Свет
УНХЦР – Расте бројот на бегалците во светот
![](https://makfax.com.mk/wp-content/uploads/2016/11/c04c9641-57bd-4acf-a655-9fa80cb7ae0d.jpeg)
Во светот во 2008. година имало 15,2 милиони луѓе кои поради различни судири и насилства биле приморани да ја напуштат својата татковина
Во светот во 2008. година имало 15,2 милиони луѓе кои поради различни судири и насилства биле приморани да ја напуштат својата татковина.
Од истите причини уште 26 милиони луѓе ширум светот се сместени во категоријата интерно раселени лица, оние што не ја напуштиле татковината, но морале да го остават својот дом, соопшти Високиот комесаријат на Обединетите нации(ОН) за бегалци (УНХЦР).
Во извештајот објавен по повод 20. јуни – Светски ден на бегалците, се наведува дека помал број бегалци се вратиле во своите домови за разлика од 2007. година, воглавно поради недоволната безбедност и основните животни услови.
Во 2008. година само 604.000 бегалци се вратиле во домовите, што е второ најниско ниво во последните 15 години и во најголем дел последица на состојбата во Авганистан и Судан. Истовремено, околу 1,4 милиони интерно раселени се вратија во своите домови, што е 34 отсто помалку отколку 2007. година.
Според извештајот на УНХЦР, вкупниот број на бегалците и интерно раселените кон крајот на 2008. изнесувал 42 милиони, што е 700.000 помалку отколку во 2007.
Меѓутоа, во првите шест месеци на 2009. овој број пораснал за стотина илјади лица кои морале да ги напуштат своите домови во Пакистан, Шри Ланка и Сомалија. /пошироко во рубрика Тема/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.