Возачот на Мекларен, Ландо Норис, е победник на Големата награда на Бразил, 21-та трка од шампионатот во Формула 1.

Норис доминираше на патеката Интерлагос, прво победи во спринтот, а потоа се искачи на врвот на подиумот на главната трка.

Второто место го освои Андреа Кими Антонели од Мерцедес, а трет заврши Макс Ферстапен иако имаше многу лоша почетна позиција (стартуваше од пит-лејнот), како и лоша среќа бидејќи на стартот му се дупна гумата.

Четвртото место му припадна на Џорџ Расел во друг Мерцедес, веднаш пред Оскар Пјастре на Мекларен.

Оли Берман од Хас ја освои шестата позиција, 29 секунди зад Норис, додека Лиам Лосон, Исак Хаџар, Нико Хулкенберг и Пјер Гасли исто така освоија поени.

Беше возбудливо од самиот почеток, Бортолето ја заврши трката во првиот круг по судир, потоа и Шарл Леклерк ја заврши трката во седмиот круг по судир со Кими Антонели, кој го предизвика Оскар Пјастри. За инцидентот Пјастри заработи казна од 10 секунди.

Потоа, Луис Хамилтон исто така се откажа од трката во 42-от круг и се повлече во боксот, со што го комплетира ужасниот викенд на Ферари.

До крајот сите гледаа во Ферстапен, кој напредуваше во поредокот, успеа да го мине Расел за третото место, но не и младиот Антолени, кој успеа да се одбрани во последните кругови.

Нè очекува возбудливо финале на шампионатот, Норис е лидер во генералниот пласман со 390 поени, тој има 24 поени повеќе од второпласираниот Пјастри. На третата позиција е Верстапен, кој има 341 поен.

Борбата за титулата продолжува со Големата награда на Лас Вегас, која е закажана за 20-22 ноември.

Фудбалерите на Манчестер Сити го победија Ливерпул на „Етихад“ со 3:0 во дербито на 11-то коло од Премиер лигата.

По двата порази во минатогодишните судири, тимот на Пеп Гвардиола влезе во неговиот 1.000-ти натпревар во тренерската кариера како голем фаворит, и му донесе рутинска победа на јубилејот.

Уште од првата минута беше јасно дека ова ќе биде вечер на „Граѓаните“ и Жереми Доку.

Тој успеа да го искористи недостатокот на комуникација помеѓу Бредли и Конате, и им ја одзеде топката во нивниот шеснаесетник, по што беше соборен од Мамардашвили.

Одговорноста да го изведе пеналот ја презеде Ерлинг Халанд, но го направи тоа на исклучително слаб начин и на тој начин му дозволи на Грузиецот да го „прочита“.

Резултатот остана на 0:0, но „Црвените“ не го искористија моментумот по одбранетиот пенал.

Сити продолжи да напаѓа и поведе по половина час игра. Нунес центаршутираше од десно, а Норвежанецот беше на вистинското место.

Ливерпул ја бараше својата шанса и ја доби на крајот од првото полувреме. Гостите ја затресоа мрежата. Ван Дајк беше највисок по корнерот и постигна гол, но проценката на судијата беше дека Робертсон од офсајд позиција му пречел на Донарума.

На истекот на првиот дел Нико Гонзалес ја зголеми предноста на Сити.

Точка на мечот стави најдобриот поединец на теренот, Доку во 63-та минута.

Ливерпул загуби по четврти пат на гостински терен и со 18 бода актуелниот шампион е на осмата позиција, додека Сити сега има четири поени помалку од лидерот Арсенал.

Сити ќе гостува кај Њукасл во следното коло, додека Ливерпул ќе му биде домаќин на Нотингем.

Фудбалерот на Баерн, Луис Дијаз, постигна еден од најубавите и најтешките голови од почетокот на сезоната.

Поранешниот играч на Ливерпул е одличен во дресот на германскиот гигант, ја потврди својата добра форма со веројатно најефектниот гол оваа сезона, од вкупно шест што ги постигна во Бундеслигата.

Сè што направи во 38-та минута против Унион Берлин беше чисто совршенство на движење, вештина и талент.

Инаку мечот во Берлин заврши 2:2, со што Баерн ја прекина серијата од 16 победи во сите натпреварувања од почетокот на сезоната.

𝗦𝗧𝗢𝗣 𝗪𝗛𝗔𝗧 𝗬𝗢𝗨'𝗥𝗘 𝗗𝗢𝗜𝗡𝗚 𝗥𝗜𝗚𝗛𝗧 𝗡𝗢𝗪 𝗔𝗡𝗗 𝗪𝗔𝗧𝗖𝗛 𝗧𝗛𝗜𝗦. 👀

Luis Diaz's goal today was simply incredible. 🇨🇴 🤩 ❤️🤍 pic.twitter.com/m0e7GrxER1

— Football Tweet ⚽ (@Football__Tweet) November 8, 2025