Европа
Анкета на Pew: Мнозинството Руси ги поддржуваат политиките на Путин
Мнозинството Руси ја поддржуваат политиката што ја спроведува рускиот претседател Владимир Путин покажуваат резултатите од големото меѓународно истражување што во средата го претстави во Вашингтон американскиот институт Pew Research Center.
Според ова истражување, дури 83 отсто од испитаниците ја поддржуваат политиката на шефот на руската држава во однос на кризата во соседна Украина, каде што од април минатата година трае вооружениот конфликт меѓу силите лојални на прозападните власти во Киев и рускојазичните бунтовници на истокот од земјата, за што меѓусебно се обвинуваат Западот и Русија. Само 13 проценти од анкетираните Руси одговориле негативно, покажува анкетата на Pew.
Кога станува збор за политиките на приближување со Кина, Путин ужива уште поголема доверба кај своите сонародници, имено го поддржуваат 90, а не го поддржуваат 4 отсто. Во однос на САД, рускиот челник, исто така, има висока поддршка кај гласачите, односно 85 отсто ја поддржуваат и 10 проценти не ја поддржуваат неговата политика. Како што истакнуваат авторите на истражувањето, 62 отсто од испитаниците ја поддржале политиката на претседателот на Русија на планот на корупцијата, а околу третина не се согласуваат со неа.
Истовремено, според анкетата, последните период се зголемил бројот Руси кои сметаат дека политиките на Путин водат кон тоа „луѓето во другите земји да го гледаат помалку привлечниот лик на Русија“. Додека во 2014 година така сметале 26 отсто, сега ги има 37 проценти. Притоа дека политиката на рускиот претседател придонесува за „подобриот имиџ на земјата“, се уверени 27 отсто, а пред една години ги имало 43 отсто.
Истовремено популарноста на Путин како што се истакнува од страна на авторите на истражувањето, го обновила максимумот и достигнала 88 отсто. Од таа бројка, две третини од испитаниците имаат „висок степен на доверба“ во претседателот, а 9 отсто немаат доверба во него.
Според овие резултати, 73 отсто од Русите негативно ја оценуваат актуелната економска ситуација во Русија. Овој показател бил поголем само на почетокот од 2000-те години, пред Путин да се појави на политичката сцена, кога изнесувал 83 отсто. Само секој четврти испитаник смета дека руската економија во моментов е во добра состојба. Пред три години, така мислеле 32 отсто.
Една третина од Русите за економските проблеми на нивната земја ги обвинуваат западните санкции воведени против Москва поради наводната нејзина политика во Украина и присоединувањето на црноморскиот полуостров Крим на Руската Федерација во март 2014 година, што за Западот е нелегална руска анексија на украинска територија. Секој четврти испитаник, пак, главната причина за состојбите ја гледа во економските политики што ги спроведува владата.
Станува збор за опширна студија на американскиот институт Pew Research Center, спроведена во осумте земји членки на НАТО, САД, Канада, Италија, Франција, Велика Британија, Германија, Шпанија и Полска, и уште две поглавја го испитуваат јавното мнение во Украина и во Русија. Анкетата е спроведена во овие десет земји телефонски или лично меѓу 11.116 полнолетни лица в о периодот од 6-ти април до 15-ти мај, истакнуваат од институтот.
Претходно во средата институтот објави дека само 41 отсто од испитаниците во осумте земји на НАТО, се наклонети на тоа Алијансата да ѝ испорача на Украина смртоносно оружје. Наспроти тоа, 70 отсто од граѓаните на овие осум земји се наклонети на давање економска помош на Западот за властите во Киев.
Многу од сојузничките земји не се наклонети на примената на членот 5 од договорот за НАТО, кој бара земјите членки да ги браната сојузниците, ако е потребно и со вооружена сила, во случајов при евентуален напад од Русија, заклучија во Pew.
Во споменатите осум земји членки на НАТО, 48 отсто од испитаниците се за примена на овој член, додека 42 се против. Во Франција и Италија, против се 53, односно 51 отсто. Најмногу приврзаници за примената на членот 5 има во САД, и тоа 56 отсто, а најмалку во Германија – 38 отсто./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.