Свет
Западните воени бродови се приближуваат кон брегот на Либија
Два американски десантни бродови, „Кијарсардџ” и „Понсе“, кои пренесуваат маринци и опрема, пристигнаа во Средоземното Море на пат за Либија. Групата вклучува 800 маринци, хеликоптери и медицинска опрема. Таа може да извршува хуманитарни и воени мисии.
Во последните неколку дена западните сили испраќаат свои бродови кон либискиот брег, обидувајќи се да помогнат во евакуацијата на илјадниците бегалци, кои се обидуваат да избегаат од конфликтот меѓу силите лојални на Моамер Гадафи, и бунтовниците во земјата. Два американски десантни бродови, „Кијарсардџ” и „Понсе“, кои пренесуваат маринци и опрема, пристигнаа во Средоземното Море на пат за Либија. Групата вклучува 800 маринци, хеликоптери и медицинска опрема. Таа може да извршува хуманитарни и воени мисии. „ Ги придвижуваме своите бродови поблиску до Либија”, изјавил претставник на Министерството за одбрана на САД во Вашингтон. Франција го испрати својот втор по големина борбен брод, „Мистра“, на либискиот брег, за да помогне во евакуација на бегалците од конфликтот таму. Француските власти велат дека „Мистра” ќе земе учество во изготвениот план од ЕУ за репатријација на илјадници египетски работници кои се обидуваат да избегаат од борбите помеѓу силите, лојални на Гадафи, и бунтовниците. Британската фрегата „Вестминстер” отплови денеска од Гибралтар кон брегот на Либија. Освен својот вообичаен товар,воениот бродови носи и медицински материјали, прекривки и чаршафи, изјавил портпаролот на воената база во Гибралтар. Кога ќе пристигне во близина на Либија, таа ќе ја смени фрегатата „Јорк”, која исплови од Гибралтар кон брегот на Либија во петокот и транспортира медицински материјали обезбедени од страна на Шведска за Бенгази. Канадската фрегата „Шарлоттаун” го напушти денеска пристаништето во Халифакс за мисија во Средоземното Море крај либискиот брег, објавија локалните телевизиски канали. Таа треба да пристигне на одредиштето по 6-7 дена и таму ќе се приклучи на двата американски воени бродови. Западните сили ја разгледуваат можноста за спроведување на зона забранета за летови над Либија, за да ги поддржат бунтовниците кои се борат против режимот на Гадафи. Некои опозициски политичари во Либија почнаа да повикуваат на воздушни напади против силите лојални на режимот.крај/бг/бч
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Америка доминира нов подсој на коронавирусот, варијанта што ги загрижува научниците
Нова група на подваријанти на коронавирусот циркулира во САД. Според американскиот Центар за контрола и превенција на болести (ЦДЦ), моментално доминантна е подваријантата наречена „(FLiRT)“.
Една од подваријантите на „(FLiRT)“ е КП.2 и таа е одговорна за околу 25 проценти од сите инфекции во САД. Сите варијанти кои се во оптек се дел од микронскиот сој на вирусот САРС-КоВ-2, попознат како коронавирус.
Меган Л. Рејни, декан на Факултетот за јавно здравје Јеил, рече дека (FLiRT) има некои загрижувачки карактеристики, кои се одговорни за неговото ширење меѓу населението, односно овозможуваат вирусот да се „закачи“ за телото и да предизвика болест, пренесуваат американски портали.
ЦДЦ наведува дека Ковид-19, болеста предизвикана од коронавирусот, продолжува да претставува значителна закана за јавното здравје, и покрај севкупното намалување на сериозните болести предизвикани од овој вирус. Сепак, стапката на хоспитализација на луѓето со Ковид-19 останува висока кај луѓето на возраст над 65 години.
Американскиот комитет за имунизација препорача сите постари од 65 години да добијат дополнителна доза од вакцината против Ковид. Тие посочуваат дека имплементацијата на овие препораки треба да го зајакне имунитетот против вирусот и да го намали ризикот од сериозни состојби кои болеста може да ги предизвика, вклучително и смрт.
