Во силниот земјотрес и цунамито што го погоди североисточниот дел на Јапонија во петокот загинаа најмалку 95 луѓе. Многу луѓе се водат за исчезнати, а властите издадоа предупредување за Пацифичките крајбрежните области за можно цунами со височина до 10 метри.

Според некои јапонски медиуми, како што пренесуваат западните агенции бројката загинати изнесува повеќе од 300 а бројката исчезнати е поголема од 350 лица. Како што јавува јапонската телевизија NHK која преку целиот ден емитува снимки директно од хеликоптер, јапонската метеоролошка агенција потврди дека земјотресот од петокот попладне по локално врме со магнитуда од 8,8, степени по Рихтер е еден од најмоќните што ја погодил земјата откако се води евиденција за природните катастрофи во последните 140 години. Земјотресот кој се случи во 14:46 по локално време имаше епицентар во близината на Пацифичкиот брег на јапонската префектура Мијаги, а фокусот на подземниот удар бил на длабочина од 24 километри на длабочина од. Подоцна во текот на денот во интервал од 40 минути во областа на Мијаги биле регистрирани серија земјотреси од кои четири со интензитет од 7, што е максималното ниво на јапонската скала на јачина на земјотресите од 0 до 7. Силните потреси биле почувствувани на стотици километри оддалеченост, вклучително и во Токио, на повеќе од 373 километри оддалечен од епицентарот. Неколку потреси со магнитуда од 7 се случија и надвор од пацифичкото крајбрежје. Јапонската метеоролошка агенција издаде предупредување за големи цунами бранови кои ќе погодат широка област, од Хокаидо во северниот дел, да Токушима на запад. Агенцијата, како што пренесува телевизијата, наведува дека во овие области нивото на морето може да се зголеми за повеќе од 10 метри. Цунами бранот висок повеќе од седум метри го погоди пристаништето Сома во префектурата Фукушима, а цунами со плимен бран повисок о дчетири метри ја погоди префектурата Оараи, а пријавени се штети од цунами во Ибараки, Камаиши и Мијако во префектурата Ивате. Според информациите на NHK најмалку 95 луѓе загинале во земјотресот и во цунамито, од кои 41 во префектурата Ивате, 11 во Мајаги и 26 во Фукушима. Многу повеќе се водат за исчезнати, јавува телевизијата. Најмалку 97 големи пожари се пријавени во девет јапонски префектури. Најголемиот од нив е во префектурата Мијаги. Во префектурата Чиба, голем пожар од претпладнето беснее во рафинеријата „Космо“.По неколкучасовен прекин, токискиот аеродром Нарита повторно е отворен за сообраќај, но неколку поголеми аеродроми остануваат затворени, посебно во североисточна Јапонија, вклучувајќи го и меѓунаодниот аердором во Сендаи. Сообраќајот на подземната железница „Shinkansen bullet“ е прекинат во централниот и североисточниот дел на Јапонија, и сите железнички услуги се прекинати во Токио. Автопатите се затворени за сообраќај во североисточна Јапонија и во централниот дел на Токио. Според компаниите за електрична енергија, 4,4 милиони домаќинства во североисточниот дел на Јапонија останале без електрична енергија. Речиси четири милиони домаќинства, исто така, се без струја во областа на Токио. Јапонската метеоролошка агенција во текот на денот постојано испраќа предупредувања за појави на цунами и можност од повеќе нови потреси.