Регион
Двајца загинати и над 100 ранети во експлозиите на митингот на курдската партија во Турција
Две лица загинаа во двете експлозии од непознато потекло кои одекнаа на предизборен митинг на Народната демократската партија (HDP) во градот Дијарбекир на курдскиот југоисток на Труција.
Повеќе од сто луѓе се ранети во тие експлозии, изјави турскиот министер за замјоделие Меди Едер за агенцијата Anadolu.
Експлозиите се случија во близина на трафостаница на градскиот плоштад во Дијарнекир, но министерот за енергетика Танер Јилдиз и во саботата ја потфрли претпоставката за неисправноста на електротрансформаторот. „Нашата проверка јасно покажа дека изворот на експлозијата не бил трансформаторот“, дециден е Јилдиз.
По експлозиите приврзаниците на HDP протестираа и дојде до помали судири со полицијата, која ги растеруваше демонстрантите со водени топови и солзавец.
Претседателот на главната курдска партија во Турција, Селахатин Демирташ, ги повика своите приврзаници да останат смирени и да ги чекаат изборите во недела. „Доколку го одржиме мирот, ќе победиме. Нема да им подлегнеме на овие провокации“, рече Демитраш.
Партијата HDP се бори да го мине изборниот праг од 10 отсто за да може да има свои претставници во турскиот парламент. Доколку тоа го постигне, тоа би ја оневозможило владејачката AKP да има апсолутно или двотретинско мнозинство. Со тоа партијата на Ердоган нема да може да прави уставни промени и промени на парламентарниот систем на Турција во претседателски, со кој претседателот Ердоган би ја добил и извршната власт./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.