Беспилотно летало на далечинско наведување, деветнаесетто од 19-ти октомври, во четвртокот повторно прелетало над една нуклеарка во Франција, пишува во саботата интернет страницата на нуклеарната централа кај Бужеи над која дрон прелетал по четврти пат.

„Екипите за надзор на централата во Бужеи откриле илегално присуство на летало слично на беспилотно во областа околу централата“, се наведува во саботата во штурото соопштение објавено на интернет страницата на оваа француска нуклеарна централа што го цитира AFP.Во соопштението на управата на централата, којашто поднела тужба против непознат сторител, се наведува и дека надлетувањето „немаше последици за безбедноста и на работата на постројката“.Таинствените прелети на беспилотни летала над нуклеарните централи во Франција уште не се разоткриени. Оваа европска земја има втор по големината нуклеарен потенцијал на светот од 58 реактори во 19 централи, а оваа појава ја отвори расправата за нивната безбедност, особено од субверзивни акции.Меѓународната еколошка организација Greenpeace, којашто од самиот почеток на надлетувањето на мистериозните летала демантираше каква и да е поврзаност со овие инциденти, во соопштението ја изрази својата загриженоста поради „неспособните државни служби да ги спречат тие прелетуваа кои претставуваат вистинска закана, во прв ред, за базените за складирање на искористеното нуклеарно гориво“.„Владата го минимизира тој ризик тврдејќи дека на тие базени не им се закануваат намерни надворешни напади“, се наведува уште во соопштението на еколошката организација.Некои денови, како на пример на 31-ви октомври, беа пријавени дури пет надлетувања на нуклеарки, што ја потврдува претпоставката за синхронизирано дејствување на лица чиј идентитет и мотиви засега не се познати.Двајца мажи и една жена се задржани во притвор во четвртокот, откако во средата биле приведен на приодот кон нуклеарната централа откако кај нив биле откриени две беспилотни летала. Двајцата мажи, на 24 и 31-годишна возраст, ги забележала рутинската патрола на полицијата на стотина метри од областа на нуклеарната централа Белвил-сур-Лоар, во централна Франција.Осомничени се дека употребувале летала на далечинско управување на приодите од централата и им е одреден притвор поради намерното надлетување над забранета зона. Тие не се осомничени за надлетување на другите нуклеарни централи, беше наведено во соопштението на судот.До средата не беше уапсено ниедно осомничено лице во рамките на истрагата за ваквите прекршоци кои во Франција се казнуваат со една година затвор и 75.000 евра глоба. Во Франција прелетите над нуклеарните централи се забранети во радиус од пет километри и до височина до километар над објектот.Владата во Париз постојано повторува дека надлетувањето со беспилотни летала „не претставува самото посебе опасност“ за нуклеарните централи, коишто се „градени така што се отпорни на земјотреси, па дури и на пад на авиони“, но дека француските власти сериозно ги следат, како и дека се преземени мерки за идентификување на извршителите на тие дејствија./крај/мф/сн

Извор: Макфакс