Европа
Кози, топлес ангели и 600 танчери на отворањето на „Готард“ тунелот
Првите возови поминаа низ 57 километри долгиот тунел „Готард“ под швајцарските Алпи, а тоа беше проследено со спектакуларна церемонија за отворање, што го зачуди светот на повеќе начини, пишуваат швајцарските медиуми.
Првите возови поминаа низ 57 километри долгиот тунел „Готард“ под швајцарските Алпи, а тоа беше проследено со спектакуларна церемонија за отворање, што го зачуди светот на повеќе начини, пишуваат швајцарските медиуми.
Околу 600 актери, музичари, свирачи на алпски рогови, хорови и швајцарскиот армиски бенд изведоа донекаде бизарна церемонија во Рајнахт на северениот крај на тунелот, дополнето со луѓе облечени како ангели, козорог и танчери облечени во работнички одела, како на оние кои работеа на изградбата на тунелот.Перформансот кој требаше да ја претставува швајцарската алпска култура, ги остави светските медиуми, од кои 300 беа присутни на отворањето, подзинати.Инаугурацијата почна со симултани говори на двата краја на тунелот, од швајцарскиот претседател Јохан Шнајдер-Аман и министерот за транспорт Дорис Летард.„Ова е голем ден за Швајцарија и за Европа“, рече Шнајдер – Аман пред да почне спектаклот пред 1.000 гости, меѓу кои и лидерите на Франција, Германија и Италија.Дел од гледачите, жители на Швајцарија, се извинуваат по социјалните мрежи за срамот кој им е нанесен со бизарната претстава при отворањето, а дел само постираат фотографии со коментари ова се случува на отворањето на тунелот./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсени две млади момчиња: планирале напад со нож на верници во синагога во Германија
Германските власти денеска соопштија дека уапсиле двајца мажи осомничени дека планирале напад со нож врз верници во синагога во Хајделберг, на југозападот на земјата.
Осомничените, на возраст од 24 и 18 години, беа приведени за време на одделни полициски операции во покраината Баден-Виртемберг на почетокот на овој месец, соопштија државните обвинители и полицијата, пренесе АП.
Тие разговарале за убиство на еден или повеќе верници во напад на синагогата, по што ќе следуваше нивна „маченичка смрт“, а сакаа полицијата да ги убие, се вели во заедничкото соопштение на германските власти.
Осомничените се соочуваат со обвиненија за заговор за убиство.
Полицијата го открила заговорот со претрес на домот на повозрасниот осомничен на 3 мај.
При претресот, полицаецот пукал и ранил еден од осомничените откако се фатил за нож.
Доказите запленети за време на претресот вклучуваат размена на онлајн пораки меѓу двајцата осомничени во април, во кои тие разговарале за можен напад на синагогата, соопштија властите.
На 18 мај полицијата го приведе помладиот осомничен и изврши претрес во неговиот стан.
Двајцата осомничени се германски државјани, а 18-годишникот има и турско државјанство, соопштија властите.
Нивните имиња не се објавени.
Германските лидери предупредија на ризиците од напади врз Евреите и го осудија порастот на антисемитизмот по избувнувањето на војната меѓу Израел и Хамас.
Европа
Филипинка се породила на крузер и го сокрила бебето: тоа починало
Истражен судија во Гросето, Италија го отфрли обвинението за убиство против Чан Џенсел Пиа Салахид, 28-годишна Филипинка која се породила на бродот за крстарење „Сребрен шепот“ на 17 мај, а потоа беше уапсена за смртта на детето.
Истражниот судија го потврдил приведувањето, а младата жена останала во затвор, но под обвинение за напуштање дете кое починало. Нејзините двајца колеги, кои ја делеле кабината со неа и кои исто така биле уапсени поради смртта на бебето, биле ослободени.
Тие и помогнале да се породи и биле соучесници во прикривањето.
Како што пишува „Rai News“, по добивањето на резултатите од обдукцијата, судот ги отфрли обвиненијата за убиство. Засега не се знае за што точно ќе биде обвинета жената освен за напуштање на детето.
А, таа цело време пред истражителите, според италијанските медиуми, тврдела дека не сакала да го убие својот син, кого го нарекла Тејлор.
Само се плашела дека ќе остане без работа, па го сокрила. Секогаш кога можела, доаѓала да го дои, според исказите. Бебето го оставала во плакарот со подотворена врата за никој да не го види или слушне неговиот плач.
Европа
Состојбата на Фицо е стабилна, забележително е благо подобрување, велат од болницата
Состојбата на словачкиот премиер Роберт Фицо по минатонеделниот атентат е стабилна со благо подобрување, соопштија денеска од болницата каде што е сместен Фицо.
„Состојбата на премиерот е стабилна со благо подобрување. Веруваме дека напредокот ќе продолжи“, соопшти болницата на платформата Х (Твитер), пренесе Ројтерс.
Фицо минатата среда беше застрелан од 71-годишниот писател Јурај Цинтула, кој веднаш беше приведен од полицијата.
Словачкиот премиер во тешка состојба беше пренесен во болницата каде му беше извршена операција.
Словачкиот суд во саботата одлучи Цинтула да биде задржан во притвор, а тој се соочува со казна од 25 години до доживотен затвор.