Свет
Двајца вработени од МВР добија отказ, судиите пред разрешување?
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-9783.jpeg)
По отказот, МВР поднесе и кривични пријави за злоупотреба на службената должност против вработените од тетовската управа
Аферата во Тетово со противправно легализирање возила добива во интензитет
По отказот, МВР поднесе и кривични пријави за злоупотреба на службената должност против вработените од тетовската управа
Гордана Дувњак
Комисија на Републичкиот судски совет составена од три члена ќе ја испитува одговорноста на двајца судии од тетовскиот суд кои противправно легализирале 16 постари возила и свесно ги прекршиле одредбите од Законот за царини. Во целата оваа афера биле вклучени и тројца службеници од полициската управа во Тетово, кои помогнале за добивање уредна документација на спорните возила. Според информациите на Горан Павловски, шеф на кабинет на министерот за внатрешни работи, против тројцата вработени се преземени соодветни мерки. Конечниот епилог е отказ за двајца од нив и поднесени кривични пријави, додека третиот "се спасил" со заминување во пензија.
Одговорноста, пак, на тетовските судии допрва ќе се утврдува. Составена е комисија на Судскиот совет во која се истите членови кои претходно во својство на работна група направиле увид во предметите за кои се товарат двајцата судии, а по чиј поднесен извештај РСС во вторникот отвори претходна постапка. Во текот на наредните 30 дена, комисијата ќе треба да ги испита сите околности поврзани со направените злоупотреби и да се сретне со претседателот на Основниот суд во Тетово, Џемали Арифи, и со двајцата судии. Откако ќе се заврши оваа постапка и се утврди дали судиите навистина нестручно и несовесно работеле, следниот чекор на Судскиот совет е да поведе постапка за нивно разрешување. Во оваа фаза, која обично трае еден месец, треба да се прибават мислења од Врховниот суд и од матичниот суд, а на крајот да се финишира со конкретен предлог до Собранието за нивно разрешување.
Неофицијално дознаваме дека станува збор за двајца судии, еден Македонец, а другиот Албанец. На судијата Н.Р на товар му се ставаат 14 донесени пресуди, а на другиот со иницијали Ќ.А. – две. Иницијативата за отворање на овој случај тргнала од Обвинителството, кое за ова го известило и Врховниот суд на Македонија, кој, исто така, поднел претставка до РСС.
До какви траги дошло Обвинителството?
Индикативно во целиот случај е што од целиот состав на тетовскиот суд, кој брои близу 30 судии, споменатите двајца судии како да биле специјализирани за овој тип предмети. Во време кога судовите не можат да се пофалат со преголема ажурност, тие ги решавале предметите експресно, понекогаш и во рок од два дена. Еднаш се случило дури и судијата да дојде на работа за да го заврши случајот иако бил на одмор. Тоа значи дека на двајцата судии им биле особено "омилени" предметите поврзани со легализирање возила, било да се тоа автомобили или камиони, на кои им давале врвен приоритет во однос на сите други предмети. Сите возила, без исклучок, биле носени од странство и, спротивно на Законот за царини, биле постари од пет години. Некои од нив биле стари и до 15 години. Целата операција се изведувала на тој начин што обично едната странка Ј го давала возилото на другата во форма на подарок, а судијата бил тој кој со својот потпис во издаденото решение ја верификувал направената правна трансакција, давајќи Ј на тој начин легалност. Обично странките во постапката биле брачни другари или роднини. Се разбира, во ниту еден случај не било искористено жалбеното право, бидејќи очигледно на сите им се брзало за да се заврши нелегалната постапка, која е спротивна на постојните царински закони, на "општо задоволство на сите".
Неофицијално дознаваме дека претседателот на тетовскиот суд пробал да ги предупреди своите колеги, но тие се оглушиле на неговите совети и свесно продолжиле со своите активности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Полска: Укината е поддршката за домаќинствата кои обезбедуваат помош за украинските бегалци
![](https://makfax.com.mk/wp-content/uploads/2024/07/jm.jpg)
Полските власти најавија дека од денеска ќе стапат на сила измените на законот за помош на граѓаните на Украина, а во рамките на новите регулативи полските домаќинства кои обезбедуваат засолниште за бегалците повеќе нема да добиваат финансиска поддршка од полската влада.
Досега Полјаците кои беа домаќини на Украинците добиваа по 40 злоти дневно за секој кој престојуваше во нивното сместување, пренесува Полското радио.
Заменик министерот за внатрешни работи и државна администрација Мачеј Душчик рече дека системот се укинува поради големите злоупотреби.
Свет
Невработеноста во Австрија во јуни падна на 6,2 отсто, што е најниско ниво во последните девет месеци
![](https://makfax.com.mk/wp-content/uploads/2024/07/bx.jpg)
Стапката на невработеност во Австрија падна во јуни од 6,4 отсто во мај на 6,2 отсто и сега е најниска во последните девет месеци, објави денеска австриската јавна служба за вработување (АМС).
Бројот на регистрирани невработени во Австрија се зголемил за 24.700 на годишно ниво, се наведува на веб-страницата на АМС.
Невработеноста во Австрија е во согласност со трендовите во еврозоната.
Свет
Од израелскиот затвор ослободени 55 Палестинци, меѓу кои и директорот на болницата Ал-Шифа
![](https://makfax.com.mk/wp-content/uploads/2024/07/vc.jpg)
Неименуван функционер на палестинското Министерство за здравство во окупираниот Појас Газа потврди дека Израел денеска ослободил 55 Палестинци од заробеништво, меѓу кои и Мохамед Абу Селми, директорот на главната болница Ал-Шифа.
Мохамед Абу Селмија беше уапсен во ноември 2023 година кога израелските сили извршија рација во болницата Ал-Шифа, според АП.
Во видео изјава емитувана на палестинските медиуми по неговото ослободување, Абу Селми ги обвини израелските власти дека ги подложуваат палестинските затвореници на „секојдневно физичко и психичко понижување“, но Израел веднаш ги отфрли таквите обвинувања.