Регион
Русија: Црна Гора да го преиспита зачленувањето во НАТО
Рускиот заменик амбасадор во Црна Гора, Владимир Гурко, изјави дека Москва е против ширењето на НАТО на истокот, како и дека пристапувањето на Црна Гора во овој воен сојуз би било избрзан чекор, пренесува агенцијата Sputnik.
Гурко ја повикува Црна Гора уште еднаш да ги преиспита предностите и негативностите од зачленувањето во НАТО, нагласувајќи дека „Москва е сериозно загрижена поради курсот на Црна Гора кон забрзана интеграција во Северноатланската алијанса“.
„Во Руската Федерација поаѓаме од тоа дека проектот на ширењето на НАТО денес е во спротивност со реалните потреби во сферата на безбедноста. Механичкото проширување на Алијансата кон истокот, кое не ги зема предвид интересите на сите држави од евроазиската заедница, веќе доведе и продолжува да создава нови линии на поделба“, оценува Гурко.
Рускиот дипломат оценува дека проширувањето на Северноатланската алијанса е поврзано со „барањето на надворешен непријател“, и дека тоа е „насочено кон реконструирање на `Железната завеса` во Европа“, додава Sputnik.
Гурко, исто така, наведува дека зачленувањето на Црна Гора во НАТО, „сериозно би ги нарушило“ односите меѓу двете земји „и би ја довело во прашање целосната работа на формирањето на општата европска архитектура на безбедноста“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.