Европа
Тешки разговори во ЕУ за стратегијата за мигрантската криза
Германија и Франција предложија на граничната служба на Eвропската унија да ѝ се дадат поголеми овластуваа, барем во теоријата, за да може без одобрение на Грција да патролира по нејзините граници, што укажува на заземање потврд став во решавањето на имигрантската криза.
Споменатиот предлог, кој минатата седмица е испратен до Европската комисија, а во кој Reuters имал увид во вторникот, би се однесувал на сите членки Европската унија, а не се само Грција. Мотивиран е со фрустрацијата од неспособноста на Грција сама да ја контролира границата при доаѓањето на имигрантите по поморски пат со што го изложила на ризик шенгенскиот систем.
Челниците ЕУ, кои се обидуваат да ги усогласат ставовите додека истовремено се соочени со големиот притисок од домашната јавност, за кризата со миграцијата повторни ќе разговараат на самитот на 17-ти декември. Дипломатите очекуваат дека челниците на владите и на имигрантите ќе им уапат повик да се однесуваат согласно политиката зацртана во Брисел.
Во нацрт заклучокот од самитот, подготвен однапред, се споменува „итното“ отстранување на недостигот во контролата на границите и „мерките коишто ќе го обесхрабри одбивањето имигрантите да се регистрираа“, што во речникот на ЕУ е израз кој всушност значи – употреба на сила и апсења.
Се интензивираат и разговорите за „европеизација“ на одбраната на границите. „Фронтекс во вонредните случаи би можел на границите да распореди тимови за брзо дејствување, според сопствена процена и според сопствена одговорност“, напишале германскиот и францускиот министер за внатрешни работи Томас де Мезиер и Бернар Казнев во писмото до Европската комисија од минатиот четврток.
Фронтекс е агенцијата на Европската унија за координирање на управувањето со границите, меѓутоа за дејствување ѝ е потребен повик од некоја земја членка.
Европската комисија следната седмица веројатно ќе го одобри споменатиот план, изјавил неименуван функционер во ЕУ, како дел од пакетот мерки коишто ја вклучуваат и новата Агенција за европски граници и крајбрежна стража, а која може да се распореди без повик на одредена држава.
Грчкиот премиер Алексис Ципрас, левичар кој има напнати односи со Европската унија поради должничката криза, е истраен на ставот дека националниот закон треба да го ограничува автономното патролирање на Фронтекс по грчките граници.
Атина, исто така, се скептична во однос на соработката со Турција, со којашто Брисел потпиша договор за помош во замена за задржување на сириските бегалци. Во фокусот на загриженоста на ЕУ е морето меѓу Грција и Турција каде поморските патроли би можеле да дејствуваат без оглед на степенот за соработка на Грција, потребна за дејствување на Фронтекс на копното./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.