Европа
Калид Зеркани осуден на највисока затворска казна за регрутирање Белгијци
Калид Зеркани, водач на џихадистичка мрежа, осуден е во четвртокот на апелациониот суд во белгиската престолнина Брисел на 15 години затвор, што е највисоката затворска казна за регрутирање борци за војната во Сирија, а некои од нив се и учесници на терористичките напади во Париз од ланскиот 13-ти ноември и од 22-ри март годинава во Брисел.
Осуден на 12 години затвор во јули 2015 годна, овој 42-годишен Мароканец се жалеше на апелациониот суд на првостепената пресуда. Апелациониот суд, пак, во четвртокот му ја изрече максималната 15-годишна казна предвидена за „водење терористичка група“.
Во пресудата прочитана во бриселската Палата на правдата, судот го истакна „цинизмот“ на осудениот Калид Зеркани, кого неговите млади следбеници го нарекувале „Дедо Мраз, бидејќи им давал пари за патувања во Сирија.
Зеркани бил активен во бриселскиот кварт Моленбек и од првиот процес ги негираше сите обвинувања. Неговото движење беше предмет на истрага во 2012 година водена во Молнбек, но остана на слобода до големите рации на почетокот од 2014 година.
Во меѓувреме, неколку членови од неговата мрежа патувале во Сирија и се враќале од тамошното боиште, каде учествувале во граѓанската војна на страна на џихадистичките групи, меѓу кои и за Исламската држава.
Кога судење започна во пролетта 2015 година, само 13 од 32 обвинети биле присутни, меѓу нив и Зеркани, а 19-те други биле во зоните на судирите на Блискиот исток или се убиени. Во таа група е Чакиб Акрух, кон ланскиот 13-ти ноември се разнесе во Париз кога беа убиени 130 луѓе, како и Абделхамид Абауд за кој се смета дека е организатор на париските атентати.
Реда Крикет, кој исто така, беше приведен во март, бидејќи бил осомничен дека подготвува атентат во Франција, во 2015 година осуден е на 5 години затвори.
На првостепената пресуда заедно со Зеркани се жалеа и три жени, припаднички на движењето. Фатима Аберкан е осудена на 15 години затвор бидејќи целото своето семејство,вклучително и седум деца, ги радикализирала на џихадизам, а еден нејзини син загинал во Сирија. Нејзината сестра Наима Аберкан е осудена на 4 години, а Марија Рита Грило, којашто, исто така, патувала во Сирија, е осуден на 5 години затвор.
Меѓу следбениците на Заркани, бил и Наџим Лахруши, за кој е побара на затворска казна од 15 години затвор. Овој 24-годишен маж се разнесе со експлозив на 22-ри март на бриселскиот аеродром во бриселските напади во кои беа убиени 32 лица.
За бриселските напади Калид Зеркани, кој е во затвор од 2014 година, ќе биде суден во одвоен процес./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.