Европа
Босфор затворен, се насука украински брод
Теснецот Босфор, кој го поврзува Црното Море со Средоземното Море, е затворен за бродови откако денеска таму се насука товарен брод од Украина, соопштија турските власти за дпа.
Бродот Алексис превезува прехранбени производи од Украина до Египет. Дефект на моторот се случил во близина на излезот од пловниот пат, изјави портпаролот на Управата за безбедност на крајбрежјето за дпа.
Спасувачките напори се веќе во тек, додаде изворот. Босфорот служи како излез за украинското жито на светските пазари во екот на руската инвазија. Речиси 40.000 бродови поминале низ Босфорот во 2023 година, според турското Министерство за транспорт.
Европа
Руски хеликоптери уништија дронови на украинската морнарица, следуваше одговор, пишува „Форбс“
Украински експлозивни автономни пловни објекти или поморски беспилотни летала напаѓаат и потонуваат руски воени бродови во Црното Море од минатата есен, а сега руската Црноморска флота одлучи да возврати, и тоа од воздух, пишува „Форбс“.
Руски бомбардери, летечки бродови и хеликоптери патролираа на рутите до пристаништата, каде што е закотвена Црноморската флота, барајќи знаци за приближување на автономните бродови, кои ги гаѓаа со ракети и куршуми. Меѓутоа, во војната – како и во физиката – секоја акција има своја реакција. И, така, сега украинските автономни бродови добија проектили „земја-воздух“, кои можеби веќе ги лансираат руските авиони.
Снимките од Црното Море направени во неделата или понеделникот покажуваат како хеликоптер „камов Ка-29“ кружи околу украинскиот брод и пука во него. Можно е овој напад да е поврзан со украинскиот напад на Црноморската флота на Крим овој викенд. Пловилата наводно потопиле руски патролен брод.
Ова не е првпат руско летало да уништи украински автономен брод (УСВ). Но, тој конкретен УСВ се издвојуваше затоа што беше опремен со ракетни фрлачи и инфрацрвена ракета „Р-73“. Се чини дека некои украински бродови сега имаат свои противвоздушни ракети.
Рускиот канал Fighterbomber на „Телеграм“ беше изненаден од ова: „Украинците некако успеаја да ја поврзат ракетата со системите за далечинско управување на УСВ“.
Проектилот „Р-73“ е чувствителен на извори на топлина како што се моторите на леталата. Не бара телеметрија за водење. Сепак, каналот Fighterbomber не греши кога се прашува како војниците што управуваат со УСВ може од далечина да ги нишанат и лансираат тие проектили.
Fighterbomber шпекулира дека украинските автономни пловила сè уште не ги лансирале своите проектили, но вреди да се напомене дека УСВ, што екипажот Камов го уништи во неделата или понеделникот, имал два ракетни фрлача, но само еден проектил.
Со опремувањето на УСВ со ракети „Р-73“ украинските сили додадоа уште една улога на нивните сè повеќе разновидни автономни пловила. Повеќето од нив се еднонасочни: тие се натоварени со експлозиви и удираат во руски воени бродови. Постои и верзија на поморскиот дрон Sea Baby, кој може да лансира ненаведувани проектили за напади со долг дострел, а можно е и најголемите УСВ во Украина да имаат и радиопопречувачи.
Постои шанса дека овие нови УСВ сепак веќе ги лансирале своите проектили. Најмалку еден, а можеби и два руски хеликоптера наидоа на неволја над Црното Море на 9 и 10 април. Портпаролот на украинската морнарица, Дмитро Плетенчук, тврди дека рускиот „камов ка-27“ бил соборен на 9 април, а повеќе извори потврдуваат дека еден ден подоцна бил соборен уште еден хеликоптер „мил ми-24“.
Падот на „камов“ не е потврден, но интересно е тврдењето на Плетенчук дека руското летало „барало нешто“ и „го нашло“. Ако Русите навистина го загубија „ка-27“ на 9 април и ако тој хеликоптер навистина бараше УСВ, дали е можно дека пронашол УСВ вооружен со ракети „земја-воздух“?