БРАКО ќе претстави ново електрично возило од својот бренд Грин Машинс на светскиот саем IFAT, кој следната недела ќе се одржи во Минхен.
Возилото беше развивано две години од страна на инженерскиот тим за развој на БРАКО/Грин Машинс и е сосема ново техничко и функционално решение во програмата за производство на возила за одржување урбана хигиена.
Моделот 720 ZE работи на електричен погон и e со технологија од последната генерација, со вградени мотори во задните тркала и управување на сите четири тркала, поголем контејнерски простор, широка кабина за две лица, 360⁰ камера и оптимизиран начин на чистење.
Се очекува новиот модел да отвори уште повеќе пазари во светот, каде се бараат возила за одржување хигиена од овој габарит и перформанси.
Моделот 720 ZE беше најавен како концепт на саемот IFAT во 2022 гoдина и тимот за развој планираше да го развие во следните две години, во што и успеа и создаде возило кое е целосно замислено, проектирано и произведено во погоните на БРАКО.
Возилото во завршна фаза беше претставено пред гостите на прославата на 20-годишнината на Феро Инвест и БРАКО пред шест месеци, а сега во Германија ќе ја доживее својата светска промоција.
(ПР)
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)