Регион
Ултиматум до Ѓукановиќ, до сабота да поднесе оставка
Претседателот на Нова српска демократија, Андрија Мандиќ му даде ултиматум на премиерот Мило Ѓукановиќ до сабота да поднесе оставка, најавувајќи дека во спротивно ќе ја собере цела Црна Гора да ја собори владата.
Мандиќ пред неколку илјади приврзаници, пред зградата на Министерството за внатрешни работи ги повика и коалиционите партнери да ја напуштат власта и да формираат преодна влада.„До сабота ако не формираат преодна влада и не падне сегашната на Ѓукановиќ, цела Црна Гора доаѓа овде и ние ќе ги симнеме од власт. Им даваме пристоен рок. Ние денеска дојдовме како пратеници, а во сабота ќе ја повикаме цела Црна Гора“, порача Мандиќ, истакнувајќи дека Демократскиот фронт има план врз основа на народната волја. Мандиќ ова го порача по протестниот марш на повеќе илјади приврзаници од плоштадот Република до зградата на МВР. Протестниот марш беше организиран поради акцијата на полицијата во која беа тргнати шаторите и бината пред Парламентот по 20 дена протест на приврзаниците на Фронтот. Според Мандиќ, во неделата вечерта се собрале преку десет илјади луѓе, додека според неофицијалните проценки на полицијата имало две и пол до три илјади. Демонстрантите носеа црногорски и српски знамиња, а пред почетокот на протестот им се придружи и групата која ја предводел извршниот директор на ЛГБТ Форумот Прогрес, Стеван Миливоевиќ.Демонстрантите се собраа околу 19 часот на плоштадот Слобода, за потоа да формираат колона предводена од приврзаници на Фронтот и независните пратеници Младен Бојаниќ и Обрад Гојковиќ, скандирајќи „Мило лопов“ и „убиец“.Сериозните тензии почнаа при минувањето низ булеваорт „Свети Петар Цетински“ и покрај зградата на Парламентот и претседателството, кои беа опколени со силни полициски сили.Додека колоната скандирајќи минувала низ булеварот, редарите спречиле дел од демонстрантите да дојдат до металната ограда и да се судрат со полицијата.Тензиите повторно пораснаа пред зградата на МВР, кога лидерите на Фронтот и редарите, едвај спречија дел од младите демонстранти да се приближат до кордонот на полицијата опремена за разбивање на демонстрации.Иако Мандиќ ги повика да не ги допираат полицајците „кои се наши браќа“, првите камења беа фрлени при враќањето на колоната кај зградата на Министерството за надворешни работи . Дел од демонстрантите почнаа и пред Парламентот да гаѓаат по полицајците со шишиња и камења, откако кон масата беше истрелан солзавец. Демонстрантите потоа продолжија кон плоштадот Република, каде лидерите на Фронтот ги повикаа да се разотидат.Поради полициска бруталност кон демонстрантите, реагираа стотици граѓани./крај/мф
Извор: Vijesti.me
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.