Новозеландските власти го објавија во средата списокот на „забранети” имиња коишто родителите сакале да ги дадат на своите деца, а меѓу нив се нашле и имиња како Луцифер и Мафијата-не-се- плаши (Mafia No Fear).

На списокот на 77 необичните имиња се и имињата Anal, 4Real, V8 и Queen Victoria. Некои родители не сакале да се занимаваат многу со изборот на имиња па своите деца сакале да ги крстат Втор, Трет или Пет.

Правилникот на одделот за внатрешни работи на Нов Зеланд, исто така, ги забранува имињата коишто можат да бидат дел од официјален назив, како што се Кинг (крал), Дјук (војвода) или Принцез (принцеза).

Најпопуларното забрането име е Џастис (правда), а ова име од 2001 година матичната служба го одбила дури во 62 случаи. Следат Кинг (крал) во 31 случај, Принцез – 28, Принс – 27, Ројал – 25, Дјук – 10, Мејџор – 9, Бишоп – 9, Маџести – 7. Одбиени имиња се и Џи (Ј) – шест пати, а толку пати новозеландските матичари одбиле да го впишат и како име Луцифер.

Четири пати било одбиено и користењето загради околу средното име, толку пати било одбиено и крстење на детето со Најт (Knight – витез) и трипати Лејди (Lady – дама).

Осум пати било барано и одбиено користење на коса црта меѓу имињата трипати – Џаџ (Judge – судија), двапати Ројал (кралски) и двапати Месија (Спасителот).

По двапати е одбиено именување на новороденче со буквите „Т”, „И”, „Ф”, „ЏиАр”, „Е”, а одбивани се како имиња и знаци означени со римски бројки, комбинации од букви, благороднички титули и еден Министер.

Меѓутоа Нов Зеланд не е единствената земја којашто состави листа од „забранети” имиња. Така шведските власти одбиле бизарни желби на родителите своите деца да ги крстат со Супермен, Металика или многу лесното за изговарање – „Brfxxccxxmnpcccclllmmnprxvclmnckssqlbb11116″.

Во 2009 година властите во Доминиканската Република, исто така, размислувале за сочинување ваква листа со непожелни „имиња”, кога се` повеќе родители почнале на своите деца да им даваат имиња според модели автомобили или според овошја.

Во САД, повеќето проблеми властите имаат со обидите на возрасните да ги сменат своите имиња, од кои се издвојува случајот кога во сојузната држава Илиноис судијата дозволил возач на училишен автобус да го промени името во „Во Бога” (In God) а презимето во „Веруваме” (We Trust).

Истата година, Апелациониот суд во Њу Мексико, пак, донел негативна пресуда во случајот на човек кој своето име Променлива (Variable) сакал да го смени во Ф-Цензура (“F— Censorship)./крај/мф/сн