Скопје
Асфалтиран локалниот пат Кадино-Миладиновци
Локалниот пат Кадино-Миладиновци е целосно асфалтиран, а за прв пат се поставени и сообраќајни столбчиња за одбележување на патот кои придонесуваат за поголема безбедност во сообраќајот.
Општина Илинден во соработка со Агенцијата за финансиска поддршка во земјоделството и руралниот развој изврши комплетна рехабилитација на локалниот пат Кадино-Миладиновци во должина од 2,7 метри и широчина од шест метри.
Покрај новиот асфалт со рехабилитацијата е опфатено и уредување на одводнувањето на атмосферските води, изградени се банкини од двете страни на патот, а поставена е и нова хоризонтална и вертикална сигнализација. За прв пат на оваа делница од патот поставени се и сообраќајни столбчиња за одбележување на патот кои придонесуваат за поголема безбедност на учесниците во сообраќајот особено во вечерните часови.
„Локалниот пат Кадино-Миладиновци е од исклучително значење за граѓаните на Општина Илинден бидејќи ги поврзува шесте населени места (Илинден, Марино, Кадино, Мралино, Ајватовци и Бунарџик) со останатите шест населени места (Миладиновци, Бујковци, Мршевци,Бучинци, Текија, и Дељадровци) и претставува главна патна артерија, преку која жителите од сите 12 населени места во општината секојдневно транзитираат“, велат од Општина Илинден.
За реализација на овој проект се вложени 16.5 милиони денари.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.
Скопје
Пуштен во употреба новиот парк на булеварот „Февруарски поход“ во Аеродром
Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.
На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.
Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.