Македонија
НВО:Притисоци, негативна кампања и еднострано известување во предизборието
Притисоци од страна на политичките партии врз Државната изборна комисија, негативна политичка кампања и еднострано известување кај медиумите.
Притисоци од страна на политичките партии врз Државната изборна комисија, негативна политичка кампања и еднострано известување кај медиумите.
Ова се главните забелешки во извештајот за работата на изборната администрација, политичките кампањи и известувањето на медиумите во предизборниот период, кој што го спроведе Македонскиот центар за меѓународна соработка, Институтот за демократија и Македонскиот институт за медиуми.
Работата на Државната изборна комисија се оценува како јавна и транспарентна, но според овој извештај членовите на ДИК се изложени на притисоци од страна на политичките партии.
„И двете политички партии изразуваат недоверба кон членовите на Државната изборна комисија кои се предложени од спротивставената политичка опција. Работата на ДИК при дискутирање и решавање за прашања кои директно ги засегаат истите политички партии се карактеризира со политизираност и пристрасност кон партиите од кои членовите се предложени. Исто така праксата на одржување на затворени, т.н работни средби на кои што не се во можност да присуствуваат набљудувачите и медиумите сметаме дека треба да се напушти и треба да се отворат сесиите на ДИК со што би се оставила можност сите да присуствуваат“ изјави Владимир Мисев од Институтот за демократија.
Кратките рокови и законските празнини за гласање во странство според Мисев, создадоа низа проблеми при организацијата на ДИК за гласањето на дијаспората.
Политичката кампања, според овој извештај, се води во силно поларизиран политички амбиент. Кампањата е оценета како негативна, но кај предизборните инциденти во кои се уништува рекламен материјал нема раширеност и масовност.
„Негативната кампања доминира во предизборниот период. Говорот на омраза се појавува во поретки случаи меѓутоа поларизираната атмосфера резултира со честа употреба на несоодветни квалификации на противниците, но и заплашување на гласачите. Главна тема на митинзите на сите политички партии претставува економијата“ вели Мисев.
Според досегашните финансиски извештаи, коалицијата предводена од ВМРО-ДПМНЕ потрошила десеткратно повеќе средства од главниот опонент, коалицијата предводена од СДСМ.
Во голем дел од мониторираните медиуми, седум телевизии и шест весници, се забележани прекршувања на професионалните стандарди, доминираат меѓупартиските, но и конфронтациите меѓу самите медиуми.
Невладините евидентирале суптилни, но и експлицитни форми на фаворизирање или критикување на одредена политичка опција. Според извештајот, медиумите користат различни алатки за изразување на претерана поддршка или критика, преку зголемено присуство на ударните страници на весниците со текст, со насловна конструкција и со фотографија, преку позиционирање на прилозите на почетокот на вестите, без консултирање на другата страна, ниту пак, обезбедување на спротиставени гледишта.
„Едностраното известување речиси станува практика во медиумското известување за кампањата. Евидентирани се примери на злоупотреба на медиумот за пресметка со личности и колеги новинари, со што е нарушен принципот на чување на угледот и достоинството на новинарската професија. Повеќето радиодифузни медиуми не се придржуваат кон стандардите за немешање на фактите со личните ставови на новинарот или уредникот“, вели Весна Никодиновска од МИМ.
Според извештајот, најочигледни примери на претерано фаворизирање и тенденциозно критикување се забележуваат кај телевизиите Сител и А1, подеднакво, како и кај весниците „Време“ и „Вечер“, подеднакво.
Овој извештај на невладините организации е првичен, а финалниот извештај ќе биде објавен во текот на јуни и ќе вклучува оценка за изборниот процес. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајот непречено по наместа влажни коловози
Сообраќајот на државните патишта се одвива непречено, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, соопшти АМСМ.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.
Времена измена на режим на сообраќај на регионален пат Р1101 делница Прилеп – Битола заради интезивирање на градежни активности во врска со проект “Санација на трупот на патот кај мост на река Шемница на Државен пат Р1101 км 85+903, делница Прилеп – Битола”, и тоа од 27.03.2024 ќе има целосно затворање на делницата.
На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.
Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.
Македонија
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до свештенослужителите, монаштвото и до сите чеда на МПЦ-ОА.
– Христовото воскресение е смислата на нашето севкупно постоење. Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата, вели г.г. Стефан меѓу другото во обраќањето.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